Yuda 1:25 - Luganuzi Luswanu Kuli Wanhu Wose 2002

²⁵ kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.

I CILAGANE CIPYA 1991

²⁵ kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.

Yuda 1:25 ပူးပေါင်းရင်းမြစ်များ

1 Zinghomo 29:11

Agwe yo gwegwe mono wuwaha wo wako, kanyhi ne vilungo, no lukumyo, no wusume, no wutemi. Ne vinhu vyose vya ku wulanga na vyono vili mono yinze, vyose nha vyako, kanyhi agwe wutemile vyose, kanyhi wuli muwaha muli vyose.

Zabuli 104:24

Gwe go Muwaha Mulungu, milimo yako, nha minji muno kanyhi yo wizine muno muno! Wavinozeza vinhu vyose mu mahala mawaha! Ne yinze yimemile viwumbwa vyako du!

Zabuli 147:5

Muwaha Mulungu wetu, yo Muwaha mono yalawiliciye, kanyhi yo we vilungo muno. No wizuce wakwe wusina ndumo.

Zabuli 78:20

Hamba yiwe, heya mbeka yatowa litalawe, malenga gakahuluma nhe kolongo, ninga aluno ma, mbeka kosuma kucipela ndigwa, hamonga no kuwapela wanhu wakwe nyama?”

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

Luka 1:47

No muhe wangu wumusangalaliye Mulungu Muponyi wangu.

Yohana 4:22

Anye Wasamaliya, mumuhembaga ayulya mono imbeka, si mumumanyile yaye. Ninga ase langa co Wayahudi, cimumanyile yuyo mono cimuhembaga. Hambi i mhonelo nha yikulawa kuli Wayahudi.

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Walumi 11:33

O, lecenyi u wugoli ne mahala no wumanye wo Mulungu, si wakulonga! Ne zining'aniza zakwe si za kulonga! Sunga ne zinzila zakwe si zimanyikaga yaye. Nha vyono gakulonga i Mandiko Gono Gelile.

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

Walumi 16:27

Kuli Mulungu mono yo munya mahala yali wene, lweze lukumyo muli Yesu Kilisito, cibitilila ne cibitilila! Heya.

Waefeso 1:8

lyono yacipela lisina cipimo! Kwe mahala no wumanye wakwe wose.

Waefeso 3:10

alu i wawaha ne vilungo vya ku wulanga ho vimanyizizwe mu nzila ye Likanisa, ho wasume kugamanya i mahala go Mulungu gono gena mihilimo minji.

Waefeso 3:21

kuli yuyo lweze lukumyo mu Kanisa na muli Kilisito Yesu, mu mapango gose sunga ku myaka ne cibitilila. Heya.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

1 Timoteyo 2:3

Ne nghani yiyi nha swanu kanyhi yikumwendezo Mulungu u Mukombozi wetu,

Tito 2:10

hamba kuwahiziza i vinhu vyawo. Ninga yiwanojeye walajile vyono wene waswanu, kanyhi wehuwilwa nhondo zose, ho wasume kugatujila lilumbo yiswanu i mafundo go Mulungu u Mukombozi wetu ku soko ye metumo gawo gose.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Tito 3:4

Ninga caza kugubulwa i cidaha co wuswanu no wendo wo Mulungu, Mukombozi wetu,

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

2 Petelo 3:18

Ninga mujendelele kuwilucila mwihewa no mu wumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.

Wugubule 1:6

yakacinoza ciwe wutemi, ciwe wakohani, ho cimwitumamilo Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.