Yuda 1:24 - Luganuzi Luswanu Kuli Wanhu Wose 2002

²⁴ Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko ku lukumyo lwakwe akuno musina yilema,

I CILAGANE CIPYA 1991

²⁴ Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko kulukumyo lwakwe akuno musina yilema,

Yuda 1:24 ပူးပေါင်းရင်းမြစ်များ

Zabuli 21:6

Wukumunoza yawe mulugutwe cibitilila, u wijele wako, wukumumemya nyemo.

Zabuli 43:4

Baho nane go Mulungu, nobita ha wukumbicilo wako, nokuza kuli'gwe go Mulungu, mono wo mwamulizo we nyemo yangu. Nane nokukumya kwe lisumbi 'gwe go Mulungu, go Mulungu wangu.

Walawi 14:11

Nayo mukohani yamusole munhu yuyo hamonga ne vilavywa vivyo vyose, yamutegule sunga ko ku mulango we Lihema lyono lyelile.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwi'goda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda yikumi na mejete, akuno mukuwaling'aniza we milango yikumi na myejete ya Isilayeli.

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Matayo 5:12

Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Luka 9:26

Hambi muli wose mono kombonela soni nene ne zinghani zangu, nayo u Mwana wo Munhu kolomuwonela soni, yalaza kuziza mu nhojo yakwe, na yo Sogwe, na ye Wamalayika wono welile.

Walumi 14:4

Hambi alu agwe wuli nani, mono kumuling'aniza u mwitumami wa yunji? Na hono yeme hamba hono yagwe, yo nghani yo Mutwawe, heya, kokwimywa no kusikamywa, hambi u Muwaha nha yadahile kumwimya.

Walumi 8:31

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?

2 Wakolinto 11:2

Ane nha nghumuwonelenyi wivu, ninga wivu wa kuli Mulungu, hambi anye nha mwihwanile u muhinza musindile mono nimubanyiye u mulume monga du, nayo yo Kilisito.

2 Wakolinto 4:14

Nase cimanyile vyono, u Mulungu mono yamuzukula u Muwaha Yesu muli wafu, kocizukula nhavivilya na sese hamonga na Yesu, no kucinyasula hamonga nanye no kuciwika hali mwene.

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nhavivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Waefeso 3:20

Ale kuli yuyo mono kwe vilungo vyakwe vyono vikwituma mugati yetu, yasumile kwituma zimbaha zono zicizize kuli zono cidahile kulomba hamba kwihwesa,

Waefeso 5:27

ho yetujile Likanisa lyono lyelile, na lyono yiswanu, Likanisa lyono lisina manamha manamha hamba cilema, hamba ganji go gose gono genha gaga.

Wakolosayi 1:22

Ninga alu so wufwe wo Mwanagwe mono yekala baha mono'nze, u Mulungu yakondya kwilamula nanye, ho yamuletenyi hali mwene mwelile, musina yilema.

Wakolosayi 1:28

Na ku soko yiyo, holeka cikumuganula Kilisito kuli wanhu wose, cikuwasugula wose kanyhi cikuwafunda wose mu mahala gose, ho cisume kuwaleta wose hali Mulungu akuno wakondizye kuwa wakangaye muli Kilisito.

Wakolosayi 3:4

Na Kilisito wo wumi wenyu we mbeka, yalaza kwijela, ale, anye nanye baho ho molokwijela hamonga nayo mu lukumyo.

2 Timoteyo 4:18

Holeka u Muwaha si koleka kumhonya muli makani gose i mabi, kanyhi konghamisa sunga ko ku wutemi wakwe wa ku wulanga. Ale, kuli Mwene, lweze lukumyo cibitilila ne cibitilila! Heya.

Yakobo 2:10

Na mono yakubena lilajilizo limonga du lya mu Wulajilize, kowa wuhoswe wo kuwuhodanga Wulajilize wose.

1 Petelo 4:13

Langa musangalale vyono mukuhanga imagazo ga Kilisito, ho musume kuwa na nyemo mbaha muno muno mwidaha lono ulukumyo lwakwe lukugubulwa.

2 Petelo 1:10

Ale, holeka, wandugu zangu, piligalenyi muno muno kulunoza lulo ulucemo lwenyu lono mwacemelwa no Mulungu, luwe nghani ye cibitilila mu mikalile yenyu, na hono mwikale nhavivyo, simosuma kuwulecela lukulu uwihuwilo wenyu.

Yuda 1:21

No kwikala mu wendo wo Mulungu, akuno mukumulindila Muwaha wetu Yesu Kilisito yamupelenyi wumi we cibitilila ko lusungu lwakwe.

Wugubule 14:5

Kanyhi hasina cidaha cinji co cose cono wakawa walambi, wasina hamba yilema lyo lyose.