Yuda 1:23 - Luganuzi Luswanu Kuli Wanhu Wose 2002

²³ muwaponyaje ko kuwapula mu moto, na kuli wanji mweze mwina lusungu hamonga no woga, akuno mukuyisula sunga ne myenda yawo yono wayitipize ne masulumizi gawo i mabi.

I CILAGANE CIPYA 1991

²³ muwaponyaje ko kuwapula mu moto, na kuli wanji mweze mwina lusungu hamonga no woga, akuno mukuyisula sunga ne myenda yawo yono wayitipize ne masulumizi gawo i mabi.

Yuda 1:23 ပူးပေါင်းရင်းမြစ်များ

Zimbazi 7:8

Muzelelo yuyo, yakolaga mu nzila, yono yikolile behi ne kaya, yono yekalaga mucekulu yunji. Nayo muzelelo yuyo, yakolaga behi ne kaya yo mucekulu yuyo,

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

I Cililo 4:14

Ne walongola wawo, wakawa kuyumba-yumba du mu zinzila wenha wabofu. Na ku soko yiyo wakekwizanga sakami, mu nghango yono sunga yunji si yasuma kuwapamiza.

Walawi 14:47

No munhu wo wose mono kotambalala hasi mu kaya yiyo, hamba mono kolila zindigwa mu kaya yiyo, munhu yuyo yanojeye yakanze myenda yakwe.

Walawi 15:17

Ne cinhu co cose cono colagalilwa na yiyo mbeyu yakwe yo lulelo, hono ciwe cinozwe na nyhingo hamba mwenda, cinhu cico cinojeye cikanzwe, kanyhi cojendelela kuwa iwifyo sunga lizuwa kono lyoswela.

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.

Walumi 11:14

ho sume kuwanoza i Wayahudi wayangu, wamuwonelenyi nyenye wivu, nane ho sume kuwaponya wayawo wanji.

1 Wakolinto 15:33

Nye, mbeka mulece kukongwa bwete! U wiyendi wono si wuswanu, mbeka wuhodangaga i mikalile miswanu.

1 Wakolinto 3:15

ninga cinhu cono yacizenjela, hono cize citakamile mu moto, u munhu yuyo nayo si kocituga i cihumbilizwa cakwe yaye, langa u munhu yuyo mweneco, koloponywa nha kotya munhu mono yatijile ku wulawa mu moto.

2 Wakolinto 5:11

Ale, ase ciyimanyile soko yo kumogopela u Muwaha, holeka ku soko yiyi, cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nhavivyo mucimanyiye lukulu mu viselinji vyenyu.

2 Watesalonike 3:14

Yidahile kuwa kuko koyuli munhu yunji mono si yakuyihulika nghani yiyi yono cikumuletelenyi mu baluwa yiyi. Na hono yiwe nhavivyo, ale yinojeye anye mumwanzalice u munhu yuyo, kanyhi mulece hamba kuhanga nayo mu nghani yo yose, nayo ho yawone cevu.

1 Timoteyo 4:16

Wiyikamisaje muno muno go mweneco hamonga ne mejizo gako. Wuhidimbale muno muno mu wituma zizo, hambi nha kokwiponya go mweneco, hamonga na wawo wono wakukuhuliciza.

2 Yohana 1:11

Hambi mono yakumulamusa nha yakuhanga nayo mu metumo gakwe mabi.

Yuda 1:22

Muwawonelaje lusungu wanhu wono wali mu wukangamyanje,

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Wugubule 3:4

Ninga hamba nhavivyo, ko wali wanji kuko ku Salidisi, wono si wavitipiza vivwalo vyawo. Awo wo wanojeye kujendana hamonga nane, akuno wavwalile vivwalo vizelu.’