Yuda 1:16 - Luganuzi Luswanu Kuli Wanhu Wose 2002

¹⁶ I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

I CILAGANE CIPYA 1991

¹⁶ I wanhu wawa wekalaga du wakungʼungʼulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

Yuda 1:16 ပူးပေါင်းရင်းမြစ်များ

Jobu 32:21

Nane mu zinghani zizi, hamba si nosuma kwima ku lubavu lwa yunji yaye, hamba kwiyendeza kuli munhu wo wose.

Jobu 34:19

Mwene si kawahijilaga mbejele i walongola, hamba si yakuwawona wagoli wawe wo waswanu si nhe waciwa, hambi mwene nha yo yawawumba wose.

Zabuli 106:25

Wakang'ung'ulicila mu mahema gawo mugati, hamba si wasaka kanyhi kumuhulika Mulungu.

Zabuli 15:4

Kanyhi munhu yuyu kawabedegalaga wose, wono Mulungu yakuwalema, langa kawapelaga cogopo wose wono, wamogopilo Mulungu. Nayo kawufisilizaga wihuwizo wakwe, hamba wuwe wukumuletela wambuce.

Zabuli 17:10

wasina lusungu hamba hadodo, wamemile nghani zo widunhumuzi.

Zabuli 73:8

Wendile kuwezwajiza wanhu wanji, no kuwalonga makani mabi, wedunhumulaga no kupanga zo wiwonela wanhu wanji.

Zimbazi 28:21

Nako kuwahijila mbejele wanhu, si kuswanu ng'o. Ninga mahakimu wanji, wakonga-kongwaga mu nzila yo kupegwa cinhu cidodo du ca mafupo.

Isaya 29:24

Ne wanhu walele nawo wolotuga wizuce. Ne wanhu wono wekalaga wakung'ung'ulika nhondo zose, nawo wolokwenda kulanjizwa.”

Walawi 19:15

“Weze mwihuwilwa, kanyhi wuli ling'ani, lono wukulamula mu vyalo. Wulece kuhijila mbejele kuli muciwa, hamba kumuwonela cevu munhu mugoli.

Wuwale 14:36

Nawo wanhu wono Musa yawatuma wabite wakayitandile yisi, wawo wo waleta zinghani zimbi, zono zambuza sunga ne wanhu wamung'ung'ulicile Muwaha Mulungu.

Wuwale 16:11

Holeka lono mukumung'ung'ulicila Haluni, mukumung'ung'ulicila Muwaha Mulungu, na mu nzila yiyo, nyenye, hamonga ne watyati wenyu wose, mweza muli wabedegazi.”

Wuwale 16:41

Na mwizuwa lye kejete, mhuga yose ye Waisilayeli wakanza kumung'ung'ulicila Musa na Haluni wakutya, “Alu anye, ta mulanje, mwakondya kuwawulaga wanhu wanji wo Mulungu.”

Luka 15:2

Wafalisayo na wejizi wo Wulajilize, wakanza kung'ung'ulika wakutya, “Lanjenyi ta munhu ayu! Yakuwabocela wanyo wubi no kuhanga nawo mu zindigwa.”

Luka 19:7

Wanhu wose waza kuwona zizo, wakawa kwanza kung'ung'ulika wose, wakutya, “Kenjila kuduwa kuli munhu mubi.”

Luka 5:30

Wafalisayo ne wejizi wo Wulajilize wakawang'ung'ulicila wejizwa wakwe; wakutya, “Alo so cici mukulizana kanyhi mukung'wezana ne watoweza kodi ne wanyo wubi?”

Yohana 6:41

Nawo Wayahudi wakawa kwanza kung'ung'ulika ku soko vyono yatya, “Ane yo nene i ndigwa yono yatima kulawa ku wulanga.”

Yohana 6:61

Ninga Yesu yakawamanya mweneco, hamba yunji si yamulonjela vyono wejizwa wakwe wakuying'ung'ulicila inghani yiyo, yakawawuza yakutya, “Alo inghani yiyi yikumupelenyi mahwele hongo?

1 Wakolinto 10:10

Hamba mulece kumung'ung'ulicila nha vyono wanji wamung'ung'ulicila, nawo wakawulagwa wose no Muwulaji!

Wagalatiya 5:16

Holeka ane nghutya nhavi, i mijendele yenyu yeze kulongozwa no Muhe, nanye ho si motyatizya lukulu i masulumizi ga mononze.

Wagalatiya 5:24

I wakwe Kilisito, wakondya kuwuwulaga u wuwe wawo we ciyinze-yinze hamonga ne mahweso gayo i mabi ne masulumizi gayo.

Wukumbucize wo Wulajilize 1:27

Kanyhi mukawa kwing'ung'ulicila nyenye weneco wose mukutya, ‘Muwaha Mulungu yacisula muno. Holeka yaciwusa ku Misili, yacilete mu miwoko ye wawa Waamoli, ho waciwulaje.

Wafilipi 2:14

Mwitumaje zose akuno musina wung'ung'ulice hamba wiwanganile,

1 Watesalonike 4:5

ninga si mu masulumizi mabi nhe wanhu we makungugo ganji wono si wamumanyile u Mulungu.

1 Timoteyo 6:5

no wiwanganile wono wusina ndumo, wono wukulawa kuli wanhu we mahala gono gavizice, kanyhi wono wayisina imbeka. Wono wehwesaga vyono dini, mba yo nzila yo kutujila wugoli.

2 Timoteyo 4:3

I lipango lyokuza lyono wanhu si wolokwenda kugahuliciza i mejizo ge mbeka, langa wene wokwenda kutyatya masulumizi gawo weneco, no kwilundila wejizi wenji wono wowalonjela zinghani zizo du zono i makutu gawo gowa gewikanize kuwuhulicize.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

1 Petelo 4:2

Holeka ku wulawa lulu, imikalile yenyu yono yisigaye kwikala kukuno kono'nze, yinojeye muwe kutongwa no wuhile wo Mulungu, hamba si ne masulumizi ge cimunhu-munhu.

2 Petelo 2:10

Na ko muno wa walya wono watyatyaga imasulumizi mabi go muwili na wono wakubedegala no kulema kutemwa no Mulungu. Iwanhu we liwala lilyo, wasina cihuliko kanyhi wedunhumuzi, hambi nha watovulaga, kanyhi wasina cogopo kuli viwumbwa vyono vyelile vya kucanyha.

2 Petelo 2:18

Hambi nha walongaga zinghani zo wiwoni zono zisina nhunizo, kanyhi wegetumamilaga imasulumizi gawo mabi go muwili ho wawagwise awalya wono wakondya kwilega mu wanhu wono wekalaga mu wajilile.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolomuzwajizenyi nyenye,

Yuda 1:15

ho yalavye u wuling'anizwe kuli wanhu wose, kuwaling'aniza wose so metumo gawo i mabi gono wetuma, hamonga ne makani gawo gono i wanhu wabi wamutovulaga.”

Yuda 1:18

Wamulonjelenyi wakatya, “Mu vilo vya ku ndumo vilakuza, wolokuza wanhu wono wolowa kumuzwajizenyi, wanhu wono wakutyatya masulumizi gawo mabi.”