Yuda 1:13 - Luganuzi Luswanu Kuli Wanhu Wose 2002

¹³ I wanhu wawo wehwanile i mawingo ge lilenga gono gagalile, ne metumo gawo ge cevu, gejeye calinze nha mafulo ge mawingo. Wene wawo wehwanile i zinyelezi zono zikuyumba-yumba, wono u Mulungu yawawiciye i hanhu hawo cibitilila ha wutitu wuwaha.

I CILAGANE CIPYA 1991

¹³ I wanhu wawo wehwanile i mawingo ge lilenga gono gagalile, ne metumo gawo ge cevu, gejeye calinze nha mafulo ge mawingo. Wene wawo wehwanile i zinyelezi zono zikuyumbayumba, wono u Mulungu yawawiciye i hanhu hawo cibitilila ha wutitu wuwaha.

Yuda 1:13 ပူးပေါင်းရင်းမြစ်များ

Zabuli 65:7

kunyamazaga wukolome we lilenga, ne lizozo lye mawingo galyo, agwe kunyamazaga sunga ne lizozo lye wanhu.

Isaya 57:20

Ninga i wanhu wabi, wehwanile ne lilenga lyono lisagahaye, lyono mawingo galyo si gatulaga yaye, ne malenga galyo galapusaga madabaga hamonga ne makucilu.

Wafilipi 3:19

Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

2 Petelo 2:17

Iwanhu wawo wenha mivwilo yono yinyalile, kanyhi wenha mavunde gono gapemheluswaga ne mbeho mbaha, no wikalo wawo wono wawiciywe, nha hanhu hono howuli wutitu wuwaha.

Yuda 1:6

Ne wamalayika wono si wawukamisa u wuwaha wawo, wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wuling'anizwe.

Wugubule 20:10

Na Setani mono yawakongaga, yakagumilwa mwi'lamba lyono likwaka moto we cibiliti, mumo mono molili alilya lilimu, hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”