Yoweli 3:9 - Luganuzi Luswanu Kuli Wanhu Wose 2002

⁹ “Muwalonjelaje makungugo gose mutye, ‘Mwiwikanizaje so wulugu, muwacemaje we citung'ati wenyu, mukonghole wasilikale wose wabite ku wulugu!

Yoweli 3:9 ပူးပေါင်းရင်းမြစ်များ

Zabuli 96:10

Mugalonjele makungugo mutye nhavi, “Muwaha Mulungu yo Mutemi! Yayisimya yinze hanhu hayo, hamba si yosinjisicila lukulu yaye. Nayo kowaling'aniziza wanhu mu ling'ani.”

Isaya 34:1

Alu muze nye nyo wanhu we makungugo gose! Mwihangulize hamonga muhulicize. Nagwe go yinze, hamonga ne wanhu wose mono mwikaye mumo, muze muhulicize.

Yelemiya 31:10

U Muwaha Mulungu yakutya nhavi, “Nye nyo we zinghungugo, muhulicizaje ye, muziganule zinghani zangu, sunga ko ku vizingwa vyo kutali. Hambi 'ne, nha naweyagaza wanhu wangu, ninga luno nowakongholela wose hamonga. Niwakamise nha vyono mudimi kakamisaga litewa lyakwe.

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Yelemiya 51:11

U Muwaha Mulungu kawasagahiza i watemi wa Mediya, hambi nha yakusaka yayongomeze Babiloni. Na yiyo yo nzila yono kokwitumamila ho yayilipicize Babiloni, ku soko vyono wene wayihodanga Nyumba yakwe. Nawo i walongola we milewo, wakulajiliza wakutya, “Ale! Nolenyi zisonga zenyu! Muwikanize ne zingula zenyu!

Yelemiya 51:27

“Mwinule bendela hacanyha so wihomi! Mutowe ne ndulele, i makungugo ho gahulice! Mugawikanize makungugo so wulugu, wayihome Babiloni! Muwalonjele sunga ne watemi wa Alalati na Mini, hamonga na Ashikenazi, wose wenjile mu milewo. Mulete zifwalasi, ziwe nyinji muno nhe matewa ge zinzije.

Yelemiya 6:4

Hanyuma yayo wolokwilonjela weneco wose wawe kutya, “Ale, mwiwikanizaje luno, cibite ciyihome Yelusalemi! Nhondo cibite mu madaha ge cinyamihe.” Ninga hanyuma kanyhi wolotya, “Nye, ninga cacela muno, mulanje luno, ne lizuwa lu lyeza kuswa, sunga ne mibeho ye cinyamihe yeza kutalimha.

Ezekiyeli 38:17

Hambi agwe Gogu, nha yo gwegwe mono nalongaga i zako ku wulawa katali, mu nzila ye wetumami wangu i wawizi wose we Waisilayeli, na vyono na mu vilo vyono vikuza, nokwenda nize ndete munhu yayihome Isilayeli.” Vyo yakutya u Muwaha Mulungu.

Ezekiyeli 38:7

Holeka wumulonjele nha vyono, yimunojeye yewikanize hamonga ne mapuga gose ge wasilikale, wono wowa wali hasi yo wulindilizi wakwe.

Mika 3:5

Wanhu wangu nha wakukongwa ne wawizi wo wulambi, wono wakuwehuwiziza vyono wokwikala wapolile, wawo wono wakuwalipa, na wono siwakwituma zizo, wakuwakajiziza wulugu. Ninga kuli wawizi wawa, u Muwaha Mulungu yakuwatya.

Hagayi 2:7

Nane nogacicimya makungugo gose, no wugoli wawo wose, wolosolwa no kuletwa bahano, ne Nyumba yo Mulungu yolomemywa no wugoli.

Zakaliya 14:2

U Muwaha Mulungu kolozileta zinghungugo zose hamonga, zihome na Yelusalemi. Likaya lyolosolwa, ne zikaya zolotekwa. Ne we cicekulu wolokwibatwa kwa vilungo ne walugu, wagone nawo. Ne nusu ye wanhu wolobita mu mateka ninga wanji wa muli wene, siwolosolwa yaye ho wawuce mwi'kaya.

Zakaliya 14:3

Nayo Muwaha Mulungu ho kololawila yehome ne zinghungugo zizo, nha vyono yawahoma mu vilo vyono vipulute.