Yoweli 3:8 - Luganuzi Luswanu Kuli Wanhu Wose 2002

⁸ Nane nowaleka wana wenyu we cilume na we cicekulu, waguzwe kuli wanhu wa Yuda, ne wanhu wa Yuda nawo wowaguza kutali ku wanhu wa Sheba, hambi ane no Muwaha Mulungu nha vyo nghutya.

Yoweli 3:8 ပူးပေါင်းရင်းမြစ်များ

Jobu 1:15

Waseba wawa kuza nhinicizo, wawa kuzisola zing'ombe hamonga ne zindogowe zose. Kanyhi wawa kuwawulaga ne wetumami wako wose, na yo nene du mono sigaye. Yonene du mono mhonile, ho nize nghulonjele zizo.”

Zabuli 72:10

Ne watemi we Talishishi, hamonga ne vizingwa, wose womulipa kodi, watemi we Sheba na Seba, nawo womuletela vipegwa.

Isaya 60:14

Ne wana we cilume we wanhu wose wono wekalaga wakumwiwonelenyi, wolomuzizenyi nyenye, wamwinamilenyi ha mwande yenyu, wakulajila ze cogopo cawo kuli'nye. Sunga na wa walya wose wono wekalaga wakumubedegalenyi, wolokuza wafugame ha mwande yenyu. Nawo wolomucemenyi watye, ‘Likaya lyo Muwaha Mulungu,’ ‘Sayuni, likaya lyo Mulungu mono yelile wa Isilayeli.’ ”

Yelemiya 30:16

Ninga ku wulawilila lulu, i wanhu wose wono wolomusolelenyi vinhu vyenyu, ale nawo wolosolelwa vinhu vyawo nhavivyo. Ne walugu wenyu wose, wolosolwa wategulwe kutali nha wafungwa. Ne wanhu wose wono wolomwiwonelenyi, nawo wolokwiwonelwa, ne wanhu wose wono wolomupumhenyi nawo wolopumhwa nhavivyo.

Yelemiya 6:20

Alu nane nowa nina cambuzici, hono niwubocele wuvumba wono wakundetela ku wulawa Sheba, hamba no wudi wa mhunjile swanu wono wukulawa ku zi'si zo kutali? Nane hamba si novibocelela lukulu i vilavywa vyawo, hamba si nokwendezwa yaye ne makumbiko gawo.

Ezekiyeli 23:42

No winji we mazi ge wanhu wono wali wali mu wusangalale, gakahulikwa i mazi ge lipuga lye wanhu wono waletwa ku wulawa ku nyika. Nawo wakawavwika Ohola na Oholiba bangili mu miwoko yawo, hamonga ne vipombelo viswanu mu mitwe yawo.

Ezekiyeli 38:13

Ne wanhu wanya Sheba na Dedani, hamonga ne wasuluza wa mu vitumbi vya kutakama ya Hisipaniya, wolokuwuza wawe kutya, ‘Alu mwene 'gwe Gogu, kuza akuno hamonga ne mapuga gako ge wasilikale ho wutece mateka lo? Yikwijela nha vyono wuhile wako, wutuje fweza, na zahabu, ne mitugo, hamonga ne zisawo zinji zose, wuvikunyhe wubite navyo vyose.’ ”

Wukumbucize wo Wulajilize 32:30

Hamba kumanya vyono wali wanhu elufu monga, ninga munhu monga du kawasuma. Na wanhu elufu yikumi wasumwa na wanhu wejete du? Muwaha Mulungu, u Mulungu wawo, yakondya kuwaleka, Mulungu wawo we vilungo, yakondya kuwagumila.

Walamuzi 2:14

Hobaho Muwaha Mulungu yakawakolelwa likuwo Waisilayeli no kuwatajila mu miwoko ye walugu wawo, ho wawahome, no kuwahiziza vinhu vyawo. Yakawapela vilungo i walugu wawo, nawo Waisilayeli wakawula vilungo vyo kwitaziza ho wawasume walugu wawo.

Walamuzi 4:2

Nayo Muwaha Mulungu, yakawa kuwatajila mu miwoko ya Yabini u mutemi we Wakanani, mono yali yatemile likaya lya Hazoli. Mulongola we wasilikale wakwe yacemwaga Sisela mono yekalaga Halosheti-hagoyimu.

Walamuzi 4:9

Nayo Debola yakamutya, “Ale viswanu, cobitana nagwe! Ninga u muhinzo wuwu, siwokupela lilumbo lyo wusume, hambi u Muwaha Mulungu nha komutajila Sisela mu miwoko yo mucekulu.” Lo lulo lulo Debola yakatuluka hamonga na Balaka wakawa kubita ku Kedeshi.