Yoweli 3:5 - Luganuzi Luswanu Kuli Wanhu Wose 2002

⁵ Hambi nha mwesolela nyo weneco fweza ne zahabu, ne vinhu vyangu viswanu, no kuvinjiza mu zinyumba zo wuhembelo wenyu.

Yoweli 3:5 ပူးပေါင်းရင်းမြစ်များ

2 Watemi 12:18

Ninga Yowashi mutemi wa Yuda, yakakonghola vilavywa vyose vyono vyasiwanulwa ne wasogwe nha cinji Yehoshafati, na Yeholamu, na Ahaziya, so Muwaha Mulungu. Mwene yakavihanza hamonga ne vilavywa vyakwe, hamonga ne zahabu yono yali yili mu Nyumba yo Mulungu ne zahabu ya mwi'kulu, yakawa kumupela vyose cipegwa u mutemi Hazayeli. Nayo mutemi Hazayeli, yakawa kuliwusa lipuga lye wasilikale wakwe mu Yelusalemi.

2 Watemi 16:8

Ahazi yakasola fweza, hamonga ne zahabu yono yali mbikwe mu Nyumba yo Mulungu, hamonga ne viwutwa vya mu nyumba yo mutemi, yakamutegulila cipegwa mutemi Tigilati Pilesa.

2 Watemi 24:13

Yakavisola viwutwa vyose vya mu Nyumba yo Mulungu, na vya mwi'kulu, yakavitegula ku Babiloni. Nebukadineza yakavidumulanga viya vyose vye zahabu, vyono vyetumamilwaga mu Nyumba yo Mulungu, vyono yavinoza mutemi Solomona, nha vyono Muwaha Mulungu yalonga.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Yelemiya 23:7

U Muwaha Mulungu yakutya nhavi, “I vilo vikuza lono i wanhu si wolowa kwilahiza mwi'tagwa lyangu, ane no Mulungu mumi, mono nawawusa wanhu wa Isilayeli mu yisi ya Misili.

Yelemiya 50:28

(Ne wanhu wono wakutiza kuko ku Babiloni, no kuza ku Yelusalemi, wawo wo walalonga zose, nha vyono u Muwaha Mulungu u Mulungu wetu yakwilipiciza cilipicizo ku soko ya zono Babiloni yetuma mu Nyumba yiyi yo Mulungu.)

Yelemiya 51:11

U Muwaha Mulungu kawasagahiza i watemi wa Mediya, hambi nha yakusaka yayongomeze Babiloni. Na yiyo yo nzila yono kokwitumamila ho yayilipicize Babiloni, ku soko vyono wene wayihodanga Nyumba yakwe. Nawo i walongola we milewo, wakulajiliza wakutya, “Ale! Nolenyi zisonga zenyu! Muwikanize ne zingula zenyu!

Ezekiyeli 37:12

Holeka wuwawililaje i wanhu wangu wa Isilayeli, wuwalonjele nha vyono, ane no Muwaha Mulungu, novidigula vitenjelo vyawo, niwawuse mumo mu vitenjelo, niwategule sunga ko ku yisi ya Isilayeli.

Danyeli 11:38

Ninga langa, mwene koloyipela cogopo i milungu yono yigadimaga magomawakali du i milungu yono ne i walezi wakwe si wayihemba yaye. Kanyhi koyilavizya milungu yiyo zahabu, na fweza, ne vibwe vyo wuguzi wukamu, hamonga ne vipegwa vinji vinji vyo wugoli.

Obadiya 1:17

“Ninga mwi'tunda lya Sayuni, wanji wolopona. Na ho baho, holowa hanhu hono helile. Ne wanhu wa Yakobo wolokwikala mu yisi, yisi yono yo ling'ani yawo.