Yoweli 3:2 - Luganuzi Luswanu Kuli Wanhu Wose 2002

² Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Yoweli 3:2 ပူးပေါင်းရင်းမြစ်များ

2 Zinghomo 20:26

Na mwi'zuwa lye kane, wakekongholela he 'lolo lya Balaka, wakamulumba Muwaha Mulungu so zose zono yawatendeye. Ale, yiyo yo soko yono yikaleka i hanhu baho hakacemwa “Balaka sunga nalu.”

Isaya 66:16

Nayo kolowalipiciza ko moto no mumaje, i wanhu wose wa mono'nze, wono yakuwawona wasutyi, na wenji wolowulagwa.

Isaya 66:18

Ninga nane nigamanyile mahweso gawo, hamonga ne metumo gawo. Holeka nane nghuza niwakonghole i wanhu wose we makungugo gose. Nawo kolo wekonghola hamonga, baho ho wovimanyila vilungo vyangu vyono vinha.

Yelemiya 12:14

U Muwaha Mulungu yakutya nhavi, “Ane nina nghani yono nghusaka niwalonjele wono wekalane ne wanhu wangu Waisilayeli, wono wakondya kuyinoza matongo, i yisi yono nawapela i wanhu wangu Waisilayeli. Nha vyono nane, nowawusa wawo i wanhu wabi, mu zi'si zawo, niwakule, niwawuse ne milela nho mubici, nimuponye Yuda muli wene.

Yelemiya 25:31

Ne lizi lyakwe lyolobocelela sunga ko ku zimhelo ze yinze. Hambi u Muwaha Mulungu, nha yakwisumaniza ne makungugo. Nayo kolowaleta wanhu wose ha wuling'anizwe, yawasole i wanhu wabi yawawulaje. Vyo yakutya u Muwaha Mulungu.”

Yelemiya 49:1

Azi zo nghani zono u Muwaha Mulungu yakuyilonjela yisi ya Amoni yakutya, “Alo i wanhu wa Isilayeli wali hayi lo? Heza hasina hamba munhu monga mono yakuyitetela yisi yawo lo? Alu nhawule wakuwaleka i wanhu wono wamuhembaga Moleki wakuyisola yisi ya wo mulango wa Gadi no kwikala mumo?

Yelemiya 50:17

U Muwaha Mulungu yakutya nhavi, “I wanhu wa Isilayeli, wenha zingholo zono zawingwa ne simba, no kwiyagazwa ako na ako. Hambi ha lulongozi, nha wakahomwa no mutemi wa Ashuli, hanyuma yayo kanyhi, wakahomwa na Nebukadineza, u mutemi wa Babiloni, yakawabenanga mafupa gawo.

Ezekiyeli 25:8

U Muwaha Mulungu yakutya, “Vyono Mowabu yikutya yisi ya Yuda, yihwanile zinghungugo zinji zose.

Ezekiyeli 34:6

Na ku soko yiyo, zingholo zangu zikeyagala mu vigongo vitali, na mu matunda. Zikeyagalila mu zisi zose za kono'nze. Na hali hasina hamba munhu mono yakuziwuza, hamba kuzilondola.

Ezekiyeli 35:10

“Hambi agwe nha wukutya ti, gago i makungugo mejete, Yuda na Isilayeli, hamonga ne yisi yawo, vyose vyako yo sawa yako. Hamba yiwe ane no Muwaha Mulungu, yo nene Mulungu wawo ku wulawa na katali.

Ezekiyeli 36:1

U Muwaha Mulungu yakatya, “Gwe go munhu wulonje ne matunda ga Isilayeli, wugalonjele nha vyono ganojeye gayihulicize nghani,

Ezekiyeli 36:5

“Alu nane no Muwaha Mulungu, nghulonjela mwi'kuwo lyangu liwaha, kuli makungugo gose gono gapilime yisi ya Isilayeli, na ko muno kuli yisi ya Edomu. Wono waketemya mu yisi yangu yiwe wutemi wawo, so nyemo ye zinhumbula zawo, wakahasola ne hanhu ho wudimilo wayo.

Ezekiyeli 38:22

Nane nolomulipiciziza Gogu mu nzila ye matamwa na mu ma'fwa. Nolotonyeza mvula yono yine 'beho na ye mabwe mawaha muno muno, no moto, ne cibiliti, muli mwene ne lipuga lye wasilikale wakwe, hamonga ne makungugo gose, gono gowa gali hamonga nayo.

Ezekiyeli 39:11

U Muwaha Mulungu yakatya, “Kolo zizi zikwijela, nane nolomupela Gogu ciwanza, hono kowa kuzika i wafu kuko mu yisi ya Isilayeli, mwi'lolo lya wono wakukola lya ku lubavu lwa kucilima, ye lilenga lyo Mwino. Nayo Gogu mweneco, hamonga ne Wasilikale wakwe, wolozikwa kuko, ne lilolo lilyo, lyolocemwa, ‘I lilolo lye wasilikale wa Gogu.’

Yoweli 3:12

“Makungugo gewikanizaje, gaze mwi'lolo lyono likucemwa, U Muwaha Mulungu Yakuling'aniza, ane no Muwaha Mulungu kuko ko nogaling'aniza makungugo ga mu zimbavu zose.

Yoweli 3:14

Mapuga na mapuga wali mwi'lolo lyo wuling'anizizwe. Na vyo yolowa mwi'zuwa lilyo lyo Muwaha Mulungu, nalyo likuza hamba si lyocela yaye.

Amosi 1:11

Muwaha Mulungu yakutya, “Wanhu wa Edomu, wetuma wubi kali kenji. Na ku soko yiyo, nane nowalipiciza. Hambi nha wawatendela vibi wandugu zawo, Waisilayeli, hamba kulajila lusungu yaye. Ne likuwo lyawo, likawa vyo lijendeleye du lisina wumalice yaye.

Mika 4:12

Ninga hamba nhavivyo, i makungugo gaga, sigamanyile zono Muwaha Mulungu yakwihwesa. Hamba si gakumanya vyono, mwene yagahangulize hamonga ho yagalipicize, nha vyono wawulundaga wuhemba mu cuga wawa kuwutowa.

Zefaniya 3:8

Ane nghutya, “Wunindilaje.” Vyo yakutya Muwaha Mulungu, “Wulilindile lizuwa lyono nokwinuka ho niwasitace makungugo. Nane nakondya kutemya vyono, nigakonghole i makungugo, hamonga no wutemi wose, ho wasume kuviwona i vilungo vye likuwo lyangu. Ne yinze yose yotakamizwa no moto we likuwo lyangu.

Wugubule 11:18

Wanhu wono si wamumanyile Mulungu wakakolwa likuwo, vyono lidaha lye likuwo lyako lyakondya kuza, lyo kuwaling'aniza i wafu. Naco co cipango co kuwapelela ligawo lyawo wetumami wako wawizi wanhu wako, na wose wono walikumyaga, litagwa lyako, wawaha ne wadodo. Kanyhi co cipango co kuwongomeza wono wakuyongomeza yinze.”

Wugubule 16:14

Ayi yo myuhe ye masetani, yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 16:16

Hodu, yiyo imyuhe myavu yikawa kuwa kongholela hamonga wawo watemi, hanhu hono hacemwaga mu Cihebelaniya Halimagedoni.

Wugubule 16:6

Hambi nha wayimwaga sakami ye wanhu wako, sunga na ye wawizi, holeka nagwe kuwapela i sakami waying'we, na mbeka vyo yiwanojeye!”

Wugubule 20:8

Nayo kolawila mu jela, kanyhi yamule kugakonga i makungugo gose gono geyagaye kono'nze kose, wo wutya, Gogu na Magogu. Setani kowakongholela hamonga ho wehome, nawo wowa wenji wenha musawawa wa mu Mwejelele we lilenga.