Yoweli 3:18 - Luganuzi Luswanu Kuli Wanhu Wose 2002

¹⁸ “Mu vilo vivyo, matunda golomema mizabibu yose, ne zing'ombe nazo, zolowa ziyagaye mu matunda gose, kanyhi kolowa na malenga menji ku soko ye vikolongo vya Yuda. Ne cikolongo colohuluma ku wulawilila mu kaya yo Muwaha Mulungu, sunga ne lilolo lya Shitimu nalyo, lyolowa lina malenga menji.

Yoweli 3:18 ပူးပေါင်းရင်းမြစ်များ

Jobu 29:6

Zing'ombe zangu hamonga ne zimhene, zamhelaga mele menji muno, ne mibici yangu ye mizeyituni, yali yicindice mu muhangha wono wina mabwe mabwe.

Zabuli 46:4

Holili likolongo lyono malenga galyo, galisangalazaga likaya lyo Mulungu, wikalo wono welile wa Mono Yalawiliciye Muli Vyose.

Wutuluce 3:8

Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Isaya 30:25

Na mwi'zuwa lyono golokumulwa magomawakali ge walugu wenyu, ne wanhu wawo wakuwulagwa, mwi'zuwa lilyo, vikolongo vye malenga vyolohuluma vikulawilila mucanyha ye matunda gose na mu vigongo vyose.

Isaya 35:6

Nawo we citewe, wolozumha-zumha no kuvina, nawo wono wali cibwibwi, wolokwimba na nyemo. Vikolongo vye malenga vyolohuluma mu nyika.

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Isaya 45:8

Nane nololeta wusume ku wulawa ku wulanga nha mvula, nayo yisi yolokwiwikaniza ho yiwubocele na mu mapango gago wolowa mulamu hamonga no wiling'ano. Ane no Muwaha Mulungu mono nolozinoza zizi zijele.”

Isaya 55:1

Muwaha Mulungu yakutya, “Malenga gali baha, holeka muze wose mono mukaluce! Nanye wose mono musina pesa, muze mugule ndigwa mubite mukalye! Muze mung'we divayi ne mele, ninga movituga bwete du!

Isaya 66:11

Nanye molomota muno wumoteswe walyo, nha vyono mwana mudodo kamotaga lono yakongha matombo go nyina.

Yelemiya 31:12

Holeka nawo wonyiziza, wanyimbile so nyemo mwi'tunda lya Sayuni, kanyhi wendezwe ne vipegwa vyangu, i vipegwa vyo wusaje, ne divayi, hamonga ne mafuta, ne vipegwa vye zingholo ne zing'ombe. Na baho, wolowa nha busitani yono mwajilwe malenga. Nawo wolowa wakwizize vyose vyono wakuvisaka.

Mika 6:5

Anye nyo wanhu wangu, mukumbucile zizo zono Balaki u mutemi wa Mowabu, yali yewikanize ho yamutendelenyi 'nye, na vyono Balamu mwana wa Beyoli yamupitula. Kanyhi mukumbucile zono zejela, lono mwali muli mu nzila, ku wulawa ku nghambi ya Shitimu sunga ku Giligali. Holeka momanya zono nghamutendelenyi ho nimuponyenyi 'nye.

Zakaliya 14:8

Na mwi'zuwa lilyo, malenga maswanu golohuluma gakulawilila ku Yelusalemi. Nusu yago, golokwinjila mwi'lenga lyo mwino, ne nusu nzagwe ye kejete, golokwinjila mwi'lenga lya Meditelaneya. Lyolohuluma vilo vyose vya mu mwaka wose. Mu vipango vye cifuku ne cibahu.

Wuwale 25:1

Nawo Waisilayeli lono wali wali mu nghambi mwi'lolo lya Shitimu, i wanhu we cilume, wakawa wakusenyha ne wahinza we Cimowabu wono wali wali mumo.