Yoweli 3:17 - Luganuzi Luswanu Kuli Wanhu Wose 2002

¹⁷ “Nagwe go Isilayeli baho ho kolomanyila vyono ane yo nene Muwaha Mulungu wako. Nikaye mu Sayuni mwi'tunda lyangu lyono lyelile. Nayo Yelusalemi yowa likaya lyangu lyono lyelile, hamba wajenzi si wolisuma yaye.

Yoweli 3:17 ပူးပေါင်းရင်းမြစ်များ

Jobu 15:19

I wajenzi wose wakawingwa wawuce mu yisi yawo. Hakawa hasina yunji kanyhi mono yali yawapatuse no kuwawika kutali no Mulungu.

Zabuli 76:2

Ne lihema lyakwe lili ku Salemi, no wikalo wakwe wuli ku Sayuni

Zabuli 9:11

U Muwaha Mulungu yo yayitemile Sayuni, holeka mumwimbilaje nyimbo ze lilumbo, kanyhi muwanzizaje wanhu wose ze metumo gakwe.

Wutuluce 16:12

“Nghondya kuwuhulika wung'ung'ulice we Waisilayeli. Alu wulongane nawo wuwatye vyono, mu madaha ge cinyamihe, wolya nyama, na hakali mitondo wolya mukate. Nawo ho womanya vyono, Ane yo nene Muwaha Mulungu, u Mulungu wenyu.”

Isaya 11:9

Na mwi'tunda lyo Mulungu lyono lyelile lya Sayuni, molowa musina citamisi co cose hamba cibi co cose. Hambi yisi nha yolomema wumanye wo Muwaha Mulungu nha vyono lilenga limemile malenga kose.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 35:8

Kanyhi baho holowa na nzila mbaha, ne nzila yiyo yolocemwa “Nzila yo Wele.” No munhu mubi si koloyikola nzila yiyo langa yowa ku soko ye wanhu wono wayityatizye hamba wawe walele, ninga si wokwajilila mu nzila yiyo.

Isaya 4:3

Na muli wose mono kololekwa mu Yelusalemi, mono Mulungu yamulecile mumi, yuyo kolocemwa yelile.

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Isaya 52:1

Gwe Yelusalemi, weze ne vilungo, wuwuvwale wuwaha wako kanyhi! Agwe 'gwe kaya lyono lyelile lyo Mulungu, wivwikaje kanyhi nhojo yako! Hambi i wanhu wono si wamumanyile Mulungu, nha si wolokwinjilila lukulu kanyhi mu milango yako.

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Yelemiya 31:23

U Muwaha Mulungu we mihanga, u Mulungu we Waisilayeli yakutya nhavi, “Kolo nghuwagomola i wanhu ku yisi yawo weneco, wolokwitumamila nghani yiyi mu yisi ya Yuda na mu vikaya vyayo, wawe kutya, ‘U Muwaha Mulungu yalilugutize litunda lyono lyelile lya Yelusalemi, i hanhu hono helile hono mwene yekaye.’

Yelemiya 31:40

Ne lilolo lyose lyono wazikaga mivimba, no kugamwaga mavu, ne migunda yose, sunga ko ku cikolongo ca Kidiloni, sunga ko ku nhuzi yo mulango we zifwalasi, ku lubavu lwa kucilima. Mumo mose, mosiwanulwa ku soko yangu. Ne likaya, si lyolokulwa kanyhi hamba kuhodangwa yaye.”

Ezekiyeli 20:40

Nanye nyo wanhu wangu, nyo wanhu wa Isilayeli, wose molohemba nene du, mu yisi ya Isilayeli, mwi'tunda lyangu lyono lyelile, litunda litali muno lya mu yisi ya Isilayeli. Nane baho ho nolokwendezwa nanye, na kuko ko nologasaka ne makumbiko genyu, ne vilavywa viswanu, hamonga ne vipegwa vyenyu vyono vyelile.

Ezekiyeli 37:6

Nane nomupelenyi matimba hamonga ne nyama, hanyuma nimugubicenyi ne nghuli mucanyha yayo. Nomutajilenyi wehele muli'nye, nanye mowumipa. Nanye ho momanya vyono, ane yo nene Muwaha Mulungu.”

Ezekiyeli 43:12

Awu wo wulajilize we Nyumba yo Mulungu. Mbavu zose ze mipaka yono yiyipilime Nyumba yo Mulungu, sunga ko kucanyha ye litunda, hakondya kuwikwa helile ha hono helile muno.”

Ezekiyeli 44:9

“Ninga aluno nane, ane no Muwaha Mulungu nghutya nhavi, Hasina munhu wo wose mujenzi mono si yalame hamba munhu mono yasina cihuliko kuli'ne, hamba mujenzi wo wose mono vikalane ne wanhu wangu Isilayeli, mono kosuma kukombolwa ho yenjile mu Nyumba yangu.”

Ezekiyeli 48:35

No mulandala wo wutali we majinji gose ge likaya vyono mane, wali wuficile mita elufu yicenda. Ne litagwa lye likaya ku wulawa lulu, lyocemwa, “U Muwaha Mulungu yali baha.”

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 9:16

Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Yoweli 2:27

Holeka Isilayeli, momanya vyono ane nili hamonga nanye, kanyhi vyono yo nene Muwaha Mulungu wenyu, hasina Mulungu yunji kanyhi. Nanye nyo wanhu wangu, hamba simobedegalilwa lukulu kanyhi.

Yoweli 3:21

Nane nowalipiciza wono wawawulaga i wanhu wa Yuda hamba si nowalecela yaye i wasutyi. Nane ane no Muwaha Mulungu, nikaye mu Sayuni.”

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Nahumu 1:15

Lanje, u muganuzi yakuza yakulawa mucanyha ye matunda, hamonga no luganuzi Luswanu, mono yakwanza zo mulamu. Mwene yali mu nzila yakwe ho yanze zo wusume. Nanye nyo wanhu wa Yuda, mwibate zi sikukuu, kanyhi mumufisilizize Mulungu vyono mwamwihuwiziza. Hambi i wabi, nha si wolokwinjila kanyhi no kuyihoma yisi yenyu. Hambi nha wakondya kuwusizwa lukulu!

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjila mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.