Yoweli 3:12 - Luganuzi Luswanu Kuli Wanhu Wose 2002

¹² “Makungugo gewikanizaje, gaze mwi'lolo lyono likucemwa, U Muwaha Mulungu Yakuling'aniza, ane no Muwaha Mulungu kuko ko nogaling'aniza makungugo ga mu zimbavu zose.

Yoweli 3:12 ပူးပေါင်းရင်းမြစ်များ

2 Zinghomo 20:26

Na mwi'zuwa lye kane, wakekongholela he 'lolo lya Balaka, wakamulumba Muwaha Mulungu so zose zono yawatendeye. Ale, yiyo yo soko yono yikaleka i hanhu baho hakacemwa “Balaka sunga nalu.”

Zabuli 7:6

Ale, wuzize mu wukali wako 'gwe go Muwaha Mulungu, wulimile likuwo lye walugu wangu. Winuce 'gwe go Mulungu wangu, hambi 'gwe, nhondo zose nha kusakaga ling'ani yifisilizwe.

Zabuli 96:13

Nayo Muwaha Mulungu kokuza no kuyitema yinze. Heya, mwene kowatema wanhu, mu ling'ani hamonga no wiling'ano.

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

Isaya 2:4

Kololamula zo wiwanganile we makungugo mawaha. Nawo wolotyana mimaje yawo yiwe masili, ne migoha yawo yiwe mimaje yo kududulila. Ne makungugo hamba si golokwihoma yaye, hamba kwiwikaniza so wihomi kanyhi.

Isaya 22:1

Ayi nayo yo nghani yo Mulungu kuli lilolo lyo wugubulilwe. Ta munonjelaje, alu mwina nghanici yono yikuleka wose mukunozeza wuhembi wenyu mucanyha ye matembe ge zikaya?

Isaya 3:13

Muwaha Mulungu, yewikanize ho yalonje calo, yewikanize ho yawaling'anize wanhu wakwe.

Ezekiyeli 30:3

Lizuwa lyasejelela, lizuwa lyono u Muwaha Mulungu kolokwitumila zizo zose. Lizuwa lye mavunde, no wugaye kuli makungugo.

Ezekiyeli 39:11

U Muwaha Mulungu yakatya, “Kolo zizi zikwijela, nane nolomupela Gogu ciwanza, hono kowa kuzika i wafu kuko mu yisi ya Isilayeli, mwi'lolo lya wono wakukola lya ku lubavu lwa kucilima, ye lilenga lyo Mwino. Nayo Gogu mweneco, hamonga ne Wasilikale wakwe, wolozikwa kuko, ne lilolo lilyo, lyolocemwa, ‘I lilolo lye wasilikale wa Gogu.’

Yoweli 3:14

Mapuga na mapuga wali mwi'lolo lyo wuling'anizizwe. Na vyo yolowa mwi'zuwa lilyo lyo Muwaha Mulungu, nalyo likuza hamba si lyocela yaye.

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Mika 4:3

Nayo kologalamula makungugo, muli makungugo ge vilungo, gono gali behi na gono gali kutali. Nawo wolotyana mimaje yawo yiwe masili, ne migoha yawo yiwe hengo zo kutemanjila. Ne makungugo, si golokwihoma yaye, hamba kwiwikaniza hamba kwiyijiza kanyhi zo wulugu.

Zakaliya 14:4

Baho ho kolokwinuka no kwima mwi'tunda lye Mizeyituni ku lubavu lwa kucilima ya Yelusalemi. Baho litunda lye Mizeyituni, ho lyolokwigawa hejete, ku wulawilila kucilima ko ku mwezi. Ne lilolo yiwaha lyolowa hagati yayo. Ne nusu ye litunda, lyolowa likwiwila lidomile ku lubavu lwa kusumuka, ne nusu yayo nayo yolowa kwiwila yidomile lubavu lwa kutakama.

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.