Yoweli 3:11 - Luganuzi Luswanu Kuli Wanhu Wose 2002

¹¹ Ale musunhe muze, anye nyo makungugo gose mono muli mu mbavu zose, mwihangulizize mwi'lolo.’ ” Gwe Muwaha Mulungu, wutegule vitung'ati wako vikehome.

Yoweli 3:11 ပူးပေါင်းရင်းမြစ်များ

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Isaya 10:34

Nayo Muwaha Mulungu, kowadumula wagwe nhe mibici, yono yili haciligati ye mbago, vyono yikuwa kutemangwa ne nhemo yiwa kugwa hasi, nha vyono ne mibici miswanu ya Lebanoni yose yogwa!

Isaya 13:3

Muwaha Mulungu kawalajiliza wanhu wono wayisangalalilaga nhojo yakwe, i wanhu we vilungo, ho wawahome, no kuwalipiciza wawo wono yawakoleywe likuwo.

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Yoweli 3:2

Nane nologakonghola makungugo gose, nigategule sunga ko kwi'lolo lyono likucemwa, “U Muwaha Mulungu Yakuling'aniza. Nane nolowaling'aniza i makungugo gago ku soko ye metumo gawo gose gono wawatendela wanhu wangu Isilayeli. Ku soko waweyagaziza Isilayeli mu ma'si go wujenzi, no kuyigawa Isilayeli yisi yangu.

Mika 4:12

Ninga hamba nhavivyo, i makungugo gaga, sigamanyile zono Muwaha Mulungu yakwihwesa. Hamba si gakumanya vyono, mwene yagahangulize hamonga ho yagalipicize, nha vyono wawulundaga wuhemba mu cuga wawa kuwutowa.

Zefaniya 3:8

Ane nghutya, “Wunindilaje.” Vyo yakutya Muwaha Mulungu, “Wulilindile lizuwa lyono nokwinuka ho niwasitace makungugo. Nane nakondya kutemya vyono, nigakonghole i makungugo, hamonga no wutemi wose, ho wasume kuviwona i vilungo vye likuwo lyangu. Ne yinze yose yotakamizwa no moto we likuwo lyangu.

2 Watesalonike 1:7

nayo komupelenyi wuceho anye mono mukugazika, na sese nhavivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

Wugubule 19:14

Ne mapuga ga wa ku wulanga, gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu, kanyhi yelile muno.