Yoweli 3:1 - Luganuzi Luswanu Kuli Wanhu Wose 2002

¹ Muwaha Mulungu yakutya, “Mu vilo vivyo, nolowugomola wumoteswe wa Yuda na Yelusalemi.

Yoweli 3:1 ပူးပေါင်းရင်းမြစ်များ

Zabuli 14:7

Yali yiwe ciba le, hono mhonelo ya Isilayeli yilawe ku Sayuni! Wolowa wusangalale wuwaha kuli Isilayeli, kolo Muwaha Mulungu yakuwagomolela wumoteswe wawo kanyhi, i wanhu wa Yakobo wosangalala, wanhu wa Isilayeli wowona nyemo.

Zabuli 85:1

Gwe go Muwaha Mulungu, kwendezwa ne yisi yako, kuwamotya kanyhi Isilayeli.

Zimbazi 1:23

Ale lu, muhulicize lono nghumutacilenyi. Hambi 'ne nha nghumulanjizenyi viswanu, no kumugubulilenyi ze mahala gangu.

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Yelemiya 16:15

Langa wolowa kwilahila muli'ne no Mulungu mumi, mono nawawusa wanhu wa Isilayeli mu yisi ya ku lubavu lwa kusumuka, hamonga na mu wulawa mu ma'si gose mono nali niweyagazize. Nane nolowagomola kanyhi mu yisi yawo, mu yisi yono nawapela i walezi wawo. Vyo nghutya ane no Muwaha Mulungu.”

Yelemiya 29:14

Heya, mbeka molombona, nane nolomugomolenyi kanyhi ku yisi yenyu. Nolomukongholezenyi ku wulawa mu ma'si gose, ne hanhu hose hono namwiyagazizenyi. Nolomugomolenyi kanyhi sunga mu yisi yenyu, yono namulecenyi musolwe no kutegulwa kutali ku wuhamywe. Vyo nghutya, ane no Muwaha Mulungu.’ ”

Yelemiya 30:18

U Muwaha Mulungu yakutya nhavi, “Nowagomola wanhu wangu ku yisi yawo, ne zimhuga zawo zose, nowawonela lusungu. Nayo Yelusalemi yolozengwa kanyhi, ne likaya lyayo lye likulu, nalyo lyolozengwa kanyhi mu matongo galyo.

Yelemiya 30:3

Hambi i vilo nha vyokuza vyono nolowaziza wanhu wangu Isilayeli na Yuda. Nolowagomola kanyhi ku yisi yono nawapela walezi wawo, nawo wayisole kanyhi, yiwe yisi yawo. Vyo nghutya, ane no Muwaha Mulungu.”

Ezekiyeli 16:53

Muwaha Mulungu yakayilonjela Yelusalemi yakatya, “Ane nowapela kanyhi wumoteswe we yisi ya Samaliya, hamonga ne vitumbi vyayo vyose, nayo Sodoma, hamonga ne vitumbi vyayo vyose. Heya, sunga na gwegwe nagwe nokumotya nhavivyo.

Ezekiyeli 39:25

U Muwaha Mulungu yakatya, “Ninga aluno hodu, nowawonela lusungu i wana wa Yakobo, i wanhu wa Isilayeli, niwamotye kanyhi. Hambi nha nghuliwonela wivu i litagwa lyangu lyono lyelile.

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Yoweli 2:29

Mu vilo vivyo, nolokwita zo muhe wangu, mu wetumami wangu we cilume na we cicekulu.

Amosi 9:14

Nane nolowagomola wanhu wangu sunga ko ku yisi yawo. Wolozenga makaya gawo gono gahodangwa no kwikala mumo, wolopanha migunda ye mizabibu no kung'wa divayi wolopanha migunda no kulya vilimwa vyono walimile.

Wuwale 11:29

Nayo Musa yakapitula yakatya, “Mwene Yoshuwa, alu wukumbonela wivu, hamba nhawule? Ane nyendile muno Muwaha Mulungu yawapele muhe wakwe wanhu wakwe wose, yawanoze wose wawe wawizi!”

Wuwale 12:6

Muwaha Mulungu yakawatya, “Alu, muhulice ta zono nghumulonjelenyi! Hono ho wali wawizi muli'nye, ane yo nene mono nghwilajila kuli wene mu nzila yo wugubulilwe, kanyhi nghulonganila nawo mu zindoto.

Wukumbucize wo Wulajilize 30:3

ale, Muwaha Mulungu, u Mulungu wenyu, nayo komuwonelenyi nanye lusungu. Nayo komukongholezenyi kanyhi hamonga, no kumugomolenyi mu wulawa mu makungugo gono yali yakondya kumwiyagazizenyi kuko, kanyhi komumotyenyi.