Yoweli 2:32 - Luganuzi Luswanu Kuli Wanhu Wose 2002

³² Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Yoweli 2:32 ပူးပေါင်းရင်းမြစ်များ

Mwamulizo 4:26

Nayo Seti yakatuga mwana, yakamucemela litagwa lyakwe Enoci. Na baho ho wanhu wamulila kulicema litagwa lyo Muwaha Mulungu mu wuhembi wawo.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Isaya 10:22

Hamba yiwe lulo i wanhu wa Isilayeli wolowa wonjezeka wawa wenji muno nho musawawa wa mwi'lenga, ninga wacefu wolowuya. No wongomezwe wuwikanizwe so wanhu, nawo wuli baho du.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 11:16

Kanyhi holowa na nzila mbaha yono yilawiliye ku Ashuli, yono wolowa kukola i wanhu wakwe Waisilayeli wono wolowa wakali wasigaye kuko ku Misili. Nha vyono yali yinha, lono i walezi wawo wawucila ku Misili.

Isaya 4:2

Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Yelemiya 31:7

Nayo Muwaha Mulungu yakutya nhavi, “Alenyi nye nyo zinghungugo zimbaha, alu mwimbe ko wusangalale ku soko ya Isilayeli. Mwimbe u lwimbo lwenyu lo lukumyo, muwe kutya, ‘U Muwaha Mulungu kawaponya i wanhu wakwe, kawakomboza na wose wono wali wasigaye.’

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Amosi 9:8

Nane yo nene Muwaha Mulungu, mono nghuwulanga wutemi wa Isilayeli, wono wina wubi, nane nowongomezeza lukulu mono yinze. Ninga hamba nhavivyo si nolongomeza lulelo lose lwa Yakobo.

Obadiya 1:17

“Ninga mwi'tunda lya Sayuni, wanji wolopona. Na ho baho, holowa hanhu hono helile. Ne wanhu wa Yakobo wolokwikala mu yisi, yisi yono yo ling'ani yawo.

Obadiya 1:21

Wanhu wo wusume wa Yelusalemi, woloyihoma Edomu no kuyitema. No Muwaha Mulungu mweneco, kolowa yo mutemi.”

Mika 5:3

Holeka Muwaha Mulungu, kowaleka wanhu wakwe kuli walugu wawo, sunga mu cipango cono mucekulu kolelela mwana we cilume. Ale baho i wanhu wono wowa wakali wasigaye ku wuhamywe, ho wolokwilunza kanyhi ne wanhu wawo weneco.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Yohana 10:16

Hozili zingholo zangu zinji zono si zili mwi'bululu lili, yinojeye zizo nazo nizilete; Nazo zolihulika ilizi lyangu. Nazo zowa yitewa limonga no mudimi yumonga.

Yohana 4:22

Anye Wasamaliya, mumuhembaga ayulya mono imbeka, si mumumanyile yaye. Ninga ase langa co Wayahudi, cimumanyile yuyo mono cimuhembaga. Hambi i mhonelo nha yikulawa kuli Wayahudi.

Metumo ge Watumwa 15:17

Wanhu wono wasigaye, wolonyiziza, Ne wanhu wose wono si Wayahudi wono nawacemela litagwa lyangu, womulondola Muwaha.

Metumo ge Watumwa 2:39

Hambi wihuwizo wuwo nha wehuwizwa ku soko yenyu, na ku soko ye wana wenyu, na ku soko ya wose wono wali kutali, na kusoko ya wo wose walya wono Muwaha Mulungu kowacemela kwakwe.”

Walumi 11:26

Baho nhondo ho lyopona ilikungugo lyose lya Isilayeli, nha vyono i Mandiko Gono Gelile gakulonga. “U Muponyi kololawa mu Sayuni Kolowuwusa u wubi wa Yakobo.

Walumi 11:5

Nhavivyo vyo yinha, sunga mwi'daha lili, wali baho wono u Mulungu yawasiwanula ku so lihewa lyakwe.

Walumi 11:7

Alu ma? Iwanhu wa Isilayeli, si wacituga cono walondolaga, langa iwahagulwa wo wacituga. Wanji wakanozwa kuwa wakamu.

Walumi 9:24

Vyono ase yo sese mono cacemwa nayo, si vyono kulawa muli Wayahudi du, langa sunga ku wulawa mu wono si Wayahudi yaye.

Walumi 9:27

Nayo u muwizi Isaya, yakumulonjela Isilayeli yazozize, yakutya, “Iliwalo lye wanhu wa Isilayeli, hamba liwe kotya musawawa wa mwi'lenga, ninga wacefu du wono woloponywa,

1 Wakolinto 1:2

nase, cikumwandicilenyi anye mono muli likanisa lyo Mulungu lyono lili kuko ku Kolinto. Anye mono mwakondya kwezezwa mu wilunza na Kilisito Yesu, kanyhi mukacemwa ho muwe wanhu wo Mulungu, hamonga ne wanhu wose, hanhu ho hose, wono wakumulomba u Muwaha wetu Yesu Kilisito, u Muwaha wawo, sunga na sese nhavivyo.

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.