Yoweli 2:3 - Luganuzi Luswanu Kuli Wanhu Wose 2002

³ Litewa lili lye zinzije zikulya vilimwa kotya moto wukutakamiza mahanze, ku mwande yazo, yisi yihwanile Busitani ya Adeni, ninga ku nyuma yazo, yihwanile kotya nyika yono yihodanjice. Hasina hamba cinji cono gasigaze.

Yoweli 2:3 ပူးပေါင်းရင်းမြစ်များ

Mwamulizo 13:10

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.

Mwamulizo 2:8

Hanyuma u Mulungu, yakahadika mugunda kuko ku Adeni, ku lubavu lwa kucilima, yakawa kumuwika mumo mu mugunda u munhu yuyo mono yamuwumba.

Zabuli 50:3

U Mulungu wetu yakuza, hamba si konyamala yaye, no moto wono wutakamizaga, nawo wumulongoleye, no mukukunzo we libeho likali, wumupilime.

Zabuli 97:3

No moto wumulongoleye ku mwande yakwe, wukuwaticimiza i walugu wakwe mbavu zose.

Wutuluce 10:15

Nazo zikayigubika yisi yose, sunga ne yisi yose yikatukuwikwa ku soko yo winji we zinzije. Zikalya vinhu vyose vyono vyasigala, vyono si vyahodangwa ne mvula ye mabwe, hamonga ne mikalo yose yono yili mu mibici. Hamba si zasigaza cinji co cose cono cili dedede ca mu mibici mucanyha, hamba vihadikwa vyovyose vya mu migunda vya mu yisi yose ya Misili.

Wutuluce 10:5

Nazo nzije zizo zowa nyinji muno muno, zotandala mu yisi yose, zolya vinhu vyose vyono vyasigala vyono si vyahodangwa ne mvula ye mabwe, hamonga ne mibici yose yono yisigaye.

Isaya 14:17

Mwene mbeka du, yuyu yo munhu mono yagongomeza makaya, no kuyinoza yinze yiwe nyika? Yo yuyu mbeka mono si yasaka hamba no kuwalecela wafungwa wakwe, yawakombole wawuye ku zikwawo?’

Isaya 15:6

Ne cikolongo ca Nimulimu, naco canyala, ne mahanze gono gacindice mu nhumbi yayo, nago gakondya kunyala, hasina cinji kanyhi cono cidedewaye.

Isaya 33:4

Ne vinhu vyawo vikupumhwa no kusolwa mateka.

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Isaya 9:18

No wubi we wanhu, wunyanyaga nha moto, wono wutakamizaga masanzu ne mamivya. Wutakamizaga nha mbago yono yikolelezwe moto, nawo wukwaka, ne malambi gayo gapunaga kucanyha gepalinjile nhe 'sumbili lya lyosi.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Yelemiya 5:17

Nawo wololya vya mu nhwanga yenyu, hamonga ne zindigwa zenyu. Wolowawulaga i wana wenyu we cilume hamonga na we cicekulu. Wololya matewa ge zing'ombe zenyu, ne zingholo zenyu. Woloyihodanga ne mizabibu yenyu, hamonga ne mibici yenyu ye mikuyu. Ne makaya genyu gono mwitumbiye, gono gena magomawakali, gose gago, golokongomezezwa lukulu ne wasilikale wo wulugu.

Ezekiyeli 36:35

Ne wanhu wose kanyhi wotya, nye, muyilangaje ta yisi ayi yono yali yeza nha mbago, alu kumbe yehwana nhe busitani ya Adeni. Alu mulanje ta, sunga ne makaya gono gali gasakala, gambuka, geza matongo, alu wanhu wekaye, wagazenjela sunga ne magomawakali.

Amosi 7:4

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.

Habakuki 1:6

Nane nghuwanoza Wababiloni wawe ne vilungo kanyhi wakali, kanyhi wali nghakamo. Nawo wokola haciligati ye yinze, no kutema zi'si zi'si.

Zakaliya 7:14

Na ku soko yiyo holeka nghawafwagula, no kuwawinjila ku zi'si zo wujenzi. Ne yisi ayi swanu, yikekala nyhiwa musina munhu mono yasigala yekale mumu.”