Yoweli 2:27 - Luganuzi Luswanu Kuli Wanhu Wose 2002

²⁷ Holeka Isilayeli, momanya vyono ane nili hamonga nanye, kanyhi vyono yo nene Muwaha Mulungu wenyu, hasina Mulungu yunji kanyhi. Nanye nyo wanhu wangu, hamba simobedegalilwa lukulu kanyhi.

Yoweli 2:27 ပူးပေါင်းရင်းမြစ်များ

Zabuli 46:5

Nayo Mulungu yali mwi'kaya lilyo, holeka si lyosuma kusinjiswa, hambi mwene nha kaliletelaga, wutazi hakali mitondo muno.

Zabuli 68:18

Yakubita kucanyha, akuno yali hamonga ne mateka gakwe, kabocela vipegwa kuli wanhu, heya nhavivyo sunga na kuli wanhu i wabezi, nayo Muwaha Mulungu kokwikala muli wene.

Zimbazi 1:23

Ale lu, muhulicize lono nghumutacilenyi. Hambi 'ne nha nghumulanjizenyi viswanu, no kumugubulilenyi ze mahala gangu.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Isaya 44:8

Holeka anye wanhu wangu, mulece kogopa! Hambi nha mumanyile nha vyono ku wulawilila mu vilo vye katali sunga nalu, ane nali nakondya kuwila, nha vyono zizi zolokwijela, kanyhi yo nyenye wahomelezi wangu. Wulenyi, hambi ho yuli mulungu yunji kanyhi? Hamba ho yuli mulungu yunji mono nayo yali vilungo mono ane nghali namuhulika?”

Isaya 45:18

No Muwaha Mulungu yo Mulungu du yali wene mono yawuwumba wulanga! Kanyhi yo yayisimya no kuyiwumba yinze yakayinoza yisikame no kwikala cibitilila. Hamba si yayiwumba ho yiwe yitongo du lya caka, langa yayiwumba yiwe wikalo we wanhu. Kanyhi yo mweneco mono yakutya, “Ane yo nene Muwaha Mulungu du hamba hasina kanyhi mulungu yunji, langa nene du.

Isaya 45:5

“Ane yo nene du Muwaha Mulungu hasina hamba mulungu yunji kanyhi, langa yo nene du. Nane nokusikamya, hamba wuwe agwe si wumanyile'ne ng'o.

Isaya 45:6

Nane nghuzinoza zizi ho wanhu wose ku wulawilila ku mhelo ye yinze sunga ku lubavu luyagwe ho wamanye vyono ane yo nene du Muwaha Mulungu, na vyono hasina hamba mulungu yunji kanyhi langa yo nene du.

Isaya 46:9

Kanyhi muzikumbucile na zono zejela katali, ho mumanye nha vyono, ane yo nene du Mulungu, na vyono hasina mulungu yunji mono yehwanile nene.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Ezekiyeli 37:6

Nane nomupelenyi matimba hamonga ne nyama, hanyuma nimugubicenyi ne nghuli mucanyha yayo. Nomutajilenyi wehele muli'nye, nanye mowumipa. Nanye ho momanya vyono, ane yo nene Muwaha Mulungu.”

Ezekiyeli 39:22

Ne Waisilayeli nawo ku wulawa lulo, ho wolomanyila nha vyono ane yo nene Muwaha Mulungu, u Mulungu wawo.

Ezekiyeli 39:28

Nawo i wanhu wangu ho wolomanya nha vyono ane yo nene Muwaha Mulungu, u Mulungu wawo. Nawo walosuma kuzimanya zizi, ku soko yo nene mono nawehamya wabite ku wuwanda, kuli we makungugo. Kanyhi yo nene mono nghuwakonghola no kuwenjiza kanyhi mu yisi yawo weneco. Na hamba si nomuleka yunji wo wose yaye, yasigale kuko.

Ezekiyeli 39:29

Nane nolowetila zo muhe wangu i wanhu wangu Waisilayeli, kanyhi hamba si nolowalecela lukulu ng'o. Vyo nghutya, ane no Muwaha Mulungu.”

Yoweli 2:26

Holeka nanye mowa na vinji vyo kulya, kanyhi mokwiguta. Nanye momukumya Muwaha Mulungu, u Mulungu wenyu, mono yetuma mapoto ku soko yenyu, nanye nyo wanhu wangu hamba simobedegalilwa lukulu kanyhi.

Yoweli 3:17

“Nagwe go Isilayeli baho ho kolomanyila vyono ane yo nene Muwaha Mulungu wako. Nikaye mu Sayuni mwi'tunda lyangu lyono lyelile. Nayo Yelusalemi yowa likaya lyangu lyono lyelile, hamba wajenzi si wolisuma yaye.

Yoweli 3:21

Nane nowalipiciza wono wawawulaga i wanhu wa Yuda hamba si nowalecela yaye i wasutyi. Nane ane no Muwaha Mulungu, nikaye mu Sayuni.”

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Zefaniya 3:17

Muwaha Mulungu wako, yali hamonga nagwe, ne vilungo vyakwe, vyokupela wusume. Muwaha Mulungu, kotuga wendezwe kuli'gwe, na mu wendo wakwe, kokupela wumi. Kokwimbila no kukusangalalila

Zakaliya 2:9

Muwaha Mulungu we Mihanga mweneco kolokwihoma na nyenye. Nanye molosolwa ne wanhu wono baho halulongozi, wali wo wetumami wenyu. Na kolo zizi zakondya kwijela, nawo wose ho wolomanya vyono yo gwegwe Muwaha Mulungu mono wanhuma.

Wuwale 11:29

Nayo Musa yakapitula yakatya, “Mwene Yoshuwa, alu wukumbonela wivu, hamba nhawule? Ane nyendile muno Muwaha Mulungu yawapele muhe wakwe wanhu wakwe wose, yawanoze wose wawe wawizi!”

Wuwale 23:21

Nizimanyile zinghani ze Waisilayeli za ku mwande. Vyono si wokwinjila mu wukalale hamba mu magayo, Hambi u Muwaha Mulungu nha yali hamonga nawo. Nawo wakumwanza vyono mwene yo Mutemi wawo.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, nane nowa Mulungu wawo, nawo wowa wanhu wangu.”

Wukumbucize wo Wulajilize 23:14

Hambi Muwaha Mulungu, u Mulungu wenyu, nha kowa kupilimapilima baho mu nghambi yenyu, ho yamuponyenyi kanyhi yamupelenyi wusume kuli walugu wenyu. Ku soko yiyo, holeka nghambi yenyu, yinojeye yeze yelile, ho Muwaha Mulungu, u Mulungu wenyu, yalece kuwona muli'nye cinhu cinji cocose cavu, yamulecenyi.”

1 Petelo 2:6

Hambi i Mandiko Gono Gelile nha gakutya, “Langa ta! Nghuwika kuko ku Sayuni libwe liwaha lyo musinji. Ilibwe lyo wuguzi wukamu, lyono nilihaguye. Umunhu mono komwihuwila umwene mono yo lilyo libwe, sikolokozwa soni ng'o.”

Wugubule 21:3

Hanyuma kanyhi, nghahulika lizi yiwaha likalawilila he'goda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.