Yoweli 2:23 - Luganuzi Luswanu Kuli Wanhu Wose 2002

²³ “Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Yoweli 2:23 ပူးပေါင်းရင်းမြစ်များ

1 Watemi 8:36

wuwahulicizaje kuko ku wulanga. Wuwunenele wubi wo mutemi, sunga na we wanhu wa Isilayeli. Wuwejize wetume ze ling'ani. Hanyuma wutonyeze mvula mu yisi yako yono wawapela wanhu wako yiwe yawo.

Jobu 33:23

Na yumonga wa muli wamalayika maelufu wo Mulungu, lunji kokuza yamutaze, mono kawakumbucizaga wanhu zono ziwanojeye wetume.

Jobu 37:13

Mulungu kaletaga mvula kayitonyeza yisi, ninga, yadahile yayilete ho yiwalipicize wanhu, hamba kuwalajila zo lusungu lwakwe.

Zabuli 104:34

Gwe go Muwaha Mulungu, u lwimbo lwangu luluno lukwendezaje, hambi i nyemo yangu yose nha yilawaga kwako.

Zabuli 147:8

Mwene kawugubicizaga wulanga ne mavunde, kawa kuyinozelezeza yinze mvula, hamonga no kucindya mahanze mu matunda.

Zabuli 149:2

Wusangalale, 'gwe Isilayeli, hambi mwene nha yo muwumbi wako, nanye nyo wekala ku Sayuni, sangalalenyi, hambi mwene nha yo mutemi wenyu.

Zabuli 28:7

U Muwaha Mulungu vyo vilungo vyangu, ne ngula yangu, nane nimwitumbiye mwene kwe nhumbula yangu yose. U mwene kanhazaga no kusangalaza, holeka nane nomukumya, no kumwimbila, zinyimbo zo wusangalale.

Zabuli 32:11

Nanye mo wanhu we ling'ani, musecelele, no kusangalalila i metumo gono yetumile u Muwaha Mulungu, anye nanye mo wenenenyhezi, mutowe nyhenze za nyemo.

Zabuli 84:6

Nawo lono wakukolela mwilolo, lyono linyalile lya Baka, walinozaga liwa mivwilo, ne mvula ye mhinga, yilimemyaga makombo-makombo.

Zimbazi 16:15

No wendezwe wo mutemi, wihwanile mavunde gono gatonyezaga mvula ye mafuso, namo mo mo wuli wumi.

Isaya 30:21

Nanye kolo mukupatuka mu nzila no kubita lubavu lo kulume hamba lo kucekulu, molihulika lizi lyo Muwaha Mulungu mu nyuma yenyu likutya, “Ayi yo nzila. Muyityatyaje yiyo.”

Isaya 30:23

Nanye kolo mwahadika zimbeyu mu migunda yenyu, Muwaha Mulungu komutonyezezenyi mvula ho zicindice, no kumuletelenyi nhwanga mbaha muno. Ne mitugo zenyu zowa no wudimo winji muno.

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Yelemiya 3:3

Na ku soko yiyo, holeka nayo mvula si yikutonya, sunga ne mahalavu gose hamba si gakuza yaye. Hambi nha wehwana i wanhu wasenyha, akuno wusina hamba cevu yaye.

Yelemiya 5:24

Musina ne lihweso hamba hadodo, lyo kumhela cogopo, ane mono nghumuletelenyi mvula ye mhinga na ye mahwela mu vipango vyayo. No kumupelenyi vilo vye nhwanga mu myaka yose.

I Cililo 4:2

Ne wazelelo wa Sayuni, wali wo we cifo cikamu nha zahabu, ninga luno, wakutendelwa nha viya vye lilongo.

Ezekiyeli 34:26

“Nane nolozimotya, nizilece zikale zilipilime litunda lyangu lyono lyelile. Kanyhi nolozimotya ne mvula, mwi'daha lyono zikuyihila.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Walawi 26:4

Nane nomutonyezezenyi mvula mwi'daha lyono likwiliye, i mibici ho yilele mana, ne yisi nayo yilele nhwanga mbaha.

Amosi 4:7

Nane nghayimila mvula yilece kuvitonyela vilimwa vyenyu lono vilimwa vyayisakaga muno. Nghayitonyeza mvula mwi'kaya ali, na linji nghalizumha. Mvula yikatonya mu mugunda awu, ninga mugunda muyagwe wono vihegame, wukanyala.

Zakaliya 10:1

Ale mumulombaje Muwaha i mvula mu vilo vye cifuku. Hambi mwene nha yo Muwaha Mulungu mono kaciletelaga mvula ne mavunde, hamonga ne mahalavu, kanyhi yo kayinozaga ne migunda yetu yiwa yili dedede.

Zakaliya 10:7

Wanhu wa Isilayeli wowa ne vilungo kotya wasilikale. Kanyhi wowa wena nyemo, kotya wanhu wono wang'weye divayi. Ne wana wawo, wolokumbucila zo wusume wuwu, nawo wolowa wena nyemo ku soko ya zose zono Muwaha Mulungu yazitumile.

Zakaliya 9:13

Nomwitumamila Yuda yawe kotya wo wupinde wo musilikale, na Isilayeli yawe kotya zo songa. Nowetumamila wanhu wa ku Sayuni wawe kotya wo mumaje, wehome ne wanhu wo Wugiliki.”

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Metumo ge Watumwa 14:17

Hamba nhavivyo, u Mulungu si yaleka kwilajila, so metumo maswanu gono yakumunozezenyi, yakumupelenyi mvula ya ku wulanga, kanyhi ya kumupelenyi ne vipango vye matika, yakumupelenyi zi ndigwa, no kuzigutya zinhumbula zenyu na nyemo.”

Wukumbucize wo Wulajilize 11:14

Na hono mwitume nhavivyo, nayo komutonyezezenyi mvula mu yisi yenyu, mu cidaha cayo, mvula ye mhinga ne mvula ye mafuso, ho mududule wuhemba wenyu, ne divayi yenyu, hamonga ne mafuta ge mizeyituni yenyu,

Wukumbucize wo Wulajilize 28:12

Nayo komutonyezezenyi mvula mu vipango vyayo, mvula yono yikulawa mu mavunde mono kayiwikaga, kanyhi koyilugutiza ne milimo yenyu yose, ho musume kuwakopesha wanhu we makungugo menji, ninga anye mowa musina wanjile wono womunozenyi sunga nanye mubite mukakope kuli wene.

Wukumbucize wo Wulajilize 32:2

Hambi mejizo gangu, nha golagala nha mabanhi ga mvula, gogwisa buhe mu yisi, zinghani zangu zomuzizenyi nha vibanhi vya mvula mu mahanze madece, nha mabanhi ga mvula mu vilimwa.

Wafilipi 3:1

Ze ndumilizo wandugu zangu, musecelelele muli Muwaha! Si nghukatala kwandika kanyhi zizilya zono nali nakondya kumwandicilenyi bahalya ha lulongozi, hambi nha zomonjelezenyi u wuswanu.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wafilipi 4:4

Holeka musecelelele nhondo zose, muli Muwaha! Kanyhi nghutya, Musecelele!