Yoweli 2:22 - Luganuzi Luswanu Kuli Wanhu Wose 2002

²² Nyo vilimu nanye nhavivyo, mulece kogopa, hambi wudimo wenyu nha wasipuka, ne mibici nayo yikulela mikalo yayo, hamonga ne mikuyu, ne mizabibu yose, alu vyenjipa muno.

Yoweli 2:22 ပူးပေါင်းရင်းမြစ်များ

Mwamulizo 4:12

Na hono wijelele du wuwulime muhangha wuwo, hamba sikotujila lukulu cinhu co cose. Nagwe kanyhi kowa wusina wikalo ho hose, langa kowa kwanga caka du ako na ako mono'nze.”

Zabuli 36:6

Ne ning'aniza yako, yihwanile visolo vye lilenga. Agwe go Muwaha Mulungu, kuwadimaga wanhu wose hamonga ne vilimu vyose.

Zabuli 65:12

Ne zi nyika zono zina lihanze zose, zimemile mitugo, nago matunda gamemile nyemo.

Zabuli 65:13

Wudimilo nawo wumemile ngholo zose, nago malolo, gagubicizwe no wuhemba. Navyo vivi vyose, visangalaye so nyemo.

Zabuli 67:6

Yisi yacindya vilimwa vyayo, u Mulungu, Mulungu wetu kacilugutiza.

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Ezekiyeli 36:30

Kanyhi nociziliza mikalo ye mibici, hamonga no winji we vilimwa vya mu migunda yenyu, ho halece kuwa ne lizala, lyono lyosuma kumupelenyi cevu ha meso ge makungugo.

Ezekiyeli 36:35

Ne wanhu wose kanyhi wotya, nye, muyilangaje ta yisi ayi yono yali yeza nha mbago, alu kumbe yehwana nhe busitani ya Adeni. Alu mulanje ta, sunga ne makaya gono gali gasakala, gambuka, geza matongo, alu wanhu wekaye, wagazenjela sunga ne magomawakali.

Ezekiyeli 36:8

Ninga mucanyha ye matunda ga mu yisi ya Isilayeli, i mibici yolotula kanyhi mahamha, no kumulelelenyi mikalo, anye nyo wanhu wa Isilayeli. Hambi nha mweza behi ku wuze kono kwenyu.

Yona 4:11

Ma, si viswanu kuli'ne kuyiwonela lusungu Ninawi likaya alilya liwaha mono mowali wanhu wacizize elufu yigana limonga na makumi mejete, wono si wakusuma kumanya zimbi ne ziswanu, hamonga ne zimitugo nyinji!”

Hagayi 2:16

mwabita ku migunda kududula wuhemba, akuno mukulanjilila vyono motuga kilo magana mejete, ninga wono wali wuli baho, wali kilo yigana limonga du. Kanyhi mwabita ho muneje divayi lita yigana mu zinjilo, ninga mwatuga lita makumi mane du.

Zakaliya 8:12

Wolohadika zimbeyu zawo ko mulamu. Ne mizabibu yawo yolela mikalo viswanu, nawo muhangha we yisi wololavya wuhemba, ne mvula yowa kutonya muno. No wulugutizwe wuwu nowapela i wanhu wa mu nghungugo yangu wono wasigaye.

1 Wakolinto 3:7

Holeka alu mono yakuhadika, ayo si cinji yaye, hamba ayulya mono yakumwajilila i malenga, langa u Mulungu du yo yakwiliye, mono yakuyiwilusa i mbeyu.