Yoweli 2:2 - Luganuzi Luswanu Kuli Wanhu Wose 2002

² Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Yoweli 2:2 ပူးပေါင်းရင်းမြစ်များ

Zabuli 10:6

Nayo kehwesaga mu nhumbula yakwe, “Ane si nokwihwelela cinji, hamba sinotuga magayo mu mikalile yangu.”

Zabuli 97:2

Mavunde ne citi ciwaha vimupilime, nayo, yatemile ko wuswanu ne mbeka.

Wutuluce 10:14

Nzije zikaza mawumbi na mawumbi, nazo zikawa kwiyagala no kumata mu yisi yose ya Misili. Nalyo lyali lye 'wumbi liwaha muno muno lya nzije lyono lyali likali nejela hamba hadodo ku wulawa katali na katali. Hamba si lyolokwijela kanyhi na mu vilo vyono vikuza.

Wutuluce 10:6

Nazo nzije zizo, zomema mu zikaya zako, hamonga na mu zikaya zose ze wetumami wako, na mu zikaya zose ze wanhu wako, mu yisi yose ya Misili. Nazo nzije zizo, zowa cinhu cibi muno cono ne walezi wako, hamba wakukuzo, wali wakali naciwona ku wulawa katali sunga nalu.’ ” Hodu Musa yakawa kuwuka hali Falawo.

Wutuluce 20:21

Ne wanhu wose, wali wemile kutali, lono Musa yalisejelelaga livunde lililya lizito, kono kwali ko yuli Mulungu.

Isaya 5:30

Ne lizuwa lilyo, kolo lyeza kuza, wolowakolomela Waisilayeli, nhe malenga ge lilenga vyono gabulaga. Na yunji hono yayilanje yisi, na langata, kolowona citi ne magayo! Wuzelu wakondya kumelwa no wutitu.

Isaya 8:22

hamba woyilanga yisi yose, ninga hamba si wowona cinji, langa wowona wugaye, no wutitu. No wutitu wuwo wukogofya muno, nawo mumo mo wogumilwa.

Yelemiya 13:16

Mogopenyi u Muwaha Mulungu, u Mulungu wenyu, lono yakali si naleta wutitu, wono wosuma kumwambuzenyi mwikobale mu matunda, mu madaha go wutitu, ne madaha gono mukulanjilila wuzelu, u wuzelu wono mwali muwitumbiye.

Yelemiya 13:6

Vyali vyeza kupuluta vilo vinji, u Muwaha Mulungu yakanonjela vyono mbite kwi'kolongo lya Efulata, nghayisole kanyhi kaputula yi yilya.

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

Ezekiyeli 32:7

Nane kolo nakondya kukongomeza, nolowugubika wulanga no kuzihundika zinyelezi. Nalyo lizuwa lyolokwihundika mu avunde, nawo mwezi si wolosana yaye.

Ezekiyeli 34:12

Nozidima no kuzilanjilila viswanu, nha vyono mudimi kazilanjililaga zingholo zakwe, zono zali zakondya kwiyagala ako na ako, kawa kuzikonghola hamonga kanyhi. Nane nozigomola zose ku wulawa hanhu hose hono zali ziyagaliye, mwi'zuwa lyo wutitu, ne magayo mawaha.

Ezekiyeli 38:9

Nayo mutemi Gogu ne lipuga lyakwe lye wasilikale, hamonga ne wanhu wenji wono wololawa mu makungugo menji, woloyihungucila yisi nhe mbeho mbaha yo mukukunzo, kanyhi wolotandala mu yisi yose nhe mavunde.”

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Danyeli 9:12

Hambi 'gwe nha wakondya lu kwituma zono watya vyono kocitendela 'se, hamonga ne walongola wetu. Wukayilipiciza Yelusalemi kwe magazo mawaha gono gakali hamba si gananozwa mwi'kaya linji lyo lyose mono yinze yiyi.

Yoweli 1:6

Hambi litewa lye zinzije nha linjila mu'si yetu, kanyhi lili vilungo, nzije nyinji muno sizikusumika hamba kuwuwalwe. Zina meno makali kotya meno ga simba ne majego gono genha ga simba nyhekulu.

Yoweli 2:25

Nomugomolelenyi kanyhi vilimwa vyenyu, vyono vyajilila mu myaka yono zinzije zalya. Hambi nha yo nene mono nalituma litewa lye zinzije kuli'nye.

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Yoweli 2:5

Na lono zikuguluka musunho mu vizuli vye matunda, cihumbi cazo cihwanile mituka yono yikubita ku wulugu, misindo yazo no mulilo we cihumbi cazo, kotya mahanze makavu gono gakutakamila mu moto. Zipanjile kotya wasilikale wono wewikanize kubita ku wulugu.

Yoweli 3:4

“Alo nanye nyo Tulo na Sidoni, hamonga ne zi'si zose ze Wafilisiti, mukusaka mwitume nghanici kuli'ne? Hono muwe mukusaka kwituma nghani yinji yo yose kuli'ne, ale, ko kwenyu, ninga nane nomugomolelenyi nanye musunho zo wulipicizwe wenyu.

Amosi 4:13

Mulungu yo yanoza matunda no kuwumba mbeho. Mwene kaganozaga mahweso gakwe, gamanyice kuli munhu. Kakawanizaga misi ciwa cilo, no kuhakanyaga hono henuce mu yinze. Ali lyo litagwa lyakwe, Muwaha Mulungu mono yali vilungo!

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Zakaliya 14:6

Vilo vivyo kolo vyaza, kolowa kusina mbeho, hamba mbeho ye cinyuli,

Matayo 24:21

Hambi mu vilo vivyo nha vyolowa vyo wugaye wuwaha muno muno, wono wukali si nejela hamba hadodo kuwulawa ku mwamulizo we yinze sunga nalu, hamba si wulejelela lukulu kanyhi.

Maluko 13:19

Hambi mwipango lilyo, nha kolowa no wugazwe wono wukali sinejela ku wulawa vyono u Mulungu yayiwumba yinze sunga nalu, hamba siwulejela kanyhi.

Wukumbucize wo Wulajilize 32:7

“Alu ta mwihwesaje zono zapuluta, ze vilo vye katali, muwawuzaje ta walezi wenyu, wamulonjelenyi zono zejela mu vilo vyawo, muwawuzaje ta ne wakombi, wamulonjelenyi ze katali.

Wahebelaniya 12:18

Hambi nha simuficile kwi'tunda lya Sinayi, lyono lyosuma kwibatika nha vyono wanoza wanhu wa Isilayeli, kanyhi mukali nafika kono kowuli moto wono wakaga, ha wutitu, ne citi, na ha mukukunzo,

Yuda 1:13

I wanhu wawo wehwanile i mawingo ge lilenga gono gagalile, ne metumo gawo ge cevu, gejeye calinze nha mafulo ge mawingo. Wene wawo wehwanile i zinyelezi zono zikuyumba-yumba, wono u Mulungu yawawiciye i hanhu hawo cibitilila ha wutitu wuwaha.

Wugubule 9:2

Ale, inyelezi yiyo yikalidigula lilyo i likombo lyo wuninyina, na mumo mwikombo mukalawa lyosi, likawa lyosi lye 'lambi yiwaha. Lizuwa no mwanya vikatukuwazwa no wutitu we lyosi lilyo lya mwikombo lyo wuninyina.