Yoweli 2:19 - Luganuzi Luswanu Kuli Wanhu Wose 2002

¹⁹ Muwaha Mulungu yakawapitula yakawatya, “Alu nomupelenyi wuhemba, ne divayi, ne mafuta, nanye momoteswa, sunga ne makungugo ganji sigomubedegalenyi kanyhi yaye.

Yoweli 2:19 ပူးပေါင်းရင်းမြစ်များ

Yelemiya 31:12

Holeka nawo wonyiziza, wanyimbile so nyemo mwi'tunda lya Sayuni, kanyhi wendezwe ne vipegwa vyangu, i vipegwa vyo wusaje, ne divayi, hamonga ne mafuta, ne vipegwa vye zingholo ne zing'ombe. Na baho, wolowa nha busitani yono mwajilwe malenga. Nawo wolowa wakwizize vyose vyono wakuvisaka.

Ezekiyeli 34:29

Nane nolowapela migunda yono yina moso mwinji, noloyiwusiza lukulu ne nzala mu'si. Ne wanhu we zinghungugo zinji, hamba si wolowasekanga kanyhi yaye.

Ezekiyeli 36:15

Ne yisi si yolohuliciza kanyhi zo wusekwa ne makungugo, hamba kuwawona wanhu wakuyizwajiza kanyhi yisi yenyu. Ne yisi hamba si yolohizizwa kanyhi i wana wayo. Vyo nghutya ane no Muwaha Mulungu.’ ”

Ezekiyeli 36:29

Nane nomuponyenyi mu wavu wenyu wose. Nowulajiliza wuhemba wuwe winji muno, ho mulece kutuga nzala hamba hadodo.

Ezekiyeli 36:30

Kanyhi nociziliza mikalo ye mibici, hamonga no winji we vilimwa vya mu migunda yenyu, ho halece kuwa ne lizala, lyono lyosuma kumupelenyi cevu ha meso ge makungugo.

Ezekiyeli 39:29

Nane nolowetila zo muhe wangu i wanhu wangu Waisilayeli, kanyhi hamba si nolowalecela lukulu ng'o. Vyo nghutya, ane no Muwaha Mulungu.”

Hoseya 2:15

Na ku wulawa kuko, nomupela kanyhi migunda ye mizabibu yono yali yena, no kulinoza lilolo lyo wugazwe, liwe mulango wo witumbilo. Nayo kohulika 'ne, nha vyono yahulikaga mu vilo vyo wudodo wakwe, lono yaziza ku wulawa Misili.

Hoseya 2:21

Mu vilo vivyo nolowupitula wulombe we wanhu wangu Isilayeli.

Hoseya 2:22

Nolotonyeza mvula mu'si, nayo yisi yololela wuhemba, ne zizabibu hamonga na zeyituni.

Yoweli 1:10

Hambi migunda nha yeza yisina cinji. Yisi nayo, yikulila ku soko wuhemba nha wahodangwa, sunga ne divayi yawula, ne mafuta geza sigakwijela.

Yoweli 2:24

Ne vyuga vyenyu vyomema wuhemba, ne matuli go kukobonjela, gokwiguta divayi ne mafuta.

Walawi 26:5

Ne nhwanga yenyu yokonjelezeka muno, nayo yomunozenyi mujendelele kududula du sunga na mu mapango go kuhepela zabibu. Nanye mowa mukali mujendeleye kuhepa zabibu, sunga na mwidaha lyono lyowa lyo kupanha no kuhadika wuhemba. Nanye movituga vyose vyono mukuvisaka ku wulye, kanyhi mokwikala mupolile mu yisi yenyu.

Zakaliya 8:12

Wolohadika zimbeyu zawo ko mulamu. Ne mizabibu yawo yolela mikalo viswanu, nawo muhangha we yisi wololavya wuhemba, ne mvula yowa kutonya muno. No wulugutizwe wuwu nowapela i wanhu wa mu nghungugo yangu wono wasigaye.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Wukumbucize wo Wulajilize 11:14

Na hono mwitume nhavivyo, nayo komutonyezezenyi mvula mu yisi yenyu, mu cidaha cayo, mvula ye mhinga ne mvula ye mafuso, ho mududule wuhemba wenyu, ne divayi yenyu, hamonga ne mafuta ge mizeyituni yenyu,

Lutu 1:6

Hanyuma yayo, Nawomi yakahulika vyono Muwaha Mulungu yawamotya i wanhu wakwe ko kuwapela nhwanga mbaha; hobaho yakawa kwiwikaniza ho yawuce ku Mowabu hamonga ne wakwewe.