Yoweli 2:18 - Luganuzi Luswanu Kuli Wanhu Wose 2002

¹⁸ Hobaho Muwaha Mulungu yakayiwonela nghalazi yisi yakwe, no kuwawonela lusungu wanhu wakwe.

Yoweli 2:18 ပူးပေါင်းရင်းမြစ်များ

2 Watemi 19:31

Mwi'kaya lya Yelusalemi, hamonga na mwi'tunda lya Sayuni, mowa mowali wanhu wono wasigaye wono wopona. Hambi u Muwaha Mulungu nha yo yakuzinoza zizi.

Zabuli 103:13

Nha vyono sogo yo munhu, kawawonelaga lusungu wanagwe, ale, nha vivyo no Muwaha Mulungu nayo, vyo kawawonelaga lusungu wose wono wamogopile.

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Isaya 37:32

Namo mu Yelusalemi na mwi'tunda lya Sayuni, molowa mowali wanhu wono wasigaye. Hambi Muwaha Mulungu we mihanga, nha yo yatemya zizi zijele.

Isaya 42:13

Muwaha Mulungu kabitaga mu milewo yenha citung'ati. Mwene yewikanizize lukulu, kanyhi muhidimbazi ku milewo, katowaga ndulele yo wulugu, kalajilaga wusume kuli walugu wakwe.

Isaya 60:10

Muwaha Mulungu yakuyilonjela Yelusalemi yakutya nhavi, “I wajenzi wo wolokuzenjela majinji gako, nawo i watemi wawo, wolokwitumamila gwegwe. Hamba yiwe ane nakulipiciziza mwi'kuwo lyangu, ninga aluno nokulajila zo wendo wangu no lusungu lwangu kuli'gwe.

Isaya 63:15

Gwe go Muwaha Mulungu, wucilangaje ase ku wulawa kuko ku wulanga ku wikalo wako, mu wele wako no lukumyo. Alo wupiligazi wako wa kuli'se, wuli hayi lo? Hamba vilungo vyako, vili hayi lu? No wendo wako wa kuli'se, hamonga no lusungu lwako, vili hayi lo? Wulece kucisemwa yaye.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

I Cililo 3:22

U lusungu no wendo wo Muwaha Mulungu, si vidumaga yaye.

Zakaliya 1:14

Hanyuma malayika yakanonjela niwalonjele wanhu vyono azi zo Muwaha Mulungu we Mihanga yakutya, “Nghuyiwonela lusungu no wendo Yelusalemi, likaya lyangu lyono lyelile.

Zakaliya 8:2

“Alu, nendezwa kulitaza no kulizenga kanyhi likaya lya Yelusalemi, ku soko yo wendo wangu wuwaha kuli wanhu wayo, u wendo wono wamhela likuwo, ku soko ye walugu walyo.

Luka 15:20

Ale, yakawa kwanza u muhinzo wo kuwuya kuli sogwe. Nayo lono yali yakali kutali, u sogwe yakamuwona, yakamuwonela lusungu, yakamumanyhilila, yakamulamusa ko kumukumbatila, no kumunonela muno.

Wukumbucize wo Wulajilize 32:16

Wakamupela Muwaha Mulungu wivu so milungu yawo mijenzi, no wubi wawo wono wetuma, wukamukoza Muwaha Mulungu likuwo.

Wukumbucize wo Wulajilize 32:36

Muwaha Mulungu kowaponya wanhu wakwe, kolo yeza kuwawona vyono walemegwa. Nayo kowawonela lusungu, wose wono wakumwitumamila mwene. Kolo yakondya kuwawona vyono mbeka wakondya kulemwa.

Wukumbucize wo Wulajilize 32:43

“Nanye nyo makungugo, muwapele lukumyo i wanhu wo Mulungu, hambi Mulungu nha kawalipicizaga wose wono wakuwawulaga. Kawalipicizaga walugu wakwe. Langa i wanhu wakwe, kawanenelaga wubi wawo.”

Yakobo 5:11

Holeka ciwacemaga wawo wo wamoti ku soko vyono wakangalila. Mwakondya kuhulika zo wukangalile wa Jobu, kanyhi mumanyile vyono u Muwaha yamutendela ha ndumilizo. Hambi Muwaha nha yamemile nheto no lusungu.

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.