Yoweli 2:16 - Luganuzi Luswanu Kuli Wanhu Wose 2002

¹⁶ Muwakongholaje wanhu hamonga, muwawikanize so wihangulize wono welile. Muwaletaje ne wakombi, hamonga ne wana, ne wana wagalika wose, hamonga na bwana halusi na bibi halusi walece nyumba yawo, waze wose.

Yoweli 2:16 ပူးပေါင်းရင်းမြစ်များ

2 Zinghomo 20:13

Ne wanhu wose wa Yuda, hamonga ne wagolece zawo, ne wana wawo, wose wali wemile baho du ha Nyumba yo Mulungu.

2 Zinghomo 29:5

Yakawa kulongana nawo, yakawatya, “Nye nyo Walawi, mwiyeze zinhumbula zenyu, ho muyeze ne Nyumba yo Muwaha Mulungu, u Mulungu we walezi wenyu. Muviwuse vinhu vyose mu Nyumba yo Mulungu, vyono vikuyavufya.

2 Zinghomo 30:17

Na vyono wanhu wenji wali si weyezize, holeka Walawi wakaziwulaga zinyana ze zingholo ze Pasaka, ho waweze kuli Muwaha Mulungu, wawo wono wali wakali neyeza.

2 Zinghomo 30:19

go Mulungu we walezi wetu, ko wuswanu wako, nghukulomba wuwanenele wose wono wali baha, wono wakukuhemba kwe zinhumbula zawo zose, hamba wawe si weyezize ng'o.”

2 Zinghomo 35:6

Kanyhi yo nyenye mono moziwulaga zingholo, hamonga ne zimhene, so sikukuu ye Pasaka. Holeka aluno, munojeye mwiyeze, ho muwikanize makumbiko, nawo wandugu zenyu Waisilayeli, ho wasume kugatyatya mejizo gono Muwaha Mulungu yawapelela muli Musa.”

Jobu 1:5

Na nhondo zose lono wela hakali mitondo, lono walawa mu wulye wuwo, Jobu yelawaga nhondo zose hakali mitondo, kawa kuwalavizya makumbiko wanagwe wose monga monga, ho yaweze. Nayo yakawa yakunoza nhavivyo nhondo zose, hambi nha yehwesaga vyono, lunji yumonga wa muli wanagwe, kolowa ketuma wubi mu nzila yo kumutovula Mulungu wula kumanya.

Zabuli 19:5

nalyo lilawilaga kunze lihwanile bwana halusi, lihwanile i citung'ati mono yewikanize ku wisumanize.

Wutuluce 19:10

Muwaha Mulungu yakamulonjela kanyhi Musa, yakatya, “Alu, wubite wukaweze wanhu izuwali ne mitondo. Nawo wose wanojeye wakanze vivwalo vyawo,

Wutuluce 19:15

Hanyuma yakawalonjela yakatya, “Alu, icilawu, wose mweze mwekondelezeza lukulu, munhu wo wose yalece kumwejelela mucekulu.”

Wutuluce 19:22

Nawo wakohani wono wasejelelaga behi nane, nawo yiwanojeye weyeze, hono si nhavivyo, ane nowalipiciza.”

Yoweli 1:14

Mwiyezeze mu nzila yo wuleka kulya, mucemeleze wanhu waze ku wuhembi, muwakongholaje walongola, hamonga ne wanhu wose we yisi ya Yuda, wenjile mu Nyumba yo Muwaha Mulungu wenyu, mumulilile Mulungu.

Matayo 21:16

Hobaho wakamutya Yesu, “Alu ho siwukuhulika vyono wakutya?” Nayo Yesu yakawatya, “Heya nghuhulika! Alu anye, mukali si nagasoma lo Mandiko gaga Gono Gelile? Gono gakutya, ‘Kuwejiza iwana wadodo, sunga ne wagalika wose, ho wakulavizye lilumbo lyono likwilaniciye!’ ”

Matayo 9:15

Yesu yakawapitula yakatya, “Alu mukwihwesa wono walalikwe ku halusi wosuma kulila, lono bwana halusi yakali yali hamonga nawo 'mbi? Aa, ng'o, langa icipango cofika cono bwana halusi kowuswa hali wene, ale mu cipango cico langa, ho woleka kulya.

1 Wakolinto 7:5

Mulece kwiyima kuli yono munojeye, langa hono muwe mulagane kunoza nhavivyo kwa cidaha du, ho mwiwuyile kanyhi lwa kamonga, ho Setani yalece kumuletelenyi majelo ku soko yo wusocele wenyu.

Yoshuwa 7:13

Alu winuce! Wuweze kanyhi wanhu, ho wuwawikanize wasejelele ha mwande yangu. Wuwalonjelaje vyono, i mitondo, weze wakondya kwiyeza no kwiwikaniza. Vyono ane no Muwaha Mulungu, u Mulungu we Waisilayeli, nina zo kulonga, vyono, Isilayeli mwasola vyo mwiko vyono namulonjelenyi muviticimize! Nalu hamba si mowasumila lukulu ng'o i walugu wenyu, sunga kolo mukuviwusa vinhu vivyo muli 'nye!

Yoshuwa 8:35

Nayo Yoshuwa yakawusoma Wulajilize wose wa Musa, ha mwande ye wanhu wose wono wali wehangulize, hamonga ne we cicekulu ne wana wawo, hamonga ne wajenzi wose wono vyekalanaga nawo.

1 Samwili 16:5

Samwili yakawatya, “Heya, ane niza kumulavizya Muwaha Mulungu likumbiko. Holeka mwiyezaje wose, munhyatye.” Kanyhi yakawa kumulonjela Yese hamonga ne wanagwe we cilume, wose weyeze. Nayo yakawa kuwalalika nawo waze kwi' kumbiko.