Yoweli 2:15 - Luganuzi Luswanu Kuli Wanhu Wose 2002

¹⁵ Holeka mutowe ndulele mwi'tunda lya Sayuni, muwalajilize wanhu walece kulya cinji, wekongholele wose hamonga!

Yoweli 2:15 ပူးပေါင်းရင်းမြစ်များ

1 Watemi 21:12

Wakalyanza lizuwa lyo wuleka kulya, wakawakongholela wanhu hamonga, wakamuwika Naboti mwi'goda litambule lya hamwande.

1 Watemi 21:9

Ne zibaluwa zizo zikandikwa nhavi, “Mwanze lizuwa lyo wuleka kulya, muwakongholele wanhu wose hamonga, mumuwice Naboti mwi'goda litambule lya hamwande.

2 Watemi 10:20

Hanyuma Yehu yakatya, “Aluno muliwikaje no kulyanza lizuwa lyo kulavizya likumbiko.” Ale, lizuwa likawa kuwagwa, no wanze wukawa kwanzwa.

Isaya 1:13

Holeka yo nghani ya bwete du, yo kujendelela kundavizya vilavywa vyenyu. Hambi ane nha si nghwendezwa kanyhi, ne mhunjile yo wuvumba wono mukufusa. Hamba ne zi sikukuu zenyu ze Ndawo yo Mwezi, ne zi Sabato, hamba no wihangulize wenyu wo wuhembi, ane hamba si nozivumila yaye, hambi nha zakondya kuwifywa no wubi wenyu.

Yelemiya 36:9

Na mu mwezi we licenda wa mu mwaka we 'hano, wa mu wutemi wa Yehoyakimu, lono yali yatemile mu yisi ya Yuda, i wanhu wakaleka kulya, ho watuje wendezwe wo Muwaha Mulungu. No wuleka kulya wuwo, wukawa wuwanojeye wanhu wose wono wekaye mu Yelusalemi, hamonga na wose wono wali wazize baho, wakulawa mu vikaya vya Yuda.

Yoweli 1:14

Mwiyezeze mu nzila yo wuleka kulya, mucemeleze wanhu waze ku wuhembi, muwakongholaje walongola, hamonga ne wanhu wose we yisi ya Yuda, wenjile mu Nyumba yo Muwaha Mulungu wenyu, mumulilile Mulungu.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Wuwale 10:3

Na kolo zindulele zose vyono nyejete, zikujendelela kulilila hamonga yidaha mututu, mhuga yose ye wanhu, wekongholele hali 'gwe, ha mulango we Lihema lyangu lyono Lyelile.