Yoweli 2:13 - Luganuzi Luswanu Kuli Wanhu Wose 2002

¹³ Kanyhi muwulajilaje winenenyhezi wa mu zinhumbula zenyu ko wukalale wenyu. Hambi wudemulanga vivwalo vyenyu, nha si wukwiliye cinji yaye.” Mumupitucile Muwaha Mulungu, hambi mwene nha yo yena nheto no lusungu. Sikakolagwa ne likuwo mbela, mwene nhondo zose, yewikanize kunenela du, hamba si kulipiciza yaye.

Yoweli 2:13 ပူးပေါင်းရင်းမြစ်များ

Mwamulizo 37:29

Nayo Lubeni yali yeza kubita ku kulya kwi'sima, hamba siyamwagana Yusufu mwi'sima. Hodu yakawa kuvidemulanga vivwalo vyakwe ko wukalale wuwaha muno muno.

Mwamulizo 37:34

Baho Yakobo yakavidemula vivwalo vyakwe ko wukalale muno muno, yakawa kuvwala ligunila mu ciwino. Yakamulilila mwanagwe Yusufu vilo vinji muno.

2 Samwili 1:11

Dawudi yali yeza kuzihulika zizo, hodu yakawa kuvidemulanga vivwalo vyakwe ko wukalale, sunga ne wanhu wakwe wose, nawo wakanoza nhavivyo,

1 Watemi 21:27

Eliya yaza kukondya kuzilonga zizo, hodu Ahabu yakawa kuvidemulanga vivwalo vyakwe, yakavitaga, yakavwala magunila. Yakalema kulya ndigwa, yakawa kugona mu magunila, yakawa yakujenda yena wusungu no wukalale mu nhumbula yakwe.

2 Watemi 22:11

Nayo mutemi Yosiya yali yeza kuzihulika zo Wulajilize zono zandicigwe mumo mu citabu, hobaho yakavidemulanga vivwalo vyakwe ko woga wuwaha muno.

2 Watemi 22:19

kanyhi kuwa kunena, no kwinenenyheza go mweneco hali'ne, kanyhi kuwa kuvidemulanga sunga ne vivwalo vyako, akuno wukulila, lono weza kumanya nha vyono ane nokuza niyilipicize Yelusalemi, hamonga ne wanhu wayo wose. Na vyono noyinoza Yelusalemi hawe hanhu ha kogofya, kanyhi halijitwe. Holeka aluno, nawuhulika du wulombe wako,

2 Watemi 5:7

Nayo mutemi wa Isilayeli yali yeza kukondya kuyisoma yiyo baluwa, hodu yakavidemulanga vivwalo vyakwe ko woga, akuno yakuzoza yakutya, “Alu mwene, u mutemi wa Siliya yalanjiliye vyono ane nosuma kumuponya munhu yuyu? Alo mwene yakwihwesa ane nili Mulungu lo, mono nowa nina wulajilize wo wumi ne lifwa? Ane nghuwona ayu, yakusaka ho cigombane nayo du!”

2 Watemi 6:30

Nayo mutemi yali yeza kuzihulika zizi, hodu yakayidemulanga myenda yakwe ko wukalale wuwaha muno muno. Sunga ne wanhu wono wali wali behi ne lijinji, wakamuwona yavwalile yigunila.

2 Zinghomo 6:27

Gwe go Muwaha Mulungu, wuwahulice kuko ku wulanga, wuwanenele wubi wawo i wanhu wako, i wanhu wa Isilayeli, wuwejize wetume ziswanu. Hanyuma, Gwe go Muwaha Mulungu, wuyitonyeze mvula mono yisi yako yiyi, yono wawapela wanhu wako, yiwe yawo cibitilila.

Nehemiya 9:17

Wakalema kuwa na cihuliko, wakasemwa zose zono wetuma. Wakasemwa sunga ne mapoto gono wetuma. Na mu cibede cawo, wakahagula mulongola, ho yawagomole ku yisi ya Misili, yisi yo wuwanda. Ninga 'gwe, wuli Mulungu wo wunenezi. Mono wumemile wendo ne lihewa, kanyhi si wuli mupelu kukolwa ne likuwo. No lusungu lwako luwaha, hamba si wawaleka yaye.

Jobu 1:20

Hodu nhondo, Jobu yakawa kwinuka, yakawa kuwudemulanga musweko wakwe ko wusungu muno. Yakawa kuwuceta zimvili mutwe wakwe, yakawa kwigumila hasi wugubama.

Zabuli 103:8

Muwaha Mulungu yo munghala lihewa no lusungu, mwene si kakolwaga ne likuwo mbela, kanyhi yena lusungu lwinji muno.

Zabuli 106:45

Mulungu yakacikumbucila cilagane cakwe, na ku soko yo lusungu lwakwe lwinji, hodu yakawa kulituza likuwo lyakwe.

Zabuli 34:18

U Muwaha Mulungu yali behi na wose wono wena mahwele, kawaponyaga wose wono wasina witumbilo.

Zabuli 51:17

Langa cilavywa cangu kuli'gwe go Mulungu, yo nhumbula du yono yidejepe, hambi 'gwe go Mulungu, nha si kulemaga nhumbula yono yidejepe na ye cihuliko.

Zabuli 86:15

Ninga agwe go Muwaha Mulungu, wuli Mulungu wo lusungu, kanyhi wina lihewa, agwe wuli mukangalizi muno, kanyhi wumemile lusungu ne mbeka.

Zabuli 86:5

Hambi agwe go Muwaha Mulungu, nha wuli muswanu, kanyhi wuli munenezi nhondo zose, kanyhi wuli lusungu kuli wose wono wakukulomba.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 58:5

Hambi lono mukuleka kulya, nha mukwikapisa nyo weneco, hanyuma muwa kuyigundamya mitwe yenyu yipamiza ho hasi, yihwana nhe madulwe. Na hanyuma muwa kutandika myenda ye magunila hasi, muwa kwikupila ne mavu, hanyuma muwa kugona mucanyha yago. Alo wuwo wo wuleka kulya hongo? Nanye mukwihwesa nha vyono nane nokwendezwa ne zinghani zizo hongo?

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Yelemiya 41:5

wakawa kuza wanhu makumi munana, wakulawa ku Shekemu, na ku Shilo, na ku Samaliya. Ne wanhu wawo, wali wacetile zindevu zawo, kanyhi wakayidemulanga myenda yawo, akuno wetemanjile mu miwili yawo. Wakawa wadinghuye ne vilavywa vyawo vyo wusaje hamonga no wuvumba, wakuleta ho wavilavye mu Nyumba yo Mulungu.

Yelemiya 42:10

‘Hono muwe mbeka mwendile kwikala mono yisi yiyi, ale, nane nomuzenjenyi, hamba si nomumwagulenyi yaye. Kanyhi nomuhadicenyi, hamba si nomukulenyi yaye. Sunga no wugazice wose wono nene nghamuletelenyi, alu wukumhela wukalale wuwaha muno.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Yona 3:9

Nha lunji Mulungu kowukawaniza wuhile wakwe, lunji kolileka likuwo lyakwe, nase ho cilece kufwa!”

Yona 4:2

Yakawa kulomba yakutya, “Muwaha Mulungu, nghani ayi, si yo nghani yono nalonga lono nali nghali nawuka mu yisi yangu, nha vyono azi zo kokwituma? Kanyhi co caleka nghawa kutiziza ku Talishishi!” Hambi nha nali manyile vyono agwe wumemile lihewa, kanyhi wuli Mulungu wo lusungu, kanyhi si kusimbaga mbela, na nhondo zose agwe wiwikanize kuwukawaniza wuhile wako no kuleka kulipiciza.

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Nahumu 1:3

Langa mwene Muwaha Mulungu, sikakolwaga ne likuwo mbela, ninga yali vilungo, hamba sikalekaga kuwulipiciza wubi. Ho hose hono Muwaha Mulungu yakukola, cijelaga civulavumbi. Ne mavunde, go manghundi gono galawaga mu magulu gakwe.

Wuwale 14:18

‘Ane no Muwaha Mulungu, si nili mupelu kukolwa ne likuwo mbela, kanyhi ndajilaga zo lusungu lwangu luwaha, hamonga no wihuwilwa wangu, kanyhi nili munenezi wo wubi, hamonga no wufyule. Ninga hamba nhavivyo, nowalipiciza wana hamonga ne wezukulu, sunga ko ku lulelo lwe kadatu na lwe kane so wubi we walezi.’

Walumi 2:4

Hamba lunji wukuwubedegala u wuswanu wakwe, ne ngola yakwe, no wukangalile wakwe, hamba si wukumanya vyono u wuswanu wuwo wo Mulungu, wukukutonga ho wusume kunena?

Waefeso 2:4

Ninga u Mulungu yo munya u lusungu lwinji. Yacenda ko wendo wuwaha,

1 Timoteyo 4:8

Hambi wizoweleze wo muwili nha wina cambuzi cayo, ninga wizoweleze we cimuhe, wina cambuzi ce mawala gose, hambi nha wukucihuwiza zo wumi we vilo vivi na wuwo kanyhi we vilo vyono vikuza.