Yoweli 2:12 - Luganuzi Luswanu Kuli Wanhu Wose 2002

¹² Alu Muwaha Mulungu yakutya, “Munene mu zinhumbula zenyu mumhitucile nene, ko wuleka kulya, no wulila muno.

Yoweli 2:12 ပူးပေါင်းရင်းမြစ်များ

2 Samwili 24:10

Ninga Dawudi yali yeza kubocela liwalo lye wanhu, hodu ciselinji cakwe cikanza kumugaza, yakawa kumulonjela Muwaha Mulungu yakatya, “Gwe go Muwaha Mulungu, ane nituma wubi so wituma zizi zo kuwala wanhu! Alu nghukunena wunenele, hambi nha nituma zo wulele muno muno.”

2 Zinghomo 30:6

Nawo wanhu wono watumwa no mutemi hamonga ne wetumami wakwe, wakawa kutuluka kubita ku wulalici, mu yisi yose ya Yuda na Yelusalemi. Wakatumwa wakawalonjele wanhu vyono mutemi yakutya, “Nye nyo wanhu wa Isilayeli, mono mwapona mu miwoko ye Waashuli, wono wayisuma yisi. Aluno mumuwuyile Muwaha Mulungu, u Mulungu wa Abulahamu, na Isaka na Yakobo, nayo komuwuyilenyi.

2 Zinghomo 6:27

Gwe go Muwaha Mulungu, wuwahulice kuko ku wulanga, wuwanenele wubi wawo i wanhu wako, i wanhu wa Isilayeli, wuwejize wetume ziswanu. Hanyuma, Gwe go Muwaha Mulungu, wuyitonyeze mvula mono yisi yako yiyi, yono wawapela wanhu wako, yiwe yawo cibitilila.

Esita 4:16

“Ale wubite wukawakonghole Wayahudi wose wa mwi'kaya lya Susa, mulece kulya, kanyhi munombele. Mulece kulya hamba kung'wa cinji vilo vidatu cilo ne misi. Nane hamonga ne wetumami wangu we cicekulu conoza nhavivyo. Hanyuma ane nomubitila mutemi, hamba niwe nha neza kuwukawaniza wulajilize. Hono nghufwa so yiyo, hodu lece mbite nghafwe lece yiwe nha vyono yowa.”

Wutuluce 33:5

Nawo wanoza nhavivyo, hambi Muwaha Mulungu nha yali yakondya kumulonjela Musa vyono, “Walonjele wanhu wa Isilayeli wutye nhavi, ‘Anye muli wanhu mono musina cihuliko, nane hono nitye cijendane nanye, hamba mu cidaha cidodo du, ane nomongomezenyi. Holeka alu, hambulenyi wihambo wenyu, nane ho manye yono nomutendelenyi.’ ”

Isaya 22:12

Nayo Muwaha Mulungu we mihanga, yamucemenyi ho mulile ko wukalale, mucete mitwe yenyu, muvwale magunila.

Isaya 58:4

Hambi u wuleka kulya wenyu, nha wukuwa munozenyi muwa muli wagazi, muwa kwiwanganila no kwitowa. Alu mukwihwesa nha vyono wuleka kulya we liwala lili, wonoza ane nimuhulicenyi wulombe wenyu hongo?

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Yelemiya 4:1

U Muwaha Mulungu yakutya nhavi, “Nye nyo wanhu wa Isilayeli, hono muwe mukusaka kumbuyila, ale heya mumbuyilaje. Na hono musace kuwa wehuwilwa kuli'ne, muwe kuviwusa ne vihwani vyenyu viseswe, vyono nane si nivyendile,

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Danyeli 9:3

Nane nghamulomba Muwaha Mulungu ko winenenyhezi, nghaleka kulya, nghavwala magunila, nghawa kwikala mu mavu.

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Hoseya 12:7

Muwaha Mulungu yakutya, “I Waisilayeli, si wehuwilwa, wenhwanile Wakanani, wendile kuwahiziza wanhu wono wakuza kugula, mu nzila yo witumamila mizani yo wulambi.”

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 6:1

Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Zakaliya 7:3

kanyhi wawuze kuli wakohani ne wawizi i liwuzo ali, watye, “Alu cijendelele kulila mu nzila yo kuleka kulya, mu mwezi we hano kusoko yo wongomezwe we Nyumba yo Mulungu, nha vyono cetuma mu myaka minji yono yipulute?”

Zakaliya 7:5

Yakanonjela kanyhi yakatya wuwalonjele wanhu wa mu yisi hamonga ne wakohani vyono, lono walekaga kulya, akuno wa kulila mu mwezi we hano na wo mupunghati mu myaka yi yilya yose makumi mupunghati, wule, si yali nzila yo kulajila cogopo ca kuli'ne.

Malaki 1:9

Alu nanye nyo wakohani, mono mukumulomba Mulungu yawe muswanu kuli'se. Mwene sikowupitula wulombe wenyu, na lili lyowa yisutya lyenyu.

Metumo ge Watumwa 26:20

Ninga nghamula kamonga kuwaganulila wanya Damesiki na wanya Yelusalemi na wa mu yisi yose ya Yudiya, kanyhi na kuli wanhu we Makungugo ganji. Nghawaswaswaniza wamupitucile Mulungu, kanyhi walajile mu metumo gawo, vyono wakondya kupituka mu zinhumbula zawo.

Walamuzi 2:4

Na lono Malayika yali yeza kukondya kulonga zizi, wanhu wose wa Isilayeli wakanza kulila,

Walamuzi 20:26

Lulo kanyhi wanhu wa Isilayeli wakatuluka wakabita ku Beteli, wakalila ko wukalale wuwaha muno muno hali Mulungu. Wakaceha baho hali Muwaha Mulungu hamba siwalya cinji sunga likaswa. Wakalavya hali Muwaha Mulungu cilavywa co mulamu, hamonga ne cilavywa cinyanywe.

1 Samwili 7:3

Nayo Samwili yakawalonjela Waisilayeli yakawatya, “Hono muwe mbeka mukumuwuyila Muwaha Mulungu, kwe zinhumbula zenyu zose, ale munojeye muwusize lukulu milungu yenyu yose ye cijenzi, hamonga ne vihwani vyose viseswe vye cihwani co mulungu we cicekulu Asitaloti. Mwiyilavizye lukulu nyo weneco kuli Muwaha Mulungu, mumuhembe mweneco yali wene du. Nayo komuponyenyi mu miwoko ye Wafilisiti.”

1 Samwili 7:6

Wose wakawa kwihanguliziza kuko ku Mizipa. Wakanega malenga, wakagapulinhya hali Muwaha Mulungu, cikawa nha cilavywa kuli Muwaha Mulungu, kanyhi wakaleka no kulya mwi'zuwa lilyo. Wakalonga wakutya, “Ase cakondya kumusutizya Muwaha Mulungu.” (Samwili yakawa mulamuzi muli Waisilayeli baho ha Mizipa.)