Yoweli 2:10 - Luganuzi Luswanu Kuli Wanhu Wose 2002

¹⁰ Sunga ne yisi nayo yikucicima, no wulanga nawo wukusinjisika, ne lizuwa nalyo no mwezi vyatukuwala, sunga ne zinyelezi, hamba sizikusana yaye.

Yoweli 2:10 ပူးပေါင်းရင်းမြစ်များ

Zabuli 114:7

Holeka 'lu agwe go yinze, wucicime hali Muwaha Mulungu, heya, hali Mulungu wa Yakobo,

Zabuli 18:7

Baho yisi yikasinjisika no kucicima, ne misinji ye matunda nayo yikayumbayumba, vyono Mulungu yali yakolwa likuwo.

Isaya 13:10

Nazo zinyelezi hamonga ne vibuto vye zinyelezi, si zolong'alala yaye. Nalyo lizuwa lyolotukuwala kolo lyeza kusosomoka, no mwezi nawo hamba si wolosana ng'o.

Isaya 34:4

Nalyo lizuwa no mwezi, hamonga ne zinyelezi, vyolotulanjika vyose viwe manghundi. Nawo wulanga woloweya no kupalinjika nha nyhingo mhalinje. Nazo zinyelezi, zololagala hasi nhe mahamha gono gakulagala mu mubici wo muzabibu, hamba mu mukuyu.

Isaya 5:30

Ne lizuwa lilyo, kolo lyeza kuza, wolowakolomela Waisilayeli, nhe malenga ge lilenga vyono gabulaga. Na yunji hono yayilanje yisi, na langata, kolowona citi ne magayo! Wuzelu wakondya kumelwa no wutitu.

Yelemiya 4:23

Nane nali neza kuyilanga yisi, nghayiwona yina wambuce du, nako ku wulanga kwali kusina wuzelu.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Yoweli 3:4

“Alo nanye nyo Tulo na Sidoni, hamonga ne zi'si zose ze Wafilisiti, mukusaka mwitume nghanici kuli'ne? Hono muwe mukusaka kwituma nghani yinji yo yose kuli'ne, ale, ko kwenyu, ninga nane nomugomolelenyi nanye musunho zo wulipicizwe wenyu.

Amosi 5:8

Muwaha Mulungu mono yanoza zinyelezi ne cilimila ne mwacinghunghu. Kapitusaga citi ciwa wuzelu, ne misi ciwa cilo. Kacemaga malenga ga mwi'lenga no kugamwaga kunze mu yisi litagwa lyakwe Muwaha Mulungu.

Nahumu 1:5

Ne matunda gawa kucicima ha mwande yo Muwaha Mulungu, ne vigongo vyayo viwa kwenjeduka ha mwande yakwe. Nayo Muwaha Mulungu, kolo yakwilajila, yisi yiwa kusinjisika, yinze hamonga ne wanhu wose wawa kucicima.

Matayo 24:29

“Ninga u wugaye kolo wapuluta, lulo baho du ilizuwa lyolotukuwazwa, no mwezi nawo si wolosana ng'o, ne zinyelezi nazo zologwa ku wulawa kucanyha, ne vilungo vyo wulanga, vyolosinjiswa.

Matayo 27:51

Hobaho du nalyo i libupa lyo mwenda lya mu Nyumba yo Mulungu likawa kudemuka hejete, kuwulawilila kucanyha sunga ko kusika yayo, ne yisi yikacicima, ne mabwe gakatulika,

Metumo ge Watumwa 2:20

Lizuwa lyolopituswa liwe citi, no mwezi wolopituswa wuwe sakami, lono lyowa likali si naza ilizuwa lyo Muwaha, lizuwa liwaha litambule,

Wugubule 20:11

Hanyuma nghawona ligoda liwaha lyo wutemi, yizelu, na mono yekaye mwi'goda lilyo. I yinze hamonga no wulanga, vikatiza ha mwande yo wusu wakwe, hamba si vyejelela lukulu kanyhi.

Wugubule 6:12

Nane nghawona lono Mwana we ngholo yakacinamatula cinamatizo co mutandatu, kukawa ne'tulo yiwaha lye yisi, ne lizuwa likatukuwala nhe mwenda yititu no mwezi nawo, wukadunghuwala nha sakami.

Wugubule 8:12

Malayika we kane nayo yakayitowe ndulele yakwe. Na hobaho libimha lye kadatu lye lizuwa, na lyo mwezi, na lye zinyelezi likatowa, sunga no wuzelu wayo, wukatukuwazwa libimha lye kadatu lyo wung'alale wayo. Ne libimha lye kadatu lye misi likawa lisina wuzelu, sunga ne libimha lye kadatu lye cilo, nalyo nhavivyo.

Wugubule 9:2

Ale, inyelezi yiyo yikalidigula lilyo i likombo lyo wuninyina, na mumo mwikombo mukalawa lyosi, likawa lyosi lye 'lambi yiwaha. Lizuwa no mwanya vikatukuwazwa no wutitu we lyosi lilyo lya mwikombo lyo wuninyina.