Yoweli 2:1 - Luganuzi Luswanu Kuli Wanhu Wose 2002

¹ Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Yoweli 2:1 ပူးပေါင်းရင်းမြစ်များ

1 Zinghomo 15:28

Nhavivyo Waisilayeli wose, wakawa wali hamonga, wakalitegula Lisanduku lye Cilagane sunga ko ku Yelusalemi, wena nyemo mbaha, hamonga ne mazi ge zindulele, ne misesele, wakwimba ne mazi mawaha ne zimbilili hamonga ne zindonondo.

Zabuli 119:120

Ane nghucicima so wogopa gwegwe, memile woga, ku soko ye ning'aniza yako.

Zabuli 87:1

Mulungu yazenga likaya lya Sayuni, yalizenga mucanyha ye litunda lyono lyelile.

Wutuluce 10:14

Nzije zikaza mawumbi na mawumbi, nazo zikawa kwiyagala no kumata mu yisi yose ya Misili. Nalyo lyali lye 'wumbi liwaha muno muno lya nzije lyono lyali likali nejela hamba hadodo ku wulawa katali na katali. Hamba si lyolokwijela kanyhi na mu vilo vyono vikuza.

Isaya 13:6

Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Isaya 13:9

Lizuwa lyo Muwaha Mulungu likuza, lizuwa lyo wukali we likuwo lyakwe. Mwi'zuwa lilyo, yinze yolonozwa yiwe mbago, no kuwongomeza wanyo wubi wose.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Isaya 66:5

Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

Yelemiya 16:10

“Nagwe kolo wukukondya kuwalonjela zizi zose, nawo wokuwuza i soko yono yikuleka ane ndumula nghani, nha vyono nowalipiciza vibi muno muno nhavivyo. Wokuwuza kanyhi wamanye i nghani 'mbi yono wetumile, hamonga no wubi wono wamutendeye u Muwaha Mulungu, u Mulungu wawo.

Yelemiya 16:7

Kanyhi holowa hasina hamba munhu monga mono kololya ndigwa, hamba kung'wezana na yunji mono yafwiliywe no nduguye, ho yiwe nha yo nzila yo kumusindamika. Hamba hasina munhu monga, mono kolomuwonela lusungu, u munhu wo wose mono yafwiliywe no sogwe hamba nyina.

Yelemiya 4:5

Ale, mutowe zindulele mu yisi yose ya Yuda, muzoze muno muno. Muwalonjele i wanhu wa Yuda na Yelusalemi, watizize mu makaya gono gena magomawakali.

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

Ezekiyeli 12:23

Alu wuwalonjelaje nha vyono, ane no Muwaha Mulungu noyidumya kamonga i mbazi yiyo. Nayo hamba si yilahulicilwa lukulu kanyhi mu Isilayeli. Langa wamanye nha vyono, lipango lyakondya kuza, lyono u wuwizi wuwo wofisilizwa!’

Ezekiyeli 21:12

Gwe go munhu, wulile wuzozize muno ko wusungu, hambi u mumaje wuwu, nha wuwikanizwe so wanhu wangu, na so walongola wose wa Isilayeli. Hambi wose nha wowulagwa, hamonga ne wanhu wose wono wasigaye. Ale, witowaje mu mhambaga yako ko wusungu.

Ezekiyeli 30:3

Lizuwa lyasejelela, lizuwa lyono u Muwaha Mulungu kolokwitumila zizo zose. Lizuwa lye mavunde, no wugaye kuli makungugo.

Ezekiyeli 33:3

Kolo yakuwawona walugu wakuza, mwene yatowe ndulele, yawasuguze wanhu.

Ezekiyeli 33:6

Ninga nayo u mulindilizi, hono yawawone walugu wakuza, nayo ho yalece kuyitowa ndulele, ne walugu waze wamuwulaje yumonga wa muli wanhu wawa, u munhu yuyo mono kowulagwa, ayo kowa yafwa no wubi wakwe. Langa nane nomuwamba yuyo mulindilizi, nimulipicize so lifwa lyo munhu yuyo.

Ezekiyeli 7:10

Langa ta, lizuwa lye magazo lyeza kumuzizenyi 'nye nyo Isilayeli. Woyi he kuli'nye so magazo gago mawaha. Hambi wiwoni wenyu nha woduma.

Ezekiyeli 7:12

Lipango likuza. Nalyo lizuwa lyasejelela lono holowa hasina kanyhi munhu mono kolowa kugula cinji hamba mono kolowa kwambaza cinji. Hambi wulipicize wo Mulungu, nha wolowaziza wanhu wose.

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 9:16

Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Danyeli 9:20

Nane Danyeli, nghajendelela du kulomba, nghunena wubi wangu, hamonga no wubi we wanhu wangu Waisilayeli, no kumulomba u Muwaha Mulungu, u Mulungu wangu yayinozeleze Nyumba yakwe.

Hoseya 5:8

Mutowe ndulele yo wulugu mu Gibeya! Ne zifuluti mu Lama! Nanye kuko ku Betaveni, mucenje so wulugu! Nanye mo wanhu wa Benyamini, mwinjile mu wihomi!

Hoseya 8:1

Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Yoweli 2:15

Holeka mutowe ndulele mwi'tunda lya Sayuni, muwalajilize wanhu walece kulya cinji, wekongholele wose hamonga!

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Yoweli 3:14

Mapuga na mapuga wali mwi'lolo lyo wuling'anizizwe. Na vyo yolowa mwi'zuwa lilyo lyo Muwaha Mulungu, nalyo likuza hamba si lyocela yaye.

Yoweli 3:17

“Nagwe go Isilayeli baho ho kolomanyila vyono ane yo nene Muwaha Mulungu wako. Nikaye mu Sayuni mwi'tunda lyangu lyono lyelile. Nayo Yelusalemi yowa likaya lyangu lyono lyelile, hamba wajenzi si wolisuma yaye.

Amosi 3:6

Hamba ndulele yo wulugu ma, yotowa mu kaya, wanhu walece kogopa? Hamba nghani 'mbi ma, yosuma kwinjila mwi'kaya lono Muwaha Mulungu si yayitemizye?

Amosi 5:18

Wolowa wogofye wuwaha kuli'nye mono mukusulumila lizuwa lyo Muwaha Mulungu! Kolowa kowuli wuswanuci kuli'nye mwi'zuwa lilyo? Hambi kuli'nye nha lyolowa lizuwa lye citi, hamba si lya wuzelu yaye.

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.

Obadiya 1:15

“Lizuwa lyasejelela lyono ane, no Muwaha Mulungu nologaling'aniza makungugo gose. Nagwe Edomu zizo zono wetuma, zo zizo zono kolonozezwa na gwegwe nhavivilya. Nagwe zolokuwuyila zizilya du zono wawanozeza wanji.”

Zefaniya 1:14

Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

Zefaniya 1:16

lizuwa lyono limemile mazi ge zindulele zo wulugu, ne cililo co wihome we wasilikale, wakwinjila mu makaya na mu minala mitali muno.

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Zefaniya 3:11

Na mwi'pango lilyo, anye nyo wanhu wangu, molowa musina soko yo kuwona cevu, vyono mwali mwambedegala. Hambi 'ne nha nowawusa i wewoni wose, hamonga ne wevuni wose. Nanye lulo, si molombedegalila lukulu kanyhi mwi'tunda lyangu lyono lyelile.

Zakaliya 14:1

Lanjeta! Lizuwa lyono Muwaha Mulungu kolokwikala mwi'goda lyakwe lyo wuling'anizi, nha lili behi. Baho Yelusalemi yolotekwa. Ne mateka wose wologawilwa ha mwande ye meso genyu.

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Wuwale 10:2

“Ale, wunoze ndulele nyejete za fweza yono nhyane. Nagwe wuzitumamile so wucemela wanhu wekongholele hamonga, na so wumwagula nghambi no kutuluka.

Wuwale 10:3

Na kolo zindulele zose vyono nyejete, zikujendelela kulilila hamonga yidaha mututu, mhuga yose ye wanhu, wekongholele hali 'gwe, ha mulango we Lihema lyangu lyono Lyelile.

1 Wakolinto 14:8

Hamba ne ndulele yono yilalikaga wanhu ho wabite ku wulugu, hono yilile ko mulilo wono si wukutanjika, alu nani 'mbi, mono kosuma kwiwikaniza ho yabite?

Wafilipi 2:12

Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko ye mhonelo yenyu,

1 Watesalonike 5:2

Hambi nha mumanyile nyo weneco vyono, i lizuwa lyo Muwaha lyolokuza nha muhizi vyono kazaga ku cilo.

Yakobo 5:8

Na nyenye nhavivyo yimunojelenyi muwe na ngola, musikamye zinhumbula zenyu, hambi lizuwa lyo wuze wakwe Muwaha nha lyasejelela.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

Wugubule 6:17

Hambi lizuwa lyo kogofya, lye likuwo lyawo, nha lyakondya kuza. Alu nani 'mbi mono kosuma kwima no kwidoma nalyo?”