Yoweli 1:9 - Luganuzi Luswanu Kuli Wanhu Wose 2002

⁹ Hambi vilavywa vyo wusaje hamba vye divayi, vyo kulavya mu Nyumba yo Mulungu, nha vyeza vili hasina lu. Iwakohani nawo wakulila ku soko i vilavywa vyo kumulavizya Muwaha Mulungu, alu vyeza vili hasina.

Yoweli 1:9 ပူးပေါင်းရင်းမြစ်များ

2 Zinghomo 13:10

“Ninga'se, cikali cikumwitumamila u Muwaha Mulungu, u Mulungu wetu, cikali namuleka yaye. Ne wakohani wana wa Haluni, wo wakwituma milimo yawo yo wukohani, nawo Walawi, wakuwataziliza.

Wutuluce 28:1

“Nagwe wumulete muwahawo Haluni hali 'ne, hamonga ne wanagwe, Nadabu, Abihu, Eleyezali, na Itamali ku wulawa mu Waisilayeli, ho wanyitumamile mu mulimo wo wukohani.

Isaya 61:6

Nanye molowa mumanyice vyono muli wakohani wo Muwaha Mulungu i wetumami wo Mulungu wetu. Kanyhi moloyisangalalila sawo ye makungugo, akuno mukwilumba nha vyono yeza yenyu nyenye.

I Cililo 1:16

“Na yo soko yono yikuleka meso gangu gakulawa mahozi. Hasina hamba monga mono konhuza, hamba kusikamya. Hambi walugu wangu nha wakondya kusuma 'ne, ne wanhu wangu wasina hamba cono ciwasigaliye.

I Cililo 1:4

Nalu hasina hamba munhu monga kanyhi, mono kosuma kubita kuhemba ku Nyumba yo Mulungu mu vilo vye zi sikukuu. Ne wahinza wose wono wembaga, alu wali mu wugaye, nawo wakohani wakugula du. Ne milango ye likaya, yeza mu wambuce, nayo Sayuni yili mu wusungu wuwaha muno.

Hoseya 9:4

Hamba siwomulavizya Muwaha Mulungu vilavywa vye divayi mumo mu zi'si zo wujenzi. Ne zindigwa zawo zolomwavufya munhu wo wose mono kolozilya, kotya nhe ndigwa ye nghunguza yo wumala lifwa. Nayo yokwitumamilwa so wigusha weneco du. Ninga hamba cinji si cokwila kumulavizya Muwaha Mulungu mu Nyumba yakwe yo wuhembelo.

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yoweli 1:16

Alu, ceza cisina witumbilo kanyhi, vyono vilimwa vyetu vyose vyakondya kuhodangwa. Sunga ne nyemo yose yeza yili musina mu Nyumba yo Mulungu wetu.

Yoweli 2:14

Na lunji Muwaha Mulungu wenyu, komukumbucilenyi no kukawaniza lihweso lyakwe, no kumulugutizenyi, hamonga no kumonjelezezenyi vilimwa vyenyu. Nanye ho mosuma kumulavivya vilavywa vyo wusaje ne divayi.

Yoweli 2:17

Nawo wakohani, hamonga ne wetumami wono wakumwitumamila Muwaha Mulungu, haciligati ye cikumbicilo no mulango we Nyumba yo Mulungu, yiwanojeye walile no kulomba muno muno, watye, “Gwe go Muwaha Mulungu, weze no lusungu kuli wanhu wako, wulece kugaleceleza makungugo ganji gacibedegale, hamba kucisekanga kose, wawe kutya, ‘Alu yali hayi Mulungu wenyu?’ ”