Yoweli 1:7 - Luganuzi Luswanu Kuli Wanhu Wose 2002

⁷ Zahodanga sunga ne mizabibu yetu, zakondya kulya ne mikuyu yetu, zayikubulanga ne mabada gayo gose, ne manhambi gayo geza mazelu swee.

Yoweli 1:7 ပူးပေါင်းရင်းမြစ်များ

Zabuli 105:33

Yakayihodanga mizabibu yawo hamonga ne mikuyu yawo, yakayibenanga sunga ne mibici yawo yose.

Wutuluce 10:14

Nzije zikaza mawumbi na mawumbi, nazo zikawa kwiyagala no kumata mu yisi yose ya Misili. Nalyo lyali lye 'wumbi liwaha muno muno lya nzije lyono lyali likali nejela hamba hadodo ku wulawa katali na katali. Hamba si lyolokwijela kanyhi na mu vilo vyono vikuza.

Wutuluce 10:15

Nazo zikayigubika yisi yose, sunga ne yisi yose yikatukuwikwa ku soko yo winji we zinzije. Zikalya vinhu vyose vyono vyasigala, vyono si vyahodangwa ne mvula ye mabwe, hamonga ne mikalo yose yono yili mu mibici. Hamba si zasigaza cinji co cose cono cili dedede ca mu mibici mucanyha, hamba vihadikwa vyovyose vya mu migunda vya mu yisi yose ya Misili.

Isaya 24:7

Ne migunda ye mizabibu yeza kunyala, ne divayi nayo yikuwa nyhefu. Ne wanhu wose wono wali wasangalaye alu wasina nyemo kanyhi.

Isaya 32:12

Mwitowe mu mhambaga zenyu ko wukalale, ku soko vyono i migunda yenyu yo moso, hamonga ne migunda yenyu ye zabibu, yose yahodanjika,

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Yelemiya 8:13

“Nali nina wuhile wo kuwakongholela hamonga wanhu wangu, nha vyono munhu kakongholezaga nhwanga yakwe, ninga wanhu wangu wehwanile no mubici wo muzabibu, wono wusina zabibu, hamba mukuyu, wono wusina zinghuyu, wono sunga ne mahamha gayo gakondya kunyala. Holeka nane nghawaleka i wanhu wanji wayisole yisi.

Hoseya 2:12

Noloyihodanga mizabibu yakwe ne miganhi, yono yakutya wendece wakwe wamupela ho yawetumamile. Nolopitula migunda yakwe ye mizabibu, ne migunda ye mibici yono yilelaga mikalo, yiwe mbago, ne vilimu vya mu mbago vyoloyihodanga.

Yoweli 1:12

Hambi mizabibu nayo sunga ne mikuyu nha yakondya kunyala. Sunga ne mibici yose ye mikalo yakondya kunyala. Sunga ne wanhu wose nhondo, weza wasina hamba nyemo bwete.

Amosi 4:9

“Nghayileta mbeho, yivinyaze vilimwa vyenyu. Ne zinzije zikalya migunda yenyu yose ne mizabibu, mikuyu yenyu hamonga ne mizeyituni. Ninga hamba simwambuyila yaye.

Habakuki 3:17

Ninga hamba mikuyu yilece kubonhola maluwa, ne zizabibu yilece kulela zabibu, hamba mizeyituni nayo yiwe si yikujela, zeyituni, nayo migunda yiwe si yikulavya wuhemba, hamba ne zingholo nazo ziwe zose zafwiza, ne mabululu ge zimitugo geza gali bwete.

Malaki 3:11

Hamba sinoleceleza mang'onyo gahodanje nhwanga yenyu hamba hadodo, sunga ne mizabibu yenyu, yolela zabibu nyinji muno muno.