Yoweli 1:4 - Luganuzi Luswanu Kuli Wanhu Wose 2002

⁴ Matewa na matewa ge zinzije genjila mu migunda yetu, galya vilimwa vyetu, na cono litewa lye zinzije, lisigaze, litewa lye mbilazi likulya, na cono litewa lye mbilazi lisigaze, litewa lye mang'ungu likulya, na cono litewa lye mang'ungu lisigaze, litewa lye mapanzi likulya.

Yoweli 1:4 ပူးပေါင်းရင်းမြစ်များ

1 Watemi 8:37

“Na hono yigwe nzala mu yisi, hamba lihuhuji, lunji gagwe mawumbi ga nzije, hamba lunji wanhu wako wahomwe ne walugu wawo, hamba lunji hono hawe ho gali matamwa, hamba wutamwa muli wene,

2 Zinghomo 6:28

“Na hono nzala yigwe mu'si, hamba lihuhuji, hamba lunji vilimwa vihodangwe ne mbeho mbaha, hamba kuligwa ne zinzije. Hamba lunji wanhu wako lono wakuhomwa ne walugu wawo, hamba lunji matamwa gawe gagwiye, hamba lunji mhungo ziwe ziwagwiliye,

2 Zinghomo 7:13

Na mu mapango go gose hono niyimile mvula yilece kutonya, hamba hono niwaletele nzije zilye vilimwa vyawo, hamba ndete lihuhuji muli wanhu wangu,

Zabuli 105:34

Mulungu yakalonga, nzije zikaza, hamonga ne mang'ungu menji muno gono gasina yiwalo,

Zabuli 78:46

Yakazikombola zi nzije, zikalya vilimwa vyawo, hamonga no kuyihodanga migunda yawo.

Wutuluce 10:4

Na hono wujendelele kuwalemeza, ale, nane nokuletela nzije mitondo mu yisi yako.

Wutuluce 10:5

Nazo nzije zizo zowa nyinji muno muno, zotandala mu yisi yose, zolya vinhu vyose vyono vyasigala vyono si vyahodangwa ne mvula ye mabwe, hamonga ne mibici yose yono yisigaye.

Isaya 33:4

Ne vinhu vyawo vikupumhwa no kusolwa mateka.

Yelemiya 51:14

U Muwaha Mulungu we mihanga, kelahiza ko mutima wakwe, nha vyono kotuma wanhu wenji, waze wayihome Babiloni, nawo wowa wenji nhe mawumbi ge zinzije. Nawo wowa kwimba so wusume.

Yelemiya 51:27

“Mwinule bendela hacanyha so wihomi! Mutowe ne ndulele, i makungugo ho gahulice! Mugawikanize makungugo so wulugu, wayihome Babiloni! Muwalonjele sunga ne watemi wa Alalati na Mini, hamonga na Ashikenazi, wose wenjile mu milewo. Mulete zifwalasi, ziwe nyinji muno nhe matewa ge zinzije.

Yoweli 2:25

Nomugomolelenyi kanyhi vilimwa vyenyu, vyono vyajilila mu myaka yono zinzije zalya. Hambi nha yo nene mono nalituma litewa lye zinzije kuli'nye.

Amosi 4:9

“Nghayileta mbeho, yivinyaze vilimwa vyenyu. Ne zinzije zikalya migunda yenyu yose ne mizabibu, mikuyu yenyu hamonga ne mizeyituni. Ninga hamba simwambuyila yaye.

Amosi 7:1

Nane nghatuga wulajilwe ku wulawa kuli Muwaha Mulungu. Muli zizo, nghamuwona yakuwumba yitewa lya nzije lono u mulimo wo kutema mahanze go mutemi, go kulisa zing'ombe zakwe wali wakondya, ne lihanze lyali lyanza kuwiluka kanyhi.

Malaki 3:11

Hamba sinoleceleza mang'onyo gahodanje nhwanga yenyu hamba hadodo, sunga ne mizabibu yenyu, yolela zabibu nyinji muno muno.

Wukumbucize wo Wulajilize 28:38

“Nanye kuko mowa kuhadika mbeyu nyinji, ninga mowa kutuga ndudula nyhefu, hambi zinzije nha zowa kulya vilimwa vyenyu.

Wukumbucize wo Wulajilize 28:42

Nayo mibici yenyu hamonga ne vilimwa vyenyu vyose, vyoligwa ne mazije.