Yoweli 1:18 - Luganuzi Luswanu Kuli Wanhu Wose 2002

¹⁸ Ne zing'ombe nazo zikulila ku soko yiyo, hambi nha kweza kusina wudimo wazo, ne matewa ge zingholo nago gakugaya du.

Yoweli 1:18 ပူးပေါင်းရင်းမြစ်များ

1 Watemi 18:5

Hobaho, Ahabu yakamutya Obadiya, “Alu, alenyi cibite mu mivwilo yose ye malenga na mu vikolongo vyose vya mu yisi yose, lunji cotuga mahanze so zifwalasi, hamonga ne zinyumbu, ho zilece kufwa, cilece kufwilwa ne mitugo zetu.”

1 Watemi 8:5

Nayo mutemi Solomona, hamonga ne wanhu wose wa Isilayeli, wakekongholela ha mwande ye Lisanduku lye Cilagane, wakalavya makumbiko ge zingholo nyinji muno, hamonga ne zing'ombe nyinji muno, hamba si za kuwala.

Yelemiya 12:4

Alo yisi yetu yijendelele kuwa yinyalile, hamonga ne mahanze ga mu mawimbi gose sunga nili lo? Sunga nalu, i vilimu, hamonga ne zindeje zose nha zakondya kongomezwa, ku soko yo wubi we wanhu wetu, i wanhu wono watezaga “Hambi u Mulungu nha si yakuziwona yaye zono citumaga.”

Hoseya 4:3

Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

Yoweli 1:20

Sunga ne zinimu za mu mbago nazo nha zikukulilila, ku soko ye malamba ne makolongo gono ganyala.

Amosi 1:2

Amosi yakatya, “Muwaha Mulungu yakukoloma kuwulawa kwitunda lya Sayuni, ne lizi lyakwe wulawa ku Yelusalemi. No wudimo weza musina, ne lihanze mwitunda lye kalimeli lyanyala.”

Habakuki 3:17

Ninga hamba mikuyu yilece kubonhola maluwa, ne zizabibu yilece kulela zabibu, hamba mizeyituni nayo yiwe si yikujela, zeyituni, nayo migunda yiwe si yikulavya wuhemba, hamba ne zingholo nazo ziwe zose zafwiza, ne mabululu ge zimitugo geza gali bwete.

Hagayi 1:10

Na yiyi yo soko yono yikuleka mvula si yikutonya, hamba kusina cinji cono cikucindika.

Walumi 8:22

Hambi nha cimanyile vyono, sunga lulu iviwumbwa vyose vikulila mu wusungu, kotya wo kulela mwana.