Yoweli 1:10 - Luganuzi Luswanu Kuli Wanhu Wose 2002

¹⁰ Hambi migunda nha yeza yisina cinji. Yisi nayo, yikulila ku soko wuhemba nha wahodangwa, sunga ne divayi yawula, ne mafuta geza sigakwijela.

Yoweli 1:10 ပူးပေါင်းရင်းမြစ်များ

Mwamulizo 4:12

Na hono wijelele du wuwulime muhangha wuwo, hamba sikotujila lukulu cinhu co cose. Nagwe kanyhi kowa wusina wikalo ho hose, langa kowa kwanga caka du ako na ako mono'nze.”

Isaya 15:6

Ne cikolongo ca Nimulimu, naco canyala, ne mahanze gono gacindice mu nhumbi yayo, nago gakondya kunyala, hasina cinji kanyhi cono cidedewaye.

Isaya 24:11

Ne wanhu nawo wakulila mu zinzila, vyono heza hasina kanyhi divayi. Ne nyemo yawo yawucila lukulu, no wusangalale wakondya kuwuswa mu'si.

Isaya 24:7

Ne migunda ye mizabibu yeza kunyala, ne divayi nayo yikuwa nyhefu. Ne wanhu wose wono wali wasangalaye alu wasina nyemo kanyhi.

Yelemiya 12:11

Wayinoza yawa mbago, nalu yawa wambuce du hali'ne. Ne yisi yose yakondya kuwa nyika na hasina hamba yunji mono yakuyitondowoza yaye.

Yelemiya 12:4

Alo yisi yetu yijendelele kuwa yinyalile, hamonga ne mahanze ga mu mawimbi gose sunga nili lo? Sunga nalu, i vilimu, hamonga ne zindeje zose nha zakondya kongomezwa, ku soko yo wubi we wanhu wetu, i wanhu wono watezaga “Hambi u Mulungu nha si yakuziwona yaye zono citumaga.”

Yelemiya 48:33

No wusangalale, hamonga ne nyemo ya mu yisi yo moso ya Mowabu, vyose vyakondya kuwuka. Nane nakondya kuyidumya divayi ya mu makobonjelo. Na hasina kanyhi munhu wo wose, mono kosuma kuyinoza divayi na nyemo mbaha.

Hoseya 4:3

Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

Hoseya 9:2

Ninga mumanye vyono mu vilo vicefu du mowa musina wuhemba wono wukondizye, hamba mafuta ge zeyituni, kanyhi howa hasina hamba divayi bwete.

Yoweli 1:12

Hambi mizabibu nayo sunga ne mikuyu nha yakondya kunyala. Sunga ne mibici yose ye mikalo yakondya kunyala. Sunga ne wanhu wose nhondo, weza wasina hamba nyemo bwete.

Yoweli 1:5

Holeka nanye nyo wang'wela, mwenzeluce mulile muno muno, mulile ku soko ye divayi mhya, anye wose mono mung'wezaga divayi. Hambi zabibu zono muyinozezaga divayi mhya, nha zakondya kuhodangwa ne zinzije.

Yoweli 2:19

Muwaha Mulungu yakawapitula yakawatya, “Alu nomupelenyi wuhemba, ne divayi, ne mafuta, nanye momoteswa, sunga ne makungugo ganji sigomubedegalenyi kanyhi yaye.

Walawi 26:20

Sunga ne milimo yenyu yose yono mokwituma muhidimbaye, yowa nghani ya bwete du, hamba si mokwambulila cinji co cose, hambi yisi nha si yosuma kulela kanyhi, sunga ne mibici yenyu siyolela mikalo yaye.

Habakuki 3:17

Ninga hamba mikuyu yilece kubonhola maluwa, ne zizabibu yilece kulela zabibu, hamba mizeyituni nayo yiwe si yikujela, zeyituni, nayo migunda yiwe si yikulavya wuhemba, hamba ne zingholo nazo ziwe zose zafwiza, ne mabululu ge zimitugo geza gali bwete.

Hagayi 1:11

Nane nghayimila mvula yilece kutonya mu yisi, na mu matunda gayo, na mu migunda yo wuhemba, na mu migunda ye zabibu, na mu migunda ye mibici yono yilelaga mikalo, muli vilimwa vyose vyono yisi yilavyaga, na muli wanhu, ne zinimu, na muli vyose vyono mukuhila kuviwilusa.”

Malaki 2:3

Nane nowalipiciza wana wenyu, niwubuluje wusu wenyu ne matope ge mitugo zenyu zono mukulavya. Nanye mosolwa mutagwe ku cugulu hamonga ne matope gago.