Yoshuwa 9:8 - Luganuzi Luswanu Kuli Wanhu Wose 2002

⁸ Nawo wakamulonjela Yoshuwa wakamutya, “Ase cili wetumami wako.” Yoshuwa yakawawuza yakawatya, “Alo nyenye wa nani lo? Na kanyhi mukulawilila hayi?”

Yoshuwa 9:8 ပူးပေါင်းရင်းမြစ်များ

2 Watemi 10:5

Hodu, u mulindilizi muwaha we likulu, hamonga no mulindilizi muwaha we likaya, wakawa kwihanguliza hamonga ne walongola we wanhu ne walezi wose we wana, wakelumbaniza vyono, wamupitule Yehu baluwa yakwe. Holeka wakamwandicila wakatya, “Ase yo sese mono cili wetumami wako, nase ciwikanize kwituma nghani yo yose yono kosaka gwegwe. Ninga ase akuno hamba si cosuma yaye kumunoza yunji yawe mutemi. Langa ase cilindiye witume nha vyono gwegwe du kowona viswanu.”

Wukumbucize wo Wulajilize 20:11

Na hono wamudigulilenyi milango ye likaya, kanyhi wekombole kuli'nye, ale, wanhu wose wono wali mumo mwi'kaya, wowa weza wetumami wenyu.

Yoshuwa 9:11

I walongola wetu hamonga ne wanhu wose wono wekaye mu yisi yetu, wacilonjela cisole zindigwa zetu, ciwikanize so muhinzo ho cize cimuhinjilizenyi. Cikalonjelwa vyono cize cilunze mu witumami wako. Kanyhi, cikulonjele vyono ase ciza ho cilumbanize nanye.

Yoshuwa 9:27

Ninga hamba nhavivyo, lo lulo lulo yakawanoza wawe wetumami, watenya zingwagu, kanyhi wanega malenga so Waisilayeli na so cikumbicilo co Muwaha Mulungu. Sunga nalu wakali wajendeleye kuwituma mulimo wuwo, hanhu hohose hono Muwaha Mulungu kohagula, wawe kumuhembela.

Yoshuwa 9:25

Aluno cili mu miwoko yenyu, holeka mudahile kucinozeza nha vyono nyenye mukuwona viswanu.”

Yoshuwa 9:23

Holeka vyono mwetuma zizi, u Mulungu nayo yakondya kumuling'anizenyi. I wanhu wenyu nhondo zose wowa wetumami. Wowa watenya ngwagu, kanyhi wanega malenga, mu nyumba yo Mulungu wangu.”

Yoshuwa 10:6

Nawo i wanhu wa ku Gibeyoni, wakategula nghani kuli Yoshuwa ku nghambi ya ku Giligali wakamutya, “Wulece kucileka co wetumami wako gwe Yoshuwa! Wuze mbela mbela wucitaze! Wuciponye! Hambi i watemi wose we Waamoli wono wekalaga mu yisi ye matunda, nha wakondya kulonjela kumonga, wawahanguliza i wasilikale wawo, nalu wanza kucihoma!”