Yoshuwa 9:7 - Luganuzi Luswanu Kuli Wanhu Wose 2002

⁷ Ninga Waisilayeli wakawatya Wahivi, “Alo nhawule cilumbanize na nyenye? Yilece kuwa lunji mwikaye baha behi.”

Yoshuwa 9:7 ပူးပေါင်းရင်းမြစ်များ

Mwamulizo 10:17

Wahivi, Waliki, Wasini,

Mwamulizo 34:2

Nayo mwana wa Hamoli Muhivi, mono yali muwaha we yisi yiyo mono yacemwaga Shekemu, yali yeza kumuwona Dina, hodu yakawa kumwibata kwa nguvu yakagona nayo, yakamukoza cevu.

2 Samwili 24:7

Hanyuma wakadoma ku lubavu lwa kutakama sunga ko kwi'kaya lya Tulo lye magomawakali. Wakajendelela sunga wakadoma mu makaya gose ge Wahiti ne Wakanani. Na ku ndumilizo wakabita ku Belisheba, ku lubavu lwa kutakama lwe yisi ya Yuda.

Wutuluce 23:22

Ninga hono mumuhulice kwe mitima yenyu yose, no kwituma zose zono nghumulonjelenyi, nane baho langa ho nokwihoma ne walugu wenyu wose.

Wutuluce 3:8

Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Wutuluce 34:12

Ninga langa, mwilanjilile, mulece kwilumbaniza ne wanhu wono mowagana, i wekazi wa mu yisi yiyo, yono nanye mukubita. Hambi nghani yiyo, nha yowa nha mutego kuli'nye.

Wuwale 33:52

Ale, munojeye muwawinje wekazi wose wa mu yisi yiyo. Muvyongomezeze lukulu i vihwani vyawo viseswe, hamonga ne hanhu hawo hose ho wuhembelo wawo.

Wukumbucize wo Wulajilize 20:16

“Ninga langa lono mukugahoma no kugateka makaya gono gali mu yisi yono Mulungu yakumupelenyi, ale, muwawulagaje wanhu wose wono wali mumo, mulece kusigaza hamba monga bwete.

Yoshuwa 11:19

Langa i likaya du lyono lyanoza mulamu ne wanhu wa Isilayeli, lyali lyo likaya lya Gibeyoni, i hanhu hono i Wahivi wanji wekalaga. Ne makaya ganji gose gali gakondya kusumwa mu wulugu.

Yoshuwa 9:1

I vilungo hamonga no wusume we Waisilayeli, vikamanyika muno mu watemi wa mu mhelo ye mwezi ye likolongo lya Yoludani, mu matunda na mu mwalambalo we matunda, na mu mwalambalo wo wuhihi we lilenga lya Meditelaneya, sunga kulubavu lwa kusumuka, ku Lebanoni. Ne watemi wawa wali wo watemi we Wahiti, ne Waamoli, ne Wakanani, ne Wapelizi ne Wahivi ne Wayebusi.

Walamuzi 2:2

Holeka mulece kunoza cilagane co cose ne wekazi wa mu yisi yiyi. Yinojeye muvimwagulanje vikumbicilo vyawo. Ninga mukali netuma nha vyono namulajiizenyi mwitume. Langa muketuma nha vyono mwasakaga nyenye nyo weneco!

Walamuzi 3:3

Wono wasigazwa mu'si wali wo awalya wa mu makaya mahano ga Wafilisiti, ne Wakanani wose, Wazidoni ne Wahiti wono wekalaga mu matunda ga Lebanoni ku wulawilila mwi'tunda lya Baali-helemoni sunga mu mwejelele wa Hamati.