Yoshuwa 9:4 - Luganuzi Luswanu Kuli Wanhu Wose 2002

⁴ Holeka wakalamula wabite wakamukonje Yoshuwa. Ale wakabita, wakasola zindigwa wakapacila mu zindogowe zawo mu magunila gono gasakaye, wakasola divayi nayo wakayitajila mu mifuko ye zinyhingo zihuma.

Yoshuwa 9:4 ပူးပေါင်းရင်းမြစ်များ

Mwamulizo 34:13

Wene nawo wana wa Yakobo, vyono Shekemu yali yakondya kumuhodanga Dina lumbu lyawo, holeka wakawapitula ko wungwele Shekemu hamonga no sogwe Hamoli.

Zabuli 119:83

Hambi nha nezinga, nawa nha mufuko wa nyhingo mugumilwe mu lyosi, ninga hamba nhavivyo, nghali si ninawusemwa wutonji wako.

Matayo 10:16

“Alu ane nghumutumenyi anye, kotya zingholo muciligati ye maminzi. Holeka muweze wasugu nha vyono zinha zinzoka, ninga kanyhi muweze wapolo nha vyono zinha zinziwa.

Matayo 9:17

Hamba iwanhu si watajilaga divayi yimhya mu mifuko ye zinyhingo zihuma. Na hono wanoze nhavivyo, imifuko yodemuka, ne divayi yomwajika, ne mifuko nayo yohodanjika. Ninga si yili nhavivyo, langa iwanhu watajilaga divayi yimhya, mu mifuko ye zinyhingo zimhya, navyo vyose vyono vyejete, divayi ne mifuko vyokwikala vitelevu.”

Maluko 2:22

Hamba hasina munhu mono katajilaga divayi mhya mu mifuko ye zinyhingo zihuma. Na hono yanoze nhavivyo, i divayi nha yoyibahula imifuko, nayo divayi hamonga ne mifuko yiyo vyohodanjika. Langa idivayi 'mhya, yitajilwaga mu mifuko ye zinyhingo zimhya!”

Luka 16:8

Yuyo muwaha, yakamukumya yuyo mwitumami mono si mwihuwilwa, vyono yanoza ko wusugu. Hambi wanhu wa kononze yiyi, nha wasugu muno kuli zawo si nhe wanhu wo wuzelu.

Yoshuwa 9:12

Mulanje ta sunga ne mikate yetu. Lono catulucila kwetu ne mikate yiyi, yali yikali yili moto. Ninga lu lanjenyi ta! Yenjila mumvulya kanyhi yanyala.

Yoshuwa 9:13

Kanyhi lono catajilila divayi yiyi mu mifuko yiyi ye zinyhingo, mifuko yiyi yali yikali mipya. Ninga mulanje lu! Yakondya kusakala. Ne myenda yetu, hamonga ne malatu getu, vyose vyasakala so muhinzo wuwu mutali muno.”

Yoshuwa 9:3

Ninga i wanhu wa Gibeyoni wono wali Wahivi, wali wakondya kuzihulika zono Yoshuwa yetuma ku Yeliko na ku Ayi.

Yoshuwa 9:5

Wakavwala myenda yono yisakaye, ne malatu gono gademuce gono wali wagawikaniza. Ne zindigwa zono wadinghula, zali zina no mumvulya.