Yoshuwa 8:4 - Luganuzi Luswanu Kuli Wanhu Wose 2002

⁴ Yakawalajiliza yakatya, “Mwihundikaje kulubavu lunji lwe likaya, ninga yilece kuwa kutali ku wulawa he 'kaya, mwiwikanize mulihome.

Yoshuwa 8:4 ပူးပေါင်းရင်းမြစ်များ

2 Watemi 7:12

Na mu mapango gago, yali yikali vyo cilo cilo du, ninga hamba nhavivyo, u mutemi yakenuka du, yakawalonjela wetumami wakwe yakatya, “Alu, mugole ta, nimulonjelenyi nha vyono wawo Wasiliya wakusaka wanoze! Wene wamanyile muno nha vyono mu Samaliya mo yili nzala mbaha muno muno. Holeka ane nghuwona vyono wayileka nghambi yawo ne nyono, ho wakehundice hanji. Vyono wene wakwihwesa ase cowuka wose mwi'kaya cibite ku wulondola ndigwa, ho wasume kuciteka cili womi, hamonga no kulisola ne likaya.”

2 Zinghomo 13:13

Ninga kumbe Yelobowamu mwi'pango lilyo, yakawa yakondya kuwategula wasilikale wakwe wanji wakondya kuwapilima wanhu wa Yuda, ku migongo yawo. Na wono wasigala, vikawa vidomile.

Muganuzi 7:19

Nago mahala gamupelaga vilungo munhu we mahala, kuciza wanhu yikumi, wono watemile mwi'kaya.

Muganuzi 9:16

Ku soko yiyo, holeka nane nghutya nhavi, “Mbeka kumbe mahala gacizize vilungo, hamba yiwe mahala go muciwa si gatondowozwa, ne zinghani zakwe hamba kuhulicizwa yaye.

Metumo ge Watumwa 23:21

Ninga agwe wulece kuvumila, hambi nha kowali wanhu wono wacizize makumi mane wono wewikanize ho wamwibate. Nawo welahiza vyono walece kulya hamba kung'wa sunga wamuwulaje. Nalu wewikanize, walindiye uwulamuzi wako du.”

Yoshuwa 8:16

Nawo wanhu wose wa mwi'kaya, wakawa kwicemeleza hamonga, ho wawawinje Yoshuwa hamonga ne wanhu wakwe. Ninga mu nghango yono wacilaga kuwawinga, na vyo wacilaga kubita kutali ne likaya.

Yoshuwa 8:3

Hobaho Yoshuwa yakewikaniza yabite ku Ayi, hamonga ne wasilikale wakwe. Yakawasola cipuga ca wanhu elufu makumi madatu, wono wali vitung'ati mu wihomi, yakawategula ne cilo mugati.

Walamuzi 20:29

Lulo nhondo Waisilayeli wakawatandalika wasilikale wawo cinyele, wakalipilima likaya lyose lya Gibeya.

Walamuzi 20:33

Lulo lulo lipuga lye Waisilayeli wakawuka i hanhu hawo, wakatandala mu milewo ku Baali-tamali. Na wono wali wehundice mu yisi ya Gibeya, nawo wakawuka i hanhu hono wali wehundice mu mabwe behi ne likaya.

Walamuzi 20:36

Nawo Wabenyamini, nhondo ho wakawa kumanya vyono kumbe wasumwa. Lipuga lyose lye wasilikale we Waisilayeli, wakenoza nha wakutiza hali Wabenyamini, vyono wali wawetumbiye awalya wono wali wehundice, walipilime likaya lya Gibeya.

Walamuzi 9:25

Wanhu wa ha Shekemu wakawawika wanhu wamusepe Abimeleki wakabita mucanyha ye matunda, wakawabokanga vinhu wanhu wose wono wakolaga mu nzila yiyo. Nayo Abimeleki yakalonjelwa zizi.

Walamuzi 9:32

Holeka 'gwe hamonga ne wanhu wako, wuze mu cilo mugati, ho mwihundice mu migunda.

1 Samwili 15:2

vyono mwene kowalipiciza wanhu wa Ameleki, ku soko ye so zinghani walezi wawo wawatendelaga Waisilayeli. Hambi nha wawasepaga mu zinzila, lono walawaga ku Misili.

1 Samwili 15:5

Hodu, yakawa kutuluka hamonga ne wanhu wakwe, wakawa kubita kwi 'kaya lye Waamaleki, wakawa kwihundika mwi'lolo.