Yoshuwa 8:2 - Luganuzi Luswanu Kuli Wanhu Wose 2002

² Holeka munojeye muyitendele Ayi, no mutemi wayo nha vyono mwayitendela Yeliko no mutemi wayo. Ninga muhinzo wuwu, muvisolaje vinhu vyayo vyose viswanu, viwe vyenyu, hamonga ne mitugo zayo. Mwiwikanizaje mwinjile mulihome likaya, akuno muwicile ne watejezi ku mhilimo yalyo.”

Yoshuwa 8:2 ပူးပေါင်းရင်းမြစ်များ

2 Zinghomo 13:13

Ninga kumbe Yelobowamu mwi'pango lilyo, yakawa yakondya kuwategula wasilikale wakwe wanji wakondya kuwapilima wanhu wa Yuda, ku migongo yawo. Na wono wasigala, vikawa vidomile.

2 Zinghomo 20:22

Nawo iwembi wali weza kwanza kwimba, u Muwaha Mulungu yakawagumilila walugu wawo mahwele no woga wuwaha.

Zabuli 39:6

Na mbeka, munhu wo wose kapulutaga nho mwenzenze du. No wuhidimbazi wakwe wose, wukuwa nghani ya bwete du, mwene kakongholaga sawo, hamba kumanya mono koyitumila nani.

Zimbazi 13:22

No munhu muswanu kowa ne sawo yono kosuma kuwalecela ne wezukuluwe. Ninga sawo ye wabi yiwutilwaga we ling'ani.

Zimbazi 28:20

Ne wanhu wehuwilwa, wowa wena mikalile yono yina wusangalale. Ninga mono yakuseka ho yatuje wugoli musunho, mbeka kolipicizwa.

Yelemiya 17:11

No munhu mono ketujilaga sawo mu zinzila zimbi, yehwanile ndeje yono yigonelaga magangha gono si yitajile yeneco. Nayo koyajiliza sawo yakwe mu wuzelelo wakwe, na ku ndumo yayo, kowa mulele du.

Yelemiya 51:12

Mwinule bendela mucanyha ye majinji ga Babiloni. Muwice wulindilizi we vilungo! Muwice walindilizi! Muwice wanhu wono wowa kugoza.” Hambi u Muwaha Mulungu, nha yakondya kwituma zinghani zono yalonga, nha vyono kowatendela wanhu wa Babiloni.

Wukumbucize wo Wulajilize 2:35

Cikazisola mitugo zose, kanyhi cikagateka ne makaya gose.

Wukumbucize wo Wulajilize 20:14

Langa i wacekulu ne wana, ne zimitugo, hamonga ne vinhu vyose vyono vyowa vili mumo mwi'kaya lilyo, avyo vyose muvisolaje viwe vyenyu. Ne vinhu vyose vye walugu wenyu vyono movisola, avyo mudahile kuvitumamila. Hambi Muwaha Mulungu, u Mulungu wenyu, nha kamupelenyi viwe vyenyu.

Wukumbucize wo Wulajilize 3:2

Ninga Muwaha Mulungu, yakanonjela yakatya, ‘Wulecele lukulu kumogopa mutemi Ogu, hambi ane nha nokukombolela mwene mu miwoko yako, hamonga ne wanhu wakwe wose, ne yisi yakwe. Nagwe wumutendelaje nha vyono wamutendela mutemi Sihoni u mutemi we Waamoli mono yali yayitemile Heshiboni.’

Yoshuwa 10:1

Ale, baho, Adonizedeki lono yali mutemi wa ha Yelusalemi, yakahulika nha vyono Yoshuwa yali yakondya kuyiteka no kuyongomeza Ayi, na vyono yakamuwulaga no Mutemi wayo, nha vyono yetuma ku Yeliko, na vyono yamuwulaga no mutemi wayo. Kanyhi yakahulika nha vyono, i wanhu wa ku Gibeyoni, wali wakondya kunoza mulamu ne Waisilayeli, na vyono wekaye hamonga.

Yoshuwa 10:28

Mwizuwa lilyo, Yoshuwa yakayihoma Makeda hamonga no mutemi wayo yakayiteka. Yakawawulaga wanhu wose wa mwikaya, si yasigala munhu hamba monga. Yakamutendela u mutemi wa ha Makeda, nha vyono yamutendela u mutemi wa Yeliko.

Yoshuwa 11:14

Wanhu Waisilayeli, wakasola vinhu vyose hamonga ne mitugo mu makaya gaga, wakaviwika viwe sawo yawo weneco. Ninga langa, wakawawulaga wanhu wose, hasina hamba yunji mono yasigazwa mumi.

Yoshuwa 6:21

Wakawawulaga wanhu wose kwe mimaje, walume ne we cicekulu, wadodo ne wakombi sunga ne zimitugo, zingholo ne zindogowe ne zing'ombe.

Yoshuwa 8:12

Yakawasola wanhu elufu yihano, yakawawika mu wihundiko ku lubavu lwa kumwezi ye likaya, hagati ya Beteli na Ayi.

Yoshuwa 8:14

Nayo mutemi wa Ayi, yali yeza kuwawona wanhu wa Yoshuwa, hobaho mwene, hamonga ne wanhu wakwe, wakatuluka musunho walanjile kwi'kolongo lya Yoludani, ho wakawahome Waisilayeli, kukulya du kono wawahomela ha mwamulizo. Kumbe si yali yamanyile vyono, kowali watejezi wono wali wehundice, wono womuhoma ku wulawa ku mhilimo ye likaya.

Yoshuwa 8:19

Nayo yali yaza kuwinula mugoha wa mu muwoko wakwe, i wanhu wono wali wehundice, wakenuka mbela mbela, wakamanyhila mwikaya no kuliteka, lo lulo lulo wakawa kulipembela no moto.

Yoshuwa 8:24

Nawo Isilayeli, wakawawulajila i walugu wawo wose kuko ku nyika. Hanyuma ho wakawa kuwuya kanyhi ku Ayi, wakawa kuwawulaga wanhu wose.

Yoshuwa 8:3

Hobaho Yoshuwa yakewikaniza yabite ku Ayi, hamonga ne wasilikale wakwe. Yakawasola cipuga ca wanhu elufu makumi madatu, wono wali vitung'ati mu wihomi, yakawategula ne cilo mugati.

Yoshuwa 8:7

Alu baho nanye, ho molawaniza ku wulawilila mono mwali mwihundice, no kuliteka likaya. Hambi Muwaha Mulungu, u Mulungu wenyu, nha komupelenyi likaya.

Yoshuwa 8:8

Nanye kolo mwakondya kulibata likaya, mulipembelaje no moto, nha vyono Muwaha Mulungu yalajiliza. Aga go malajilizo genyu.”

Yoshuwa 8:9

Hobaho Yoshuwa, yakawa kuwakombola wabite ku wihundiko wawo, wakawa kubita kulubavu lwa kumwezi ye likaya lya Ayi, hagati ya Ayi na Beteli wakawa walindilize kuko. Ninga mwene Yoshuwa yakagona mu nghambi mu cilo cico.

Yoshuwa 9:3

Ninga i wanhu wa Gibeyoni wono wali Wahivi, wali wakondya kuzihulika zono Yoshuwa yetuma ku Yeliko na ku Ayi.