Yoshuwa 7:7 - Luganuzi Luswanu Kuli Wanhu Wose 2002

⁷ Yoshuwa yakatya, “Gwe go Muwaha Mulungu! So cici wukacilowosa kwi'kolongo lya Yoludani? Ho wucitajile mu miwoko ye walugu wetu Waamoli wacongomeze? Alo nhawule sicekalilila ku nhumbi nzagwe ya Yoludani?

Yoshuwa 7:7 ပူးပေါင်းရင်းမြစ်များ

2 Watemi 3:10

U mutemi Yolamu yakazoza yakutya, “Nye! Alu langa ho cawona wusungu! Hambi Muwaha Mulungu, nha yakondya kucitajila ase co watemi wadatu, mu miwoko yo mutemi wa Mowabu!”

Zabuli 116:11

Nhondo sunga nghawa kulonga ko woga nghutya, “Mbeka wanhu hamba si wehuwilwa yaye.”

Wutuluce 16:3

Wakatya, “Si ciba le Muwaha Mulungu yali yaciwulajile ku yisi ya Misili, kono cali cikaye ne masefuliya gamemile nyama ne mikate, nase calizaga nha vyono casakaga sunga ciguta. Alu mulanje ta, anye mwacileta amuno mono nyika, ho muciwulaje ne nzala.”

Wutuluce 17:3

Ninga wanhu wose vyono wali wena nyhilu ye malenga, wakajendelela kumung'ung'ulicila Musa du wakumutya, “Alu mwene, wukaciwusa akulya ku Misili ho wuciwulaje ne nyhilu ye malenga, hamonga ne wana wetu ne mitugo zetu?”

Wuwale 14:16

kuwawulajila wanhu wako mu nyika, vyono kulemegwa kuwafisa sunga ko ku yisi yono wawehuwiza vyono kowapela.

Wuwale 14:3

Alu so cici lo Muwaha Mulungu yakusaka yacitegule kuko ku yisi yiyo? Hambi nha cofwila mu wulugu, ne wagolece wetu nawo, hamonga ne wana wetu, wosolwa mateka. Alu si yali yiwe yili ciba le, hono cali ciwuye ne nyuma ku Misili?”

Matayo 17:17

Yesu yakamupitula yakamutya, “Anye mo lulelo lono lusina u wihuwilo, lulelo lono lwajiliye! Alu nokwikalana nanye sunga nili? Hamba nojendelela kumukangalililenyi sunga nili? Ale mundetele ta umwana yuyo ahano.”

Matayo 17:20

Yesu yakawatya, “Ku soko yo wihuwilo wenyu wucefu. Nghumulonjelenyi mbeka, hono muwe mwina u wihuwilo wudodo du nha vyono yinha yi mbeyu ya haladali, mosuma kulilonjela i litunda lili, mukutya, ‘Wuwuce ahano, wubite ahalya,’ nalyo mbeka lyobita. Hasina nghani yo yose yono yali yiwe si yisumice kuli'nye. [

Wahebelaniya 12:5

Wulenyi, alu mwazisemwa i zinghani zono u Mulungu yakulonga nanye nha wanagwe? “Mwanangu, wulece kubedegala i mafundo go Muwaha, hamba wulece kutukuwika u mutima wako kolo yakukukalipila.

Yoshuwa 7:6

Baho Yoshuwa hamonga ne walongola we wanhu wa Isilayeli, wakavidemulanga vivwalo vyawo ko wusungu wuwaha, wakagwa wugubama ha mwande ye Lisanduku lye Cilagane lyo Muwaha Mulungu, wakawa watambalaye baho sunga lizuwa likaswa, wakemwajila manghundi mu mitwe yawo, wakulajila wukalale wawo.

Yoshuwa 7:8

Gwe Muwaha Mulungu, alu nonje ci, lono Waisilayeli, nhondo weza kusumwa ne walugu wawo?

Walamuzi 20:23

Wakamuwuza Muwaha Mulungu wakutya, “Wule ciwuyajile kanyhi, cikehome ne wandugu zetu wa Wabenyamini?” U Muwaha Mulungu yakawapitula yakawatya “Heya mubite.” Lulo wasilikale we ci Isilayeli wakekamiliza mu mitima yawo, wakawa kuwatandalika wasilikale wawo bahalya du nha vyono wali wawatandalice ha lulongozi.

1 Samwili 4:3

Nawo Waisilayeli wono wasigala wakawuya ku nghambi yawo ku Ebene-zeli, i wawaha wawo wakawa kwanza kwiwuza wakutya, “Alu mwene 'nye, nhawule Muwaha Mulungu kacileceleza cisumwe ne Wafilisiti i zuwali? Ale, lu, ciba, cibite ku Shilo cikalisole Lisanduku lye Cilagane lyo Muwaha Mulungu, cililete ku kuno, u Muwaha Mulungu ho yawe yali hamonga nase, yaciponye mu walugu wetu.”