Yoshuwa 7:6 - Luganuzi Luswanu Kuli Wanhu Wose 2002

⁶ Baho Yoshuwa hamonga ne walongola we wanhu wa Isilayeli, wakavidemulanga vivwalo vyawo ko wusungu wuwaha, wakagwa wugubama ha mwande ye Lisanduku lye Cilagane lyo Muwaha Mulungu, wakawa watambalaye baho sunga lizuwa likaswa, wakemwajila manghundi mu mitwe yawo, wakulajila wukalale wawo.

Yoshuwa 7:6 ပူးပေါင်းရင်းမြစ်များ

Mwamulizo 37:29

Nayo Lubeni yali yeza kubita ku kulya kwi'sima, hamba siyamwagana Yusufu mwi'sima. Hodu yakawa kuvidemulanga vivwalo vyakwe ko wukalale wuwaha muno muno.

Mwamulizo 37:34

Baho Yakobo yakavidemula vivwalo vyakwe ko wukalale muno muno, yakawa kuvwala ligunila mu ciwino. Yakamulilila mwanagwe Yusufu vilo vinji muno.

2 Samwili 1:11

Dawudi yali yeza kuzihulika zizo, hodu yakawa kuvidemulanga vivwalo vyakwe ko wukalale, sunga ne wanhu wakwe wose, nawo wakanoza nhavivyo,

2 Samwili 1:12

wakawa no wukalale wuwaha muno, wakamulilila Sawuli. Na mwi'zuwa lilyo, hamba si walya cinji yaye ku soko ya Sawuli, hamonga no mwanagwe we Yonazani, na ku soko ye wa Isilayeli, i wanhu wo Muwaha Mulungu. Hambi nha wanhu wenji wono wali wakondya kuwulagwa ku wulugu.

2 Samwili 1:2

Na mwi'zuwa lye kete, kadatu, yakaza muzelelo yakulawilila ku nghambi ya Sawuli. Nayo yuyo muzelelo, yali yeza kufika hali Dawudi, yakawa kuvidemulanga vivwalo vyakwe, yakemwajila ne manghundi mu mutwe wakwe, yakulajila wusungu wono yali yena nawo mu nhumbula yakwe. Yakawa kusejelela hali Dawudi, yakenama ho hasi, yakulajila cogopo cakwe.

2 Samwili 12:16

Dawudi yakamulomba Mulungu so mwana yuyo ho yanoje. Na mu mapango gago Dawudi yakalema kulya ndigwa. Na mu mapango ge cilo yenjilaga mu cumba cakwe, kawa yagonile hasi du sunga wokwela.

2 Samwili 13:19

Tamali yakemwajila mavu mu mutwe wakwe, yakacidemula ne civwalo cakwe, yakawugubiciza wusu wakwe ne miwoko yakwe, yakawa kujenda yakulia.

2 Samwili 13:31

Hobaho mutemi yakenuka yakavidemulanga vivwalo vyakwe ko wukalale, yakegwisa hasi. Ne wetumami wose wono wali wali hamonga nayo, nawo wose wakavidemulanga vivwalo vyawo nhavivyo.

2 Watemi 22:11

Nayo mutemi Yosiya yali yeza kuzihulika zo Wulajilize zono zandicigwe mumo mu citabu, hobaho yakavidemulanga vivwalo vyakwe ko woga wuwaha muno.

2 Zinghomo 34:19

Nayo mutemi Yosiya, yali yeza kuzihulika zono zikusomwa mu citabu, hobaho yakawa kuvidemulanga vivwalo vyakwe ko wusungu wuwaha muno.

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Nehemiya 9:1

Mu mwezi wuwo, mwi'zuwa lye makumi mejete na yine, i wanhu wa Isilayeli wakekongholela hamonga, wakaleka kulya, ho walajile wukalale wawo so wubi wawo.

Esita 4:1

Moledekayi yali yeza kumanya vyono zizi zose zakondya kwitumwa, yakayidemulanga myenda yakwe ko wusungu wuwaha, yakavwala magunila, yakemwajila mavu mu mutwe wakwe, yakanza kupilima mwi'kaya lya Susa, yakawa kulila muno ko wusungu wuwaha,

Esita 4:3

Na ko kose kono lilajilizo lili lyali lyakondya kufika no kumanyika ne wanhu, kwali na cililo muli Wayahudi wose. Wakekapisa no kuvwala magunila no kulila ko wukalale wuwaha no kugona mu mavu.

Jobu 1:20

Hodu nhondo, Jobu yakawa kwinuka, yakawa kuwudemulanga musweko wakwe ko wusungu muno. Yakawa kuwuceta zimvili mutwe wakwe, yakawa kwigumila hasi wugubama.

Jobu 2:12

Nawo lono wabitaga, na lono wali wakali wali cidaha, wakamuwona Jobu kwa kutali, ninga hamba si wasuma kumumanya vyono yo mweneco Jobu. Ninga wali weza kumumanya vyono yo mweneco Jobu, hobaho wakawa kwanza kulila wazozize muno, akuno wakuyidemulanga ne myenda yawo ko wusungu wuwaha muno, akuno wakwesa ne manghundi mucanyha, no kwikupila ganji mu mitwe yawo.

Jobu 42:6

Holeka aluno, nghuziwonela cevu zose zono nalonga, nane nghunena mu manghundi ne mavu.”

I Cililo 2:10

Nawo i wanhu wakombi wa mu Yelusalemi, wekaye wanyamaye twii, akuno weyitiye manghundi mu mitwe yawo, wavwalile magunila. Nawo i wahinza, wenamizye mitwe yawo hasi.

Wuwale 14:6

Nayo Yoshuwa u mwana wa Nuni, hamonga na Kalebi u mwana wa Yefune i watandizi wejete, wakayidemulanga myenda yawo ko wukalale,

Wuwale 16:22

Ninga Musa na Haluni wakenama sunga no wusu wawo wukapamiza ho hasi, wakatya, “Gwe go Muwaha Mulungu, nha yo gwegwe du mono yo ndawililo yo wumi wose. Alu hono munhu monga yasutye, agwe hodu kowakolelwa likuwo mhuga yose?”

Wuwale 16:45

“Ale mutele, mwime cidaha ne wanhu wawa, nane niwongomeze lwa kamonga!” Nawo wose vyono wejete wakenama sunga no wusu wawo wukapamiza ho hasi,

Metumo ge Watumwa 14:14

Ninga Pawulo na Balanaba wali weza kuzihulika zizo, wakademulanga myenda yawo, wakenjila hagati ye lipuga lye wanhu, wakazoza wakutya,

Yoshuwa 7:7

Yoshuwa yakatya, “Gwe go Muwaha Mulungu! So cici wukacilowosa kwi'kolongo lya Yoludani? Ho wucitajile mu miwoko ye walugu wetu Waamoli wacongomeze? Alo nhawule sicekalilila ku nhumbi nzagwe ya Yoludani?

Wugubule 18:19

Nawo wakeyitila manghundi mu mitwe yawo, akuno wakulila muno muno kwe mazi mawaha, wakutya, “Woyi he! Kuli'gwe go 'likaya liwaha! Lye kaya lyono wose wanye zingalawa zono zikujendela mwi'lenga mo wagolipila, so wugoli walyo. Ninga wakondya kwajiliza i vinhu vyawo vyose mwi'pango lya saa monga du!”

Walamuzi 11:35

Nayo Yefuta, yali yeza kumuwona du yakavidemulanga vivwalo vyakwe ko wukalale, yakatya, “Woyi hee! Mwanangu! Wayitamisa nhumbula yangu! Nhawule 'lu nagwe wamhela wusungu wono winha wuwu? Hambi no muyago, nha nihuwiza kuli Muwaha Mulungu, nane hamba sinosuma kubena wihuwizo wuwo!”

Walamuzi 20:23

Wakamuwuza Muwaha Mulungu wakutya, “Wule ciwuyajile kanyhi, cikehome ne wandugu zetu wa Wabenyamini?” U Muwaha Mulungu yakawapitula yakawatya “Heya mubite.” Lulo wasilikale we ci Isilayeli wakekamiliza mu mitima yawo, wakawa kuwatandalika wasilikale wawo bahalya du nha vyono wali wawatandalice ha lulongozi.

Walamuzi 20:26

Lulo kanyhi wanhu wa Isilayeli wakatuluka wakabita ku Beteli, wakalila ko wukalale wuwaha muno muno hali Mulungu. Wakaceha baho hali Muwaha Mulungu hamba siwalya cinji sunga likaswa. Wakalavya hali Muwaha Mulungu cilavywa co mulamu, hamonga ne cilavywa cinyanywe.

Walamuzi 21:2

Hobaho Waisilayeli wakawa kubita ku Beteli no kwikala baho hali Mulungu, sunga lizuwa likaswa. Wakenula mazi gawo kwe vilungo wakulila no kukalala muno, wakutya,

1 Samwili 4:12

Munhu yunji mulawa mu mulango wa Benyamini, yakawa kumangha ku wulawilila kwi'wanza lyo wulugu, sunga ku Shilo, nayo yakafika kuko ku Shilo mwi'zuwa lililya du. Yakawa kuyidemulanga myenda yono yali yayivwalile, yakeyitila ne manghundi mu mutwe wakwe, ho yalajile wukalale no wusungu wono yali yena nawo.