Yoshuwa 7:2 - Luganuzi Luswanu Kuli Wanhu Wose 2002

² Hobaho Yoshuwa yakatuma wanhu wulawa ku Yeliko wabite ku Ayi, likaya lyono lyali lili kulubavu lwa kucilima lwa Beteli, behi na Betaveni, wena no wulajilize, wabite wakayitandile yisi. Nawo wali kuyiwona,

Yoshuwa 7:2 ပူးပေါင်းရင်းမြစ်များ

Mwamulizo 12:8

Hanyuma Abulamu yakawa kutuluka, yakawa kubita mu matunda ga ku lubavu lwa kucilima ye Beteli. Nayo yakawa kulikoma lihema lyakwe kuko, haciligati. Likaya lye Beteli yakulilanga ku lubavu lwe mwezi, likaya lya Ayi nalyo, yakulilanga ku lubavu lwe cilima. Naho baho, Abulamu yakamuzenjela u Muwaha Mulungu cikumbicilo, yakamuhemba.

Mwamulizo 28:19

Yakawa kuhacemela hanhu baho, litagwa Beteli. Ninga ilitagwa lilongozi lye hanhu baho, hacemwaga Luzu.

1 Watemi 12:29

Nayo yakawika cihwani ca ndama monga ya zahabu ku Beteli, ne cihwani ce ndama nzagwe naco, yakaciwika ku Dani.

Nehemiya 11:31

Nawo i wanhu wo mulango wa Benyamini, wekalaga ku Geba, na ku Mikimashi, na ku Ayi, na ku Beteli, na mu vitumbi, vye behi behi ne matumbi gago.

Zimbazi 20:18

Weze kuzibocela zinghani ziswanu, holeka nagwe komoteswa. Ninga wulece kwinjila caka mu wulugu, lono wukali nehwesa viswanu.

Zimbazi 24:6

Hamonga na zizo, yikunojeye wiwikanize viswanu, lono wukali si nenjila mu wulugu. Na mu nghango vyono kosuma kuwubocela wulanjizwe, yo nghango yono yokupela wusume.

Isaya 10:28

I walugu wali wakondya kulisola likaya lya Ai! Wakawa wakolela mu Migiloni! Wakavileka vinhu vyawo ha Mikimashi!

Yelemiya 49:3

Nanye nyo wanhu wa ku Heshiboni mulile! Mweze kulila mukutya, Ayi yakondya kongomezwa! Nanye nyo wacekulu wa ku Laba, mulile! Mwivwikaje magunila muwe kulila, akuno mukumangha ako na ako. Hambi u mulungu wenyu Moleki, nha kolosolwa yategulwe ku wuhamywe, hamonga ne wakohani wakwe ne wawaha wayo.

Hoseya 4:15

Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi.

Matayo 10:16

“Alu ane nghumutumenyi anye, kotya zingholo muciligati ye maminzi. Holeka muweze wasugu nha vyono zinha zinzoka, ninga kanyhi muweze wapolo nha vyono zinha zinziwa.

Waefeso 5:15

Ale mwilanjililaje mu mikalile yenyu. Mulece kwikala nhe walele, langa nha we mahala.

Yoshuwa 12:9

I wanhu wa Isilayeli wakawasuma i watemi wa mu makaya aga gono getyatizye: Yeliko, na Ayi, (behi na Beteli.)

Yoshuwa 18:12

No lubavu lwa kusumuka, u mupaka wawo wali wulawiliye ha Yoludani, wukakolela mu nhenenhuko yo lubavu lwa kusumuka ya Yeliko, na ku lubavu lwa kumwezi, wukakolela mu yisi ye matunda, sunga wukadumiliziza mu nyika ya Betaveni.

Yoshuwa 2:1

Baho Yoshuwa mwana wa Nuni, yakawatuma watandizi wejete ku wulawilila baho ha nghambi ya Shitimu, ho wabite cinyele wakayitandile yisi ya Kanani, na ko muno likaya lya Yeliko. Nawo wali weza kufika mwi 'kaya, wakenjila mu nyumba yo mucekulu musenyha, mono yacemwaga Lahabu, wakagona baho.

Yoshuwa 7:3

wakawuya wakamulonjela Yoshuwa wakatya, “Hasina soko yo kuwategula wasilikale wenji, wabite wakayihome Ayi. Langa wutegule wanhu elufu nyejete hamba elufu yidatu du. Wulece kutegula wasilikale wose wakehome, hambi cikaya cico nha cidodo du.”

1 Samwili 13:5

Nawo Wafilisiti wakawa kwikonghola ho wehome ne wa Isilayeli. Wafilisiti wakawa wena matuka go wulugu elufu makumi madatu, ne wasilikale wapanda fwalasi, elufu mutandatu, ne wasilikale wenji muno muno kotya musawawa wa mwilenga. Ale, Wafilisiti wakawa kubita kusimya nghambi yawo ku Mikimashi, ku cilima ye Beti-aveni.

1 Samwili 14:23

Wakawahomanga nzila yose, sunga wakawafisa ko ku Betehaveni. Muwaha Mulungu yakawaponya Waisilayeli mwi'zuwa lilyo.

1 Samwili 30:27

Yakawagawila sunga ne wanhu wa ku Beteli, na wa ku Lama, wa ku lubavu lwa kutakama lwe yisi ya Yuda, sunga na kuli wanhu wa mu vikaya vya Yatili, na