Yoshuwa 7:1 - Luganuzi Luswanu Kuli Wanhu Wose 2002

¹ Lilajilizo lyo Muwaha Mulungu kuli Waisilayeli, lyono yawatya, walece kusola cinhu cocose ca mwikaya lya Yeliko, cono cali cinojeye congomezwe, wene Waisilayeli wakalibena. Kwali na munhu yunji, mono yacemwaga Akani, yo yalibena lilajiizo lilyo. Holeka u Muwaha Mulungu yakawakolelwa muno likuwo Waisilayeli. (Yuyo Akani, yali mwana wa Kalimi, kanyhi yali mwizukulu wa Zabudi, we mhuga ya Zela, mono kulubavu lunji, yali wo mulango wa Yuda.)

Yoshuwa 7:1 ပူးပေါင်းရင်းမြစ်များ

Mwamulizo 34:27

Nawo wali weza kukondya kuwawulaga, wakaza wana wanji wa Yakobo, nawo wakenjila mwi'kaya wakawa kupumha zisawo, ku soko vyono lumbu lyawo yali yahodangwa.

2 Samwili 24:1

Muwaha Mulungu, yakawakolelwa likuwo kanyhi Waisilayeli, yakawa kumunoza Dawudi yawagaze. Muwaha Mulungu yakamulonjela Dawudi yakatya, “Alu wubite wukawawale wanhu wa Isilayeli na wa Yuda.”

2 Watemi 5:24

Ninga wali weza kufika mwi'tunda mono yekalaga Elisha, Gehazi yakawa kusola yi yilya mifuko myejete ya fweza, yakawa kuyinjiza mu kaya. Yakawa kuwakombola i wetumami wa Naamani wawuye kwawo.

1 Zinghomo 21:7

Nayo Mulungu, nghani yiyo yo wuwala wanhu, yikamukalaza muno, holeka yakawalipiciza Waisilayeli.

2 Zinghomo 24:18

Na ku wulawa baho, i wanhu wakawa kupela ku wubita kuhemba ku Nyumba yo Muwaha Mulungu, u Mulungu we walezi wawo, wakawa kwanza kuhemba vihwani, hamonga ne cihwani co mulungu we cicekulu Ashela. Na ku soko yo wubi wuwo, likuwo lyo Muwaha Mulungu likawaziza wanhu wa Yuda na Yelusalemi.

Ezila 9:6

Nghawa kumulomba nghutya, “Gwe Muwaha Mulungu, ane nghwiwonela cevu muno hamba kukwinulila ne meso gangu. Hambi wubi wetu nha wacila muno. Nawo wonjelecela sunga ko ku wulanga.

Jobu 35:8

Langa u munhu muyago yo katamiswaga no wubi wako, ne ziswanu zono kuzitumaga, zimupelaga wutazi.

Muganuzi 9:18

Holeka ku wuwa ne mahala, kuswanu muno, kucizize u witumbila vitwalo. Ninga hamba nhavivyo, u munhu mubi yumonga, kahodangaga nyinji ziswanu.”

Danyeli 9:7

Gwe go Muwaha Mulungu, agwe yo gwegwe mono kwitumaga nhondo zose ze ling'ani. Ninga ase yo ciyiletelaga cevu nhondo zose sese co weneco du. Na yiyi yo nghani ya mbeka kuli sese wose mono cikaye mu Yuda na mu Yelusalemi, sunga na kuli Waisilayeli wose, wono waweyagaziza mu ma'si ge behi na go kutali, vyono wali si wehuwilwa kuli'gwe.

Walawi 10:6

Hanyuma Musa yakamulonjela Haluni hamonga ne wanagwe, Eleyezali na Itamali, yakawatya, “Mulece kuzileka zimvwili zenyu zikale si swamule, hamba mulece kuyidemulanga myenda yenyu muwe kulajila vyono mwina cililo. Vyono hono munoze nhavivyo du, mofwa, kanyhi moleka no Muwaha Mulungu yawakolelwe likuwo mhuga yose. Langa wayenyu Waisilayeli wose wakomboywe, wasumile kulila ku soko ye lifwa lili, lyono liletigwe no moto, wono Muwaha Mulungu yawugumiye.

Yona 1:7

Wono wali wali mu ngalawa, wakalongana weneco wose wakutya, “Muze cipugule, cimumanye mono yakucambuza cinjile mu mbali yiyi.” Wali weza pugula, mhugu yikamugwila Yona.

Yoshuwa 22:16

Wakawa kuwalonjela wakutya, “Mhuga yose ye Waisilayeli, wakumuwuzenyi wakutya, socici mwetuma yisutya lyono linha lili, kuli Mulungu wa Isilayeli? Hambi nha mwamubeza Muwaha Mulungu so wizenjela nyo weneco cikumbicilo! Alu mwamugaluka!

Yoshuwa 22:18

Alu kanyhi mwagaluka no kulema kumutyatya? Na hono mumuleme Muwaha Mulungu zuwalili, u mwene nayo i mitondo, kowakolelwa yikuwo yiwaha muno wanhu wose wa Isilayeli.

Yoshuwa 22:20

Kanyhi mukumbucile za Akani u mwana wa Zela, lono yalema kutyatya lilajilizo lya kuli vinhu vyo mwiko. Ne mhuga yose ya Isilayeli yikalipicizwa so lisutya lyakwe. Kanyhi Akani hamba si yafwa yali wene so lisutya lyakwe.”