Yoshuwa 6:2 - Luganuzi Luswanu Kuli Wanhu Wose 2002

² Muwaha Mulungu yakamulonjela Yoshuwa yakamutya, “Alu neza kukupela likaya lya Yeliko, no mutemi wayo, hamonga ne wasilikale wayo.

Yoshuwa 6:2 ပူးပေါင်းရင်းမြစ်များ

2 Samwili 5:19

Dawudi yakamuwuza Muwaha Mulungu yakatya, “Nosuma kubita nghawahome Wafilisiti? Wule komhela wusume hono mbite?” Nayo Muwaha Mulungu yakamutya, “Heya wubite, nane nokupela wusume!”

Nehemiya 9:24

Wakayisuma ysi ya Kanani. Nagwe wukawawusa ne wanhu wono wekalaga mumo. Wukawapela wanhu wako vilungo, ho wetuma nha vyono wasakaga weneco, kuli wanhu ne watemi wa Kanani.

Danyeli 2:21

Umwene kakawanizaga vidaha ne mapango. Kawawikaga no kuwawusa watemi. Yo mwene mono kawapelaga wanhu wumanye no wizuce.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Wukumbucize wo Wulajilize 7:24

Muwaha Mulungu komukombolelenyi watemi wawo wose. Nanye muwawulaje, nawo wawe kusemwelwa lukulu. Hasina hamba yunji wowose mono kosuma kumwimilenyi, langa sunga kolo mwawongomezeza wose lukulu.

Yoshuwa 12:9

I wanhu wa Isilayeli wakawasuma i watemi wa mu makaya aga gono getyatizye: Yeliko, na Ayi, (behi na Beteli.)

Yoshuwa 2:24

Wakatya, “Mbeka cina witumbilo vyono Muwaha Mulungu yakondya kucipela yisi yiyilya yose. Hambi i wanhu wose wa mu yisi yiyo, nha wakucicima, kanyhi wakucogopa muno muno.”

Yoshuwa 2:9

yakawalonjela yakawatya, “Ane nakondya kumanya nha vyono Muwaha Mulungu yakondya kumupenyi yisi yiyino. Hambi woga wuwaha nha wakondya kuwenjila wanhu wose wa mono yisi yiyi ku soko yenyu.

Yoshuwa 20:1

Hanyuma Muwaha Mulungu yakamulonjela Yoshuwa,

Yoshuwa 6:1

Baho malango ge likaya lya Yeliko, gekalaga madindwe, kanyhi galanjililwaga muno muno, ho Waisilayeli walece kwinjila. Kukawa kusina mono yakwinjila hamba kulawila mwi'kaya.

Yoshuwa 6:3

Mulimo wenyu'nye wowa kulipilima likaya du vilo vyose kamonga kamonga mu vilo mutandatu.

Yoshuwa 8:1

Muwaha Mulungu yakamulonjela Yoshuwa yakamutya, “Alu wusole wasilikale wose, mubite mukalihome likaya lya Ayi. Mulece kogopa hamba kwihwelela mu zinhumbula zenyu. Ane nomupelenyi wusume, nanye momusuma du mutemi wa Ayi, hamonga ne wanhu wakwe, ne likaya, ne yisi yose, yowa yenyu nyenye.

Walamuzi 11:21

Ninga u Muwaha Mulungu, u Mulungu we Waisilayeli, yakamusuma Sihoni hamonga ne lipuga lyakwe lye wasilikale. Na ku soko yiyo, Waisilayeli wakayisola yisi yose ye Waamoli wono wekalaga mumo.

Walamuzi 11:24

Alu, wule! Wukusaka wuyisole kanyhi yisi yako? Agwe wikalaje du na cico cono mulungu wako Cemoshi yakupelile. Ase nase, cokwikala ne vinhu vyose vyono u Muwaha Mulungu, u Mulungu wetu yacipelile.