Yoshuwa 5:1 - Luganuzi Luswanu Kuli Wanhu Wose 2002

¹ Nawo i watemi wose we Waamoli wa ku lubavu lwa kumwezi ya Yoludani, ne watemi wose we Cikanani, wono wekalaga mu mwalambalo we lilenga lya Meditelaneya, wali weza kuhulika nha vyono Muwaha Mulungu yalinyaza likolongo lya Yoludani, sunga i Waisilayeli wose wakalowoka hakavu. Hobaho wakenjilwa no woga wuwaha muno mu zinhumbula zawo ku soko ye Waisilayeli.

Yoshuwa 5:1 ပူးပေါင်းရင်းမြစ်များ

Mwamulizo 12:6

Mwene Abulamu yakakolela haciligati ye yisi, yakawa kubita sunga ko ku Shekemu, i hanhu hono helile, hanhu hono ho wuli no mubici wo munghola wa Mole. Na mu vilo vivyo, Wakanani wo wali wekaye mu yisi yiyo.

Mwamulizo 48:22

Ninga muli zose, ane nghupela gwegwe yisi yose ya mu matunda yono nawaboka Waamoli ko mumaje na ko wupinde wangu, hamba si niwapelile wawahazo yaye.”

2 Samwili 21:2

(I wanhu wa ku Gibeyoni si wali Waisilayeli, langa wali wali cipuga cidodo du ce Waamoli, wono Waisilayeli wehuwiza nha vyono wowadima. Ninga Sawuli yakasaka yawongomeze, ku soko yo wivu wakwe, kuli wanhu wa Isilayeli ne wanhu wa Yuda.)

1 Watemi 10:5

Yakayiwona ne ndigwa yono Solomona yatenjelagwa ha meza, ne zikaya ze wetumami wakwe, hamonga no wityatye wa zose zono zetumwaga ne wetumami wa mwi'kulu, e vivwalo vyono wavwalaga, ne wetumami wono wamutenjelaga zindigwa mu mapango ge zi sikukuu, hamonga ne makumbiko gono yalavyaga mu Nyumba yo Mulungu. Yali yeza kukondya kuziwona zizo zose, yakezina muno muno ne nhumbula yakwe yikazima.

Ezila 9:1

Zizi zali zeza kukondya kwituma, wanji wa muli walongola wa Isilayeli, wakanyiziza no kunonjela vyono, i wanhu hamonga ne wakohani ne Walawi, siwasuma kwisiwanula ne wanhu we zi'si zono zali ziwapilime, ze Waamoni, Wamowabi, Wamisili hamba Wakanani, Wahiti, Wapelizi, Wayebusi, ne Waamoli. Wajendelela kwituma wubi wono i wanhu wawa wetumaga.

Zabuli 135:11

Sihoni, mutemi we Waamoli, na Ogu mutemi wa Bashani, sunga ne watemi wose wa mu Kanani.

Wutuluce 23:28

Nowaletela woga nhinicizo, nowawinga Wahivi, Wakanani ne Wahiti.

Isaya 41:5

“Ne wanhu wose we zi'si zo kutali, nha wakondya kuziwona zono netuma. Alu nawo wenjilwa no woga, wakucicima so woga. Holeka nawo luno, wekonghola no kuza.

Ezekiyeli 16:3

Wuyilonjele Yelusalemi zono u Muwaha Mulungu yakuyilonjela yakutya, ‘Agwe Yelusalemi, u wimo wako no lulelo lwako, walawa mu yisi ya Kanani. U sogo yali Mwamoli, u nyina yako yali Muhiti.

Ezekiyeli 21:7

Nawo kolo wakukuwuza wakutya, nhawule lu wukugula, nagwe wuwalonjele nha vyono, wukugula ku soko ye zinghani zono zikuza. Na kolo zinghani zizo zikuza, i zinhumbula zawo zolomema woga, ne miwoko yawo yolonyenyanjika, no wusugu wawo wose wolomalika, ne mafugamilo gawo golocicima. Ne lipango lilyo lyaza, lyakondya kufika.” Vyo yakutya Muwaha Mulungu.

Danyeli 5:6

Hobaho wusu wakwe wukasininghala so woga, ne mafugamilo gakwe gakanza kucicima.

Amosi 2:9

“Holeka, 'nye nyo wanhu wangu, ku soko yenyu, yo yaleka nane nghawongomeza lukulu Waamoli, wanhu wono wali watali kotya mibici ye mihagata, kanyhi we vilungo kotya mibici ye minghola.

Wuwale 13:29

Nawo Waamaleki wekaye ku lubavu lwe takama ye yisi. Nawo Wahiti ne Wayebusi hamonga ne Waamoli, wekaye mu yisi ye matunda. Nawo Wakanani, wekaye mu mwalambalo we lilenga lya Meditelaneya, na ku lubavu lwe likolongo lya Yoludani.”

Yoshuwa 17:12

Ninga hamba nhavivyo, i wo lulelo lwa Manase, siwasuma kuwawinga wanhu wono wekalaga mu makaya gago. Holeka Wakanani wakajendelela kwikala mumo.

Yoshuwa 17:18

Yisi ye matunda yowa yenyu. Hamba yiwe nha mbago, ninga 'nye motemanga no kwitujila wikalo mumo, wulawilila ku mhelo ayino, sunga ko kumhelo nzagwe. Mowawinga Wakanani hamba wawe wena matuka go wulugu ge vyuma kanyhi wali vilungo.”

Yoshuwa 24:15

Na hono muwe si mukusaka kumwitumamila Muwaha Mulungu, ale muhagule zuwalili, mono momwitumamila. Hamba moyitumamila i milungu yono walezi wenyu wayihembaga ku Mesopotamiya, hamba milungu ye Waamoli wono na mu yisi yawo mo mwikaye. Langa ane na wa mu nyumba yangu, comwitumamila Muwaha Mulungu.’ ”

Yoshuwa 3:16

hodu malenga gakaleka kuhuluma, gakawa kwima nhe'jinji kutali ku ndawililo ye likolongo, ha Adamu, likaya liwaha lye behi na Zaletani. Ne malenga ga kono sika, gono genjilaga mwilenga lyo mwino, gakahuluma gose, ne likolongo likanyala, ne wanhu wakalowoka hakavu, wakalowocela behi na Yeliko.

Yoshuwa 3:17

Lono wanhu walowokaga likolongo wakujenda hakavu, i wakohani nawo wali wemile muciligati ye likolongo lya Yoludani mu muhangha mukavu, akuno walidinghuye ne Lisanduku lye Cilagane, sunga lono i wanhu wose wali wakondya kulowoka.

Wugubule 18:10

Nawo wolowa wemile kutali muno, wakugogopa i magazo gakwe, akuno wakutya, “Woyi he! Woyi, he kuli'gwe go Babiloni, i likaya litambule, kanyhi lye vilungo! Mwidaha lya saa monga du, u wulipicizwe wako wakondya kukuziza.”

Walamuzi 1:1

Ale lono Yoshuwa yali yafwiza, wanhu wa Isilayeli wakamuwuza Muwaha Mulungu wakatya, “U mulangoci wa muli milango yetu, wono wolongolela ho vikehome ne Wakanani?”

Walamuzi 11:23

Vyali vyo vilungo vyo Muwaha, Mulungu, u Mulungu wa Isilayeli, mono yawawinga Waamoli, ku so wanhu wakwe Waisilayeli.

Walamuzi 3:3

Wono wasigazwa mu'si wali wo awalya wa mu makaya mahano ga Wafilisiti, ne Wakanani wose, Wazidoni ne Wahiti wono wekalaga mu matunda ga Lebanoni ku wulawilila mwi'tunda lya Baali-helemoni sunga mu mwejelele wa Hamati.

Walamuzi 4:2

Nayo Muwaha Mulungu, yakawa kuwatajila mu miwoko ya Yabini u mutemi we Wakanani, mono yali yatemile likaya lya Hazoli. Mulongola we wasilikale wakwe yacemwaga Sisela mono yekalaga Halosheti-hagoyimu.

1 Samwili 25:37

Ale, wugale waza kuwuka, nhondo Abijeli ho yakawa kumuloloseza zinghani zose. Nayo Nabali yali yeza kuzihulika zizo, yakatinuka muno muno, yakatuga wutamwa wo kudejepa muwili wose.