Yoshuwa 4:9 - Luganuzi Luswanu Kuli Wanhu Wose 2002

⁹ Yoshuwa nayo yakawika mabwe yikumi na mejete haciligati ya Yoludani bahalya hono i wakohani wali wemile akuno walidinghuye ne lisanduku lye cilagane. (Ne mabwe gago, gakali gali baho sunga nalu.)

Yoshuwa 4:9 ပူးပေါင်းရင်းမြစ်များ

Mwamulizo 26:33

Nayo Isaka yakalicemela lisima lilyo, litagwa lya Shiba, holeka ne litagwa lye likaya lilyo, nalyo yo Belisheba sunga nalu.

Mwamulizo 28:18

Yakobo yakawa kwilawa kwinuka hakali mitondo muno muno, yakawa kulisola libwe lililya lyono yali yehegame ku mutwe wakwe, yakawa kulisimya nhe sumbili. Hanyuma yakawa kulisiwanula ko kulijidila mafuta.

2 Samwili 4:3

I Wabeloti wanya wu'si, wali wakondya kutiziza ku Gitayimu, kono wekaye sunga nalu.)

1 Watemi 18:31

Yakasola mabwe yikumi na mejete, kwi walo lye milango ye wana yikumi na wejete wa Yakobo, mono Muwaha Mulungu yamupela litagwa lya Isilayeli.

2 Zinghomo 5:9

Ninga mabici go kulidinghulila Lisanduku vyono gali matali, holeka gasumaga kwijela kuli munhu wo wose mono kokwima vidomile no mulango we Hanhu Hono Helile, Helile muno. (Ne mabici gago, gakali gali baho sunga nalu).

Wutuluce 24:12

Muwaha Mulungu yakamulonjela Musa yakatya, “Musa, wuze kono kwangu mwi'tunda kucanyha, na lono wuli ku kuno, ane nokupela mbawo nyejete za mabwe, zono zandicigwe malajilizo gangu gose gono nagandika, ho niwejize Waisilayeli.”

Wutuluce 28:21

Na ho baho, howa na vibwe yikumi na vyejete, vyono vyandicigwe matagwa yikumi na mejete, ge wana wa Yakobo, citanjilo ce milango yikumi na myejete ye Waisilayeli.

Matayo 27:8

Holeka ku soko yiyo u mugunda wuwo, wukucemwa, mugunda we sakami.

Matayo 28:15

Nawo i walindilizi wawo wakazibocela i zipesa zizilya, wakanoza nha vyono wafundwa. Ne nghani yiyo, yikatandala kuli Wayahudi sunga nalu.

Wukumbucize wo Wulajilize 34:6

Muwaha Mulungu yakawa kumuzika Musa mwi'lolo mu yisi ya Mowabu, vidomile ne likaya lya Betipeyoli. Ninga sunga nalu, hasina munhu wo wose mono yahamanyile i hanhu baho hono Musa yazikwa.

Yoshuwa 24:26

Yoshuwa yakagandika i malajilizo mu citabu co wulajilize co Mulungu. Yakasola ne libwe yiwaha, yakalisimya behi no mubici wo munghola, wono wali wuli behi na hono helile ho Muwaha Mulungu.

Yoshuwa 4:10

Nawo wakohani, wakajendelela kwima haciligati ye likolongo lya Yoludani du, sunga milimo yose yikakondya yono Muwaha Mulungu yali yamulajiliza Yoshuwa yawalonjele wanhu wayitume. Na zizi zo Musa yali yalajilize kuli Yoshuwa. Baho wanhu wose wakeyoha mbela mbela wakalilowoka likolongo.

Walamuzi 1:26

U munhu yuyo yakabita sunga ko ku yisi ye Wahiti, kuko, yakazenga likaya yakalicemela litagwa lya Luzu. Lyono sunga nalu likali likucemwa Luzu.

1 Samwili 30:25

Dawudi yakawuwika wulajilize wuwu, nawo wukajendelela kwibatwa ne Waisilayeli sunga nalu.

1 Samwili 7:12

Baho Samwili yakasola yibwe, yakalisimya hagati ya Mizipa na Sheni, yakatya, “U Muwaha Mulungu kacitaza mu nzila yose.” Holeka yakalicemela litagwa lya Ebene-zeli. Nhunizo yayo Libwe lyo wutazi.