Yoshuwa 4:6 - Luganuzi Luswanu Kuli Wanhu Wose 2002

⁶ Mabwe gaga cowa cikumbucizo kuli wanhu, muli zono Muwaha Mulungu yazitumile. Na mu vilo vyono vikuza, i wana wenyu hono wawe kumuwuzenyi, vyono i mabwe gaga gena nhunizoci kuli'nye,

Yoshuwa 4:6 ပူးပေါင်းရင်းမြစ်များ

Zabuli 44:1

Gwe go Mulungu, ase cihuliciye mu makutu getu sese co weneco, i walezi wetu wacilonjeye ze metumo mawaha, gono wagetuma mu vilo vyawo, heya, metumo gono wagetuma baho katali.

Zabuli 71:18

Wulece kundecela lukulu 'gwe go Mulungu, hamba niwe nawa nili mukombi nina ne zimvwi, sunga langa kolo nakondya kuwalonjela ze vilungo vyako, wanhu wo lulelo lono lukuza.

Wutuluce 12:14

Nanye molisiwanula lizuwa lilino, liwe sikukuu yo wuhembi, yono yojendelela kumukumbucizenyi zono nizitumile ane no Muwaha Mulungu. Holeka mojendelela kuyibata sikukuu yiyi mu vilo vyose vyono vikuza.”

Wutuluce 13:14

Na mu vilo vyono vikuza, hono mwanago yakuwuze yawe kutya alu citanjilo cici cina nhunizoci, nagwe komupitula wuwe kutya, “Muwaha Mulungu yaciwusa ase mu yisi ya Misili kwe vilungo vyakwe viwaha, i hanhu hono ase cali cili wawanda.

Wutuluce 13:9

Ne citanjilo cici, cowa cikumbucizo, kanyhi cowa nha cinhu cono mwibate mu miwoko yenyu, hamba cono cijeye ha meso genyu. Naco comukumbucizenyi ho mujendelele kuwukamisa no kuwusoma wulajilize wo Muwaha Mulungu. Hambi Muwaha Mulungu nha yo yamuwusenyi anye mu yisi ya Misili kwe vilungo vyakwe viwaha.

Wutuluce 31:13

“Wuwalonjele wanhu wa Isilayeli wuwatye nhavi, ‘Mweze kuzikamisa Sabato zangu mu zindelo zenyu zose, nha cinji i vilo vyo kuceha.’ Hambi zi Sabato zizo, nha co citanjilo hagati yenyu na nene. Vyono yo nene no mweneco du, mono nosuma kumwezenyi.

Isaya 38:19

Langa i womi wo wakulumbaga. Nha vyono nane luno nghukulumba. Nawo walezi, wawalonjelaga wana wawo zo wihuwilwa wako.

Isaya 55:13

I mibici nayo yolocindika yihomele hono ho gali mabijili, nago mapangalale golocindika gahomele hono ho gali mamivya. Naco cico co colowa citanjilo cono colokwikala cibitilila, colowa co cikumbucizo ca zono ane no Muwaha Mulungu nakondya kuzitumama.”

Ezekiyeli 20:12

Kanyhi nghawawicila no wibate we mazuwa ge Sabato, ciwe citanjilo hagati yetu ane na wene. Ho wamanye vyono, ane yo nene mono nghuweza.

Ezekiyeli 20:20

Muyezaje Sabato yangu, ho ciwe co citanjilo ce cilagane cetu cono canoza, kanyhi ho ciwe co cikumbucizo kuli'nye, nha vyono ane, yo nene u Muwaha Mulungu, u Mulungu wenyu.

Wuwale 16:38

Hambi nha vyezwa du, lono vyali vyeza kuletwa ha cikumbicilo co Muwaha Mulungu. Holeka lu, wuvisole vifusizo vivyo vye wanhu wawo wono wawulagwe so wubi wawo, wuvityane viwe nha vibati, ho vitumamilwe so wugubika cikumbicilo. Ne nghani yiyi yowa suguzi kuli Waisilayeli.”

Metumo ge Watumwa 2:39

Hambi wihuwizo wuwo nha wehuwizwa ku soko yenyu, na ku soko ye wana wenyu, na ku soko ya wose wono wali kutali, na kusoko ya wo wose walya wono Muwaha Mulungu kowacemela kwakwe.”

Wukumbucize wo Wulajilize 11:19

Kanyhi muwejize ne wana wenyu. Mweze kuziduwila ze malajilizo gaga, lono muli mu zikaya zenyu, hamba lono muli hanhu ho hose, hamba lono mucehile, hamba lono muli mu milimo yenyu.

Yoshuwa 22:27

Langa ase canoza nhavivyo, ho wuwe wuhomelezi hagati ye wanhu wetu ne wanhu wenyu. Hamonga ne zindelo zono zokuza. Nha vyono mbeka, cikuwa kumuhemba Muwaha Mulungu, he 'Hema lyakwe lyono Lyelile, hamonga ne vilavywa vyetu vinyanywe, hamonga ne malumbo ne vilavywa vyo mulamu. Ayi cayituma du ho yiwalajile i wana wenyu wamanye, ho walece kuwalonga i wana wetu wawe kuwatya wasina cono wetuma hali Muwaha Mulungu.

Yoshuwa 4:21

Yakawalonjela i Waisilayeli yakawatya, “Mu vilo vyono vikuza, lono i wana wenyu wawe kumuwuzenyi ze mabwe gaga vyono gena nhunizoci,

Yoshuwa 4:5

yakawatya, “Alu mwinjile mu Yoludani sunga haciligati, ha mwande ye Lisanduku lye Cilagane lyo Muwaha Mulungu, u Mulungu wenyu, mudinghule yibwe limonga limonga mu mawega genyu, nha vyono linha liwalo lye milango yenyu yikumi na myejete ye Waisilayeli.