Yoshuwa 3:8 - Luganuzi Luswanu Kuli Wanhu Wose 2002

⁸ Wuwalonjelaje ne wakohani wono walidinghuye Lisanduku lye Cilagane, vyono, kolo weza kufika he kolongo, nhondo weme mu malenga behi ne nyenje ye likolongo.”

Yoshuwa 3:8 ပူးပေါင်းရင်းမြစ်များ

2 Watemi 2:6

Hanyuma kanyhi, Eliya yakamulonjela Elisha yakatya, “Gwe Elisha, agwe wikalaje bahano wunindile, ane Muwaha Mulungu kandajiliza mbite kwi' kolongo lya Yoludani.” Nayo Elisha yakamupitula Eliya yakatya, “Nane nghwilahiza nha vyono nimogopile Muwaha Mulungu mumi sunga na gwegwe, ane si nokuleka yaye.” Hodu wakawa kubitana wose hamonga,

2 Zinghomo 29:15

Nawo wanhu wawa, wakawa kuwakonghola i Walawi wayawo, wakawa kwiyeza wose. Hanyuma ho wakawa kubita ku Nyumba yo Mulungu, nha vyono mutemi yawalajiliza, ho wayeze nha vyono winha wulajilize wo Muwaha Mulungu.

2 Zinghomo 29:27

Hanyuma, mutemi Hezekiya, yakalajiliza vilavywa vinyanywe vyanze kulavywa. Ne vilavywa vyali vyeza kwanza kulavywa, i wanhu nawo wakawa wakwimba wakumukumya Muwaha Mulungu. Nawo i wembi, wakawa kwanza kutowa zindulele hamonga ne viya vyose vyo kwimbila.

2 Zinghomo 29:30

Hanyuma, mutemi hamonga ne walongola wose, wakawalomba Walawi wajendelele kwimba, wamwimbile Muwaha Mulungu zinyimbo zo kumukumya, zono zandikwa na Dawudi, na zono yazandika Asafu u muwizi. Ne wanhu wose wakemba na nyemo mbaha muno. Lono wali wakali wafugame, wakamuhemba Mulungu.

2 Zinghomo 30:12

Nayo Mulungu yakawapela Wayuda wose i nhumbula ye cihuliko kuli malajilizo go mutemi ne wawaha wakwe mu nghango yo wulajilize wo Muwaha Mulungu.

Nehemiya 13:22

Nghawalajiliza i Walawi weyeze, wanze no kuyilindiliza milango, ho walyeze lizuwa lye Sabato. Gwe go Mulungu, wunghumbucilile kanyhi na muli zizi, kanyhi wumbonele lusungu so wendo wako wuwaha.

Nehemiya 13:28

Yoyada yali mwana wa Eliyashibu u mukohani Muwaha, ninga mwanagwe monga, yakatola mwana we cicekulu wa Sanibalati ku wulawa ku Bete-holoni, hobaho nghamuwinga Yoyada yawuce ha Yelusalemi.

Wutuluce 14:13

Nayo Musa yakawapitula yakawatya, “Nye, wayangu, mulece kogopa ye! Mwime mukamile, nanye mowona vyono Muwaha Mulungu komuponyenyi izuwali. Nanye hamba si mowawonela lukulu kanyhi Wamisili wawa wono mukuwawona izuwali.

I Cililo 3:26

Holeka yowa nghani swanu kuli'se cimulindile ko wukangalizi, yaciponye.

Yoshuwa 3:17

Lono wanhu walowokaga likolongo wakujenda hakavu, i wakohani nawo wali wemile muciligati ye likolongo lya Yoludani mu muhangha mukavu, akuno walidinghuye ne Lisanduku lye Cilagane, sunga lono i wanhu wose wali wakondya kulowoka.

Yoshuwa 3:3

no kuwalonjela wanhu wakutya, “Kolo mukuwawona i wakohani walidinghula Lisanduku lye Cilagane lyo Muwaha Mulungu, u Mulungu wenyu, ale nanye muyikulaje nghambi mwanze kuwatyatya.

Yoshuwa 3:7

U Muwaha Mulungu yakamulonjela Yoshuwa yakamutya, “Zono nokwituma zuwali, zo zowalajila i wanhu wose wa Isilayeli, ho wanze kukumanya nha vyono, agwe Yoshuwa wuli munhu we lilumbo, nawo wakupele cogopo. Kanyhi ho womanya vyono mbeka nili hamonga nagwe nha vyono nali nili hamonga na Musa.

Yoshuwa 3:9

Hobaho Yoshuwa yakawalonjela wanhu yakawatya, “Ale muze muhulicize zono Muwaha Mulungu, u Mulungu wenyu yakulonga.

Yoshuwa 4:11

Kukawa lono wose wali wakondya kulowoka ku nhumbi nzagwe, wakohani nawo wono wali walidinghuye Lisanduku lye Cilagane lyo Muwaha Mulungu, wakalongola kumwande ye wanhu.