Yoshuwa 3:7 - Luganuzi Luswanu Kuli Wanhu Wose 2002

⁷ U Muwaha Mulungu yakamulonjela Yoshuwa yakamutya, “Zono nokwituma zuwali, zo zowalajila i wanhu wose wa Isilayeli, ho wanze kukumanya nha vyono, agwe Yoshuwa wuli munhu we lilumbo, nawo wakupele cogopo. Kanyhi ho womanya vyono mbeka nili hamonga nagwe nha vyono nali nili hamonga na Musa.

Yoshuwa 3:7 ပူးပေါင်းရင်းမြစ်များ

1 Zinghomo 29:25

Nayo Muwaha Mulungu yakamukumya Solomona, ha meso ge Waisilayeli wose, yakamupela nhojo yono yilawiliciye muli watemi wose we Waisilayeli wono wamulongolela kutema muli Waisilayeli.

2 Zinghomo 1:1

Solomona u mwana wo mutemi Dawudi, yakekangaza mu wutemi wakwe. No Muwaha Mulungu, u Mulungu wakwe, yakamumotya, no kumunoza yawe ne vilungo vinji mu wutemi wakwe.

Jobu 7:17

Alu munhu ci cici, ho wumukumye? Ho waci waco, sunga wumwihwese mu nhumbula yako?

Zabuli 18:35

Kumhela ngula yako yo kumhonezya, no muwoko wako wo kulume wunyibate. No wutazi wako, wukumbilusa.

Yohana 17:1

Yesu yaza kukondya kulonga zizo, yakagalamila kucanyha ku wulanga yakatya, “Baba icidaha cafika! Ale wumukumyaje mwanago, nayo mwanago ho yakukumye.”

Wafilipi 1:20

U wuhile wangu no witumbilo wangu, ho ndece kulemwa mu wufisiliza u mulimo wangu, langa nojendelela kuwa na nhumbula yono yikamile mu mapango gose na ko muno mwipango lili, ho mu mikalile yangu yose, hono niwe nghali mumi hamba hono niwe nafwa, nimutujile Kilisito lilumbo.

Yoshuwa 1:17

Kanyhi cowa kukuhulika du nha vyono camuhulikaga Musa muli zose nhondo zose. Ale, u Muwaha Mulungu u Mulungu wako, yaweze hamonga nagwe nha vyono yali yali hamonga na Musa.

Yoshuwa 1:5

Kanyhi Yoshuwa, wumanye vyono kowa kusina hamba yunji wo wose mono kokusuma, sunga ko ku ndumo yo wikale wako. Nowa hamonga nagwe nha vyono nali nili hamonga na Musa. Nowa hamonga nagwe mu vilo vyose, hamba si nokuleka yaye.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Yoshuwa 3:6

Hanyuma yakawalonjela i wakohani walidinghule Lisanduku lye Cilagane, ho walongolele ku mwande ye wanhu. Nawo waketuma nha vyono yawalonjela.

Yoshuwa 3:8

Wuwalonjelaje ne wakohani wono walidinghuye Lisanduku lye Cilagane, vyono, kolo weza kufika he kolongo, nhondo weme mu malenga behi ne nyenje ye likolongo.”

Yoshuwa 4:14

Cinhu cono Muwaha Mulungu yetuma mwi'zuwa lililya, cawalajila wanhu Waisilayeli, wamanye vyono, kumbe Yoshuwa mbeka yali munhu we lilumbo. Holeka nawo ku wulawilila baho, hodu wakajendelela kumupela cogopo mu vilo vyose vyo wikale wakwe, nha vyono wamupelaga cogopo Musa.