Yoshuwa 3:4 - Luganuzi Luswanu Kuli Wanhu Wose 2002

⁴ Hambi i hanhu baha, nha mukali sinaza wulawa wulelwe wenyu, holeka wene wakohani wo womutonjenyi nzila. Ninga langa, mulece kulisejelela Lisanduku lye Cilagane. Hagati yenyu ne Lisanduku, mweze mulecile cilejeho ca kilometa monga.”

Yoshuwa 3:4 ပူးပေါင်းရင်းမြစ်များ

Mwamulizo 31:2

Nayo Yakobo, yakawona vyono sunga na Labani mweneco, yeza si yakumucelelela nha ha lulongozi.

1 Zinghomo 11:2

Ikatali, na lono Sawuli yali yakali yacitemile, agwe yo gwegwe mono wawalongoza Waisilayeli ku wulugu. No Muwaha Mulungu, u Mulungu wako, yakwihuwiza nha vyono yo gwegwe mono kowatonga wanhu, kanyhi kowatema.”

Zabuli 25:12

Munhu wo wose mono kamogopago Muwaha Mulungu, yuyo kokwijizwa no Mulungu inzila yo kutyatya.

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Wutuluce 19:12

Ninga wuwawicile wanhu mupaka, wupilimye litunda lyose. Kanyhi wuwasugule vyono, walecele lukulu kubita kwi'tunda kucanyha, hamba kupamiza mupaka wayo. No munhu wo wose mono kokwijelela du yalipamize litunda, ale munhu yuyo kowulagwa.

Wutuluce 3:5

Mulungu yakamutya, “Ale, wulanjilile, wulece kusejelela behi muno muno na baha. Wuvule malatu gako mu magulu gako, hambi bahano hono wimile, nha hanhu hono helile.

Wutuluce 4:10

Ninga Musa yakatya, “Ng'o Muwaha Mulungu, nghukunena wulece kunhuma nene, hambi waco'ne nha si nili mulonji, hamba nghali si nawa mulonji ku wulawa lono wamulila kulongana nane. Hambi ane nha nili muzito ku wulonje, nongaga nili mhola mhola, sunga no lulimi lwangu nalo luzito.”

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Isaya 48:17

Mulungu mono yelile wa Isilayeli, u Muwaha Mulungu mono yakumuponyenyi yakutya nhavi, “Ane yo nene Muwaha Mulungu, u Mulungu wenyu, u Mulungu mono yakuhila kumwijizenyi ziswanu, no kumutonjenyi nzila yono moyityatya.

Yoshuwa 3:3

no kuwalonjela wanhu wakutya, “Kolo mukuwawona i wakohani walidinghula Lisanduku lye Cilagane lyo Muwaha Mulungu, u Mulungu wenyu, ale nanye muyikulaje nghambi mwanze kuwatyatya.

Yoshuwa 3:5

Yoshuwa yakawalonjela wanhu yakawatya, “Ale mwiyezaje, hambi i mitondo, Muwaha Mulungu nha kolajila mapoto mawaha muli nyenye.”