Yoshuwa 3:16 - Luganuzi Luswanu Kuli Wanhu Wose 2002

¹⁶ hodu malenga gakaleka kuhuluma, gakawa kwima nhe'jinji kutali ku ndawililo ye likolongo, ha Adamu, likaya liwaha lye behi na Zaletani. Ne malenga ga kono sika, gono genjilaga mwilenga lyo mwino, gakahuluma gose, ne likolongo likanyala, ne wanhu wakalowoka hakavu, wakalowocela behi na Yeliko.

Yoshuwa 3:16 ပူးပေါင်းရင်းမြစ်များ

Mwamulizo 14:3

Ne watemi wawo wose wahano, wakawa kuwakongholela hamonga i wasilikale wawo wo wulugu mwi'lolo lya Sidimu, (wo wutya, i Lilenga lyo Mwino.)

1 Watemi 4:12

Bana, u mwana wa Ahiludi, yakapegwa makaya ga Tanaki, na Megido, sunga ne ma'si gose behi na Bete-shani, behi ne likaya lya Zeletani, ku lubavu lwa kutakama ye likaya lya Yezeleli, sunga ko kwi'kaya lya Abeli Mahola, ne likaya lya Yokemeyamu.

1 Watemi 7:46

U mutemi Solomona yavinozeza vinhu vivino vyose haciligati ya Sukoti na Zeletani, mwi'lolo lye likolongo lya Yoludani.

Zabuli 114:3

Lilenga lya Shamu lyaziwona zizo, likawa kutiza, likolongo lya Yoludani nalyo, likaleka kuhuluma!

Zabuli 114:5

Alu 'gwe go lilenga, ho yikawa wule, nagwe wukatiza? Nagwe, go likolongo lya Yoludani, nhawule lo nagwe wukaleka kuhuluma?

Zabuli 29:10

U Muwaha Mulungu yo yatemile lihwazi lye malenga Muwaha Mulungu yo mutemi, yatemile cibitilila.

Zabuli 33:7

Yagakongholela hamonga, malenga ge lilenga ne visolo vye lilenga, yakavidindila mu nyumba yo wuwiko we viya.

Zabuli 66:6

Mwene yalinyaza lilenga hakawa yisi nghavu, ne walezi wetu wakasuma kulowoka mumo, wakujenda kwa migulu, ale nase baho, cikawa kusecelela muno.

Zabuli 74:15

Agwe yo gwegwe mono wanoza mivwilo ne vikolongo, wukaganyaza i makolongo mawaha.

Zabuli 77:19

Wayiwika nzila yako mucanyha ye lilenga, wukajenda mwi'lenga liwaha, ninga nzayo zako hamba kwijela yaye.

Zabuli 78:13

Yalitemanula lilenga, yakawalowosa wene, yakaganoza malenga geme wima nhe lijinji.

Wutuluce 14:21

Musa yakawugolola muwoko wakwe mucanyha ye lilenga, nayo Muwaha Mulungu yakalikunya lilenga cilo cose ne mbeho mbaha ya kucilima. Mbeho yiyo yakukunza cilo cose sunga wukela, yikalitemanula lilenga hejete, ne yisi nghavu yikawa kwijela.

Wutuluce 14:22

Nawo Waisilayeli wakakola hakavu hagati ye lilenga, ne majinji ge malenga gakawa gemile ku lubavu lwawo lo kulume no lubavu lo kucekulu.

Wutuluce 14:29

Ninga Waisilayeli wapuluta hakavu hagati ye lilenga, lono malenga gali gemile kotya majinji ku lubavu lwawo lo kulume no lubavu lo kucekulu.

Wutuluce 15:8

Na ku soko yo wehele wa mu mhula yako, malenga gakelundika hamonga. Nago mawingo gakema wima kotya yijinji, ne visolo navyo vikajima mwi'lenga mugati.

Isaya 50:2

Alu so cici wanhu wangu si wanhuciza lono nawabitila ho niwaponye? Na so cici lo, na lono nawacemaga, hamba si wanyidika yaye? Hamba wakuwona ane nili musocele si nosuma kuwaponya lo? Alo wene si wamanyile nha vyono ndahile kulilajiliza lilenga linyale lwa kamonga, no kuganyaza makolongo, yiwe nyika, ne zisomba za mumo zifwe so wula malenga.

Ezekiyeli 47:8

Hanyuma u munhu yuyo yakanyitya, “I malenga gaga gakuhuluma gadomile ku lubavu lwa kucilima ye yisi, gakoleye mwi'lolo lya Yoludani, gakubita kwinjila mwi'lenga lyo mwino. Nago kolo genjila mumo mwi'lenga lyo mwino, gogapolofya gago malenga ga mwi'lenga lyo mwino gawe mapolo.

Nahumu 1:4

Nayo kalilajilizaga lilenga, nalyo liwa kunyala, kanyhi kanyazaga ne makolongo. Sunga ne migunda yono yili ku Bashani yiwa kunyala, ne litunda lya Kalimeli nalyo, liwa ne liwala nha lye mahanze gono ganyalile, ne maluwa ga ku Lebanoni gawa kuwomba.

Habakuki 3:8

Alo Muwaha Mulungu kwali ko gali makolongo gono gakaleka agwe wukolwe 'kuwo? Hamba kwali ko lili lilenga lyono likukozize agwe likuwo? Agwe wajendelaga mucanyha ye mavunde, mavunde gali yo mituka yako yo wulugu, lono wawaletela wanhu wako wusume.

Wuwale 34:3

Ku lubavu lwa kutakama, mupaka wowa mugazi wulawiliye mu nyika ya Zini, mu mupaka wa Edomu. Nawo wokwanziza ku lubavu lwe ndumilizo ya kutakama, ye lilenga lyo mwino kucilima yayo.

Wukumbucize wo Wulajilize 1:1

Mu citabu cici, mo mozili zinghani zono Musa yawalonjela wanhu wa Isilayeli lono wali wali mu nyika, kucilima ye likolongo lya Yoludani. Lulo, wali wali mwi'lolo lya Yoludani behi na Sufi, haciligati ye likaya lya Palani. Makaya ga Tofeli, Labani, Hazeloti, na Dizahabu, gali gali ku lubavu luyagwe.

Wukumbucize wo Wulajilize 3:17

Na ku lubavu lwe mwezi, yisi yawo, yali yibitile sunga ko kwi'kolongo lya Yoludani, ku wulawa kwi 'lamba lya Galilaya, ku lubavu lwe sumuka, sunga ko kwi'lenga lyo Mwino, ku lubavu lwa kutakama, sunga mo mu mwalambalo we litunda lya Pisiga ku lubavu lwe cilima ye litunda.

Yoshuwa 12:3

Yikahanguliza ne lilolo lya Yoludani, ku wulawilila kwi'lamba lya Galilaya, kulubavu lwa kutakama lwa Beti Yeshimoti, (kulubavu lwa kucilima ye Lilenga lyo Mwino) no kujendelela sunga ko ku nhenenhuko ye litunda lya Pisiga.

Yoshuwa 15:2

No mupaka wuwu wa kulubavu lwa kutakama, wali wulawiliye ku ndumilizo ye Lilenga lyo Mwino,

Yoshuwa 16:7

Hanyuma wukawa kutenenhuka ku wulawilila ku Yanowa sunga ku Ataloti na Nala hanyuma wukakolela ku Yeliko, wukadumila mwi'kolongo lya Yoludani.

Yoshuwa 3:13

Na kolo wakohani wono walidinghuye Lisanduku lye Cilagane lyo Muwaha Mulungu we yinze yose, wakukanyaga migulu yawo mu malenga du, likolongo lyoleka kuhuluma, ne malenga gono gakuza gakulawa ku ndawililo ye likolongo, gokwidumula geme nhe 'jinji hanhu hamonga.”

Yoshuwa 4:22

mowalonjela vyono, gakukumbuciza lizuwa lyono wanhu wa Isilayeli walowocela mwi kolongo lya Yoludani hakavu.

Yoshuwa 5:1

Nawo i watemi wose we Waamoli wa ku lubavu lwa kumwezi ya Yoludani, ne watemi wose we Cikanani, wono wekalaga mu mwalambalo we lilenga lya Meditelaneya, wali weza kuhulika nha vyono Muwaha Mulungu yalinyaza likolongo lya Yoludani, sunga i Waisilayeli wose wakalowoka hakavu. Hobaho wakenjilwa no woga wuwaha muno mu zinhumbula zawo ku soko ye Waisilayeli.

Walamuzi 7:22

Lono wanhu wa Gideyoni watowaga zindulele zawo. Muwaha Mulungu, yakawatajila wivyajizwe walugu, wakawa kwanza kwitemanga weneco wose ne mimaje yawo, wakawa kutiza wakamanyhila ku Zeletani sunga ku Betishita, wakafika sunga kwi'tumbi lya Abeli-mehola behi na Tabati.